दापोली(विशाल मोरे ):- तालुक्यातील श्री. शंकर सेवा मित्र मंडळ आणि आदर्श महिला मंडळ वावघर बळेकरवाडी येथे सालाबादप्रमाणे १५ फेब्रुवारी आणि १६ फेब्रुवारी २०२६ रोजी महाशिवरात्री उत्सवाचे आयोजन करण्यात आले आहे. उपरोक्त मंडळाचे यंदाचे २५ वे रौप्य वर्षे असून उत्सवाचे औचित्य साधून दोन दिवस विविध कार्यक्रमाचे आयोजन करण्यात आले आहे.यामध्ये पहिल्या दिवशी रुद्रलघु अभिषेक सोहळा, महाआरती, तीर्थप्रसाद, हरिपाठ व हरी किर्तन आणि दुसऱ्या दिवशी सत्यनारायणाची महापूजा, महाप्रसाद, महिलांचा हळदी कुंकू समारंभ, विध्यार्थी बक्षीस वितरण व मान्यवरांचे सन्मान सोहळा आणि रात्री बहुरंगी नमन आदी कार्यक्रमाचे आयोजन करण्यात आले आहे.
प्रमुख उपस्थिती म्हणून राज्यमंत्री नामदार श्री. योगेश दादा कदम यांचे दिनांक १५ फेब्रुवारी २०२६ रोजी आणि समाजसेविका सौ. श्रेयाताई योगेश कदम यांचे दिनांक १६ फेब्रुवारी २०२६ रोजी आगमन होणार आहे. श्री. शंकर सेवा मित्र मंडळ आणि आदर्श महिला मंडळ यांनी पंचक्रोशीतील सर्व भाविकांना मोठ्या संख्येने उपस्थित राहण्याचे आव्हान उपरोक्त मंडळाच्यावतीने करण्यात आले आहे.
कोणत्याही टिप्पण्या नाहीत:
टिप्पणी पोस्ट करा