कल्याण मध्ये ३६ तासांचे वाचन यज्ञ ; आगरी कवींनी अर्पण केल्या काव्यात्मक समिधा

ठाणे (प्रतिनिधी)अक्षरमंच सामाजिक व सांस्कृतिक प्रतिष्ठान, बालक मंदिर संस्था कल्याण, सार्वजनिक वाचनालय कल्याण आयोजित ३६ तासांचे वाचन यज्ञ उत्साह आणि नियोजनबद्ध पार पडले. यातील शंकर सखाराम पाटील वाचन सत्रात आगरी कवी संमेलनाचे आयोजन करण्यात आले होते याप्रसंगी वेगवेगळ्या धाटणीच्या कविता सादर करून सर्वच आगरी कवींनी उपस्थितांची दाद मिळवली.

      दरम्यान हे वाचन सत्र तीन सत्रात झाले असून त्या तिन्ही सत्रात अध्यक्ष पाहुणे म्हणून अनुक्रमे श्री. म. वा. म्हात्रे ज्येष्ठ साहित्यिक कादंबरीकार कथाकार, श्री पुंडलिक म्हात्रे ज्येष्ठ कवी नाटककार रायगड भूषण, श्री रामनाथ म्हात्रे ज्येष्ठ कवी गीतकार संगीतकार हे उपस्थित होते तसेच प्रसिद्ध कवी जागो ग्राहक जागो चे मंत्रालयातील अधिकारी कवी गजानन पाटील, युवा पत्रकार नरेंद्र पाटील, खाडीवरची माडी फेम गज आनन म्हात्रे, नाट्यकर्मी कवी सत्यवान पाटील, ज्येष्ठ कवी भानुदास पाटील , गीतकार संगीतकार कवी दया नाईक, प्रसिध्द युवा साहित्यिक प्रथम म्हात्रे, प्रसिध्द आगरी कवी जयंत पाटील, प्रसिद्ध धावलारीन आगरी पुरोहित सरशीबाईठाकूर, प्रसिद्ध कवियत्री स्नेहाराणी गायकवाड आणि आगरवाट काव्य मैफिलीचे प्रसिद्ध कवी संदेश भोईर यांची उपस्थिती लाभली तसेच या प्रसंगी युवा कवी हरिश्चंद्र दळवी, मंगेश मात्रे, रवी भांडे, नवनाथ ठाकूर, सुनील म्हसकर, जय म्हात्रे, गोपीनाथ ठाकूर, अश्विनी म्हात्रे नीतुराज पाटील यांनी आपल्या बहारदार कविता सादर केल्या

     दरम्यान ह्या तीनही सत्राचे काव्यात्मक निवेदन अनुक्रमे प्रसिद्ध डॉक्टर कवयित्री शोभा पाटील, प्रसिद्ध कवयित्री कोशेट फेम निर्मला पाटील, प्रसिद्ध अभिनेत्री कवयित्री प्रज्ञा म्हात्रे यांनी केले या संपूर्ण कार्यक्रमाचे समन्वयक म्हणून नियोजन प्रसिद्ध कवी श्री संदेश भोईर यांनी केले पूर्ण आयोजनाची जबाबदारी असताना अक्षरमंच प्रतिष्ठानचे योगेश जोशी सर, सार्वजनिक वाचनालयाचे भिकू बारस्कर सर, बालक मंदिर संस्थेच्या तेजस्विनी पाठक मॅडम, हेमंत नेहते सर, क्षीरसागर सर आणि दैनिक प्रहार चे संपादक सुकृत खांडेकर सर आगरी कविता ऐकायला आवर्जून उपस्थित होते

      दरम्यान आगरी कवी संमेलनाच्या सत्रा नंतर समारोपाचे सत्र झाले त्यात आलेल्या पाहुण्यांनी आणि वक्त्यांनी आगरी कवितांच्या सत्रांचे तोंड भरून कौतुक केले तर कुटुंब रंगले काव्यात फेम विसू भाऊंनी तर आगरी कवींच्या कविता आठवण म्हणून त्यांच्या खास डायरीत ज्यात गदिमांपासून अनेकांच्या कविता हस्ताक्षरात आहेत त्यात आगरी कवींच्या कविता लिहायला सांगून आगरी कवींचा व कवितांचा सन्मान केला.

ठाणे महापालिकेचे पहिले सभापती गोवर्धन चांगो भगत यांच्या जीवनावर आधारीत "अष्टपैलू दादा " या पुस्तकाचा प्रकाशन सोहळा

ठाणे ( महेश्वर तेटांबे)गडकरी रंगायतन ठाणे येथे दि. ६ सप्टेंबर रोजी सकाळी ११ ते २ या वेळेत ठाणे महापालिकेचे पहिले सभापती गोवर्धन चांगो भगत यांच्या जीवनावर आधारीत "अष्टपैलू दादा " या पुस्तकाचा प्रकाशन सोहळा ८९ व्या अखिल भारतीय साहित्य संमेलनाचे माजी अध्यक्ष डॉ श्रीपाल सबनीस यांच्या अध्यक्षतेखाली संपन्न होत आहे. या पुस्तकाचे शब्दांकन प्रसिद्ध अभिनेते दिग्दर्शक लेखक असलेले राम माळी यांनी केले असुन प्रकाशन पुस्तक मार्केटचे संपादक लेखक मिलिंद कसबे यांनी केले आहे. या पुस्तकाचे मुख्य वितरण दिवा शिक्षण संस्था व कनिष्ठ महाविद्यालय तसेच पुस्तक मार्केट यांच्या मार्फत होणार आहे. अष्टपैलू दादा या पुस्तकाचा परिचय लेखक निवेदक श्रीकांत चौगुले हे करून देणार असून, या कार्यक्रमास माजी मंत्री जगन्नाथ पाटील, आमदार संजय केळकर,आमदार निरंजन डावखरे मा.आमदार सुभाष भोईर, माजी नगराध्याक्ष सौ पौर्णिमा कबरे, जिल्हा अध्यक्ष संजय वाघुले,दै.ठाणे वैभवचे संपादक मिलिंद बल्लाळ, लोकक्रांती चे संपादक डी बी पाटील, नगरसेवक देवराम भोईर, नगरसेवक शैलेश पाटील, रेश्मा नरेश पवार, दिग्दर्शक,पत्रकार महेश्वर तेटांबे, लक्ष्मण पाटील, भोला पाटील, शबनम शेख, इ राजकीय, साहित्यिक, कला क्षेत्रातील अनेक मान्यवर उपस्थित राहणार आहेत. याप्रसंगी ज्येष्ठ नागरिकांचा सत्कार व फणी आणि गाणी हा बहारदार कार्यक्रम होणार असल्याची माहिती दिवा शिक्षण संस्थेचे अध्यक्ष श्री गोवर्धन भगत, मुख्याध्यापक संजय महाजन व लेखक दिग्दर्शक राम माळी यांनी एका पत्रकात दिली आहे.

आगरी साहित्य संमेलनात झाला लोकशाहीर शनी कुमार यांचा जागर

भिवंडी ( आदर्श वार्ताहर वृत्तसेवा): आगरी ग्रंथालय चळवळ आयोजित "सरावनसरी" या पावसाळी आगरी साहित्य संमेलनाचे आयोजन भिवंडी येथील प्रसिद्ध दिंडीगड येथे करण्यात आले होते.

     या एक दिवसीय साहित्य संमेलनात विविध चर्चासत्र आणि कवी संमेलन आयोजित केले होते त्यात स्वर्गीय लोकशाहीर शनी कुमार शेलार साहित्यिक कट्ट्यावर स्वर्गीय लोकशाहीर शनी कुमार यांच्या महाराष्ट्रातील लोककलेच्या योगदानाचा जागर करण्यात आला. या चर्चासत्रात दिग्गज गायक साहित्यिकांनी सहभाग घेतला यात प्रसिद्ध गायक संगीतकार किसन फुलोरे, बिग बॉस मधून जगभर पोचलेले आगरी गोल्डन मॅन सुप्रसिद्ध गायक संतोष चौधरी, रसिकाच्या लग्नात फेम ठाणा बँड पॅटर्नचे जनक साईभक्त सुप्रसिद्ध गायक जगदीश पाटील, प्रसिद्ध कवी गीतकार दिग्दर्शक श्री रामनाथ म्हात्रे, सुप्रसिद्ध नाट्य अभिनेते श्री मयुरेश कोटकर, स्वर्गीय बाबुलनाथ नाईक यांचे सुपुत्र प्रसिध्द गायक विजय नाईक, प्रसिद्ध गीतकार कवी संगीतकार दया नाईक, प्रसिद्ध गायक बाळू म्हात्रे, स्वर्गीय लोकशाहीर शनी कुमार यांची नात योगिता शेलार आदींनी सहभाग नोंदवला टाळ्या हशा आणि उस्फूर्त नाच नाचून उपस्थित रसिकांनी चर्चासत्राला मनमुराद दाद दिली. यावेळी बोलताना बिग बॉस फेम दादुस म्हणाले की स्वर्गीय बाबूनाथ दादा व स्वर्गीय शनी कुमार दादा हे आमचे आदर्श आहेत त्यांच्यामुळेच आणि रसिकांच्या प्रेमामुळेच आज मी आगरी संगीताचा झेंडा साता समुद्रा पार नेऊ शकलो. तसेच बोलताना प्रसिद्ध गायक जगदीश पाटील म्हणाले की शनी कुमार यांच्या पावलावर पाऊल ठेवूनच मी पुढे चाललो घडलो आणि त्यांच्यामुळेच मी आज सुटा बुटात दिसतो आहे असे त्यांनी प्रामाणिकपणे कबूल केले .आलेल्या सर्व मान्यवरांनी लोकशाहीर स्वर्गीय शनी कुमार यांच्या आठवणींना उजाळा दिला या चर्चासत्राचे अभ्यासपूर्ण सूत्रसंचालन प्रसिद्ध कवी गीतकार श्री संदेश भोईर यांनी केले व लोकशाहीर शनी कुमारांच्या विविध पैलूंचा उलगडा रसिकांना करून दाखवला.

       दरम्यान संपूर्ण संमेलनाचे संमेलनाध्यक्ष म्हणून प्रसिद्ध कवी श्री रामनाथ म्हात्रे स्वागताध्यक्ष म्हणून सूप्रसिद्ध कवी चित्रकार मोरेश्वर पाटील यांनी भूषविले .संमेलनाचे दिमाखदार आयोजन आगरी ग्रंथालय चळवळीचे प्रसिद्ध युवा साहित्यिक कवी सर्वेश तरे, प्रसिद्ध गीतकार संगीतकार कवी दया नाईक, सूप्रसिद्ध चित्रकार कवी प्रकाश पाटील, आंतरराष्ट्रीय दर्जाचे चित्रकार कवी मोरेश्वर पाटील यांनी केले. या कार्यक्रमाला प्रमुख पाहुणे म्हणून अखिल भारतीय आगरी साहित्य संमेलनाचे विद्यमान अध्यक्ष सुनील पाटील सर, रायगड भूषण प्रसिद्ध साहित्यिक एल. बी. पाटील सर, प्रसिद्ध कादंबरीकार प्रकाश पाटील सर, प्रसिद्ध साहित्यिक म. वा म्हात्रे सर, प्रसिद्ध साहित्यिक अविनाश पाटील सर, प्रसिद्ध कवी साहित्यिक गज आनन म्हात्रे कवी संमेलनाचे अध्यक्ष प्रसिद्ध कवी प. सा. म्हात्रे, प्रसिद्ध कथा कादंबरीकार अरविंद पाटील सर तसेच मा. आमदार रुपेश म्हात्रे साहेब, ज्येष्ठ विधीतज्ञ भारद्वाज चौधरी साहेब, मनसेचे स्थानिक अध्यक्ष परेश चौधरी साहेब आवर्जून उपस्थित होते.

समाजसेवक सुभाष बांबरकर शीतल बांबरकर आदर्श पती-पत्नी पुरस्काराने सन्मानित

ठाणे :( उदय दणदणे)ता.जिल्हा रत्नागिरी,धामणसे (चौकेवाडी) चे सुपुत्र तसेच सामाजिक,कला,शैक्षणिक क्षेत्रात विविध संस्थावर कार्यरत असणारे सामजिक कार्यकर्ते सुभाष यशवंत बांबरकर तसेच पत्नी शितल सुभाष बांबरकर ह्या उभयतांना मौजे चुनाकोळवण माजी विद्यार्थी संघ ग्रामीण/मुंबई राजापूर ह्या संस्थेच्या वतीने "आदर्श पती-पत्नी" आदर्श जोडी पुरस्कार -२०२३  ने गौरविण्यात आले. उपरोक्त संस्थेच्या १८ वा वर्धापनदिनी हा पुरस्कार ताराबाई मोडक शिशूविहार माध्यमिक विद्यालय, दादर -मुबंई येथे प्रमुख मान्यवरांच्या उपस्थितीत अध्यक्ष रविंद्र मटकर व रेश्मा मटकर यांच्या हस्ते शाल, सन्मानचिन्ह, सन्मानपत्र, पुष्पगुच्छ देऊन पुरस्कार प्रदान  करण्यात आला. सुभाष बांबरकर एक उत्कृष्ट कलाकार असून गेली अनेज वर्षे ते साई श्रद्धा कलापथक कानसे ग्रुप मध्ये  नमन लोककलेतून आपल्या विविध भूमिका साकारत आहेत. शिवरत्न प्रोडक्शनचे ते स्वतः संस्थापक /आयोजक आहेत,  नमन व शक्ती-तुरा  ह्या कोकणातील लोककलांचे अनेक प्रयोग रंगमंचावर करत अनेक कलाकारांना व्यासपीठ देण्याचा त्यांचा प्रामाणिक असतो, सात्विक मार्गाने त्यांनी समाजसेवेतून आजवर १०० पेक्षा अधिक व्यसनाधीन लोकांना व्यसनमुक्ती करत अनेक  कुटुंबाना त्यांनी मदतीचा हात दिला आहे, देत आहेत.यात त्यांची पत्नी शितल बांबरकर यांचा सहभाग फार मोठा आहे.त्या नेहमीच पती सुभाष बांबरकर यांच्या सामाजिक सेवेत खारीचा वाटा उचलत त्यांच्या पाठी खंबीरपणे उभ्या राहतात,अनेकांना प्रेरणादायी ठरावं असं त्यांचं समाजकार्य आज गौरवास्पद ठरलं,सदर सोहळ्यास ॲड सुभाष बाणे, प्रा.सुनील देवरे,नमन लोककला संस्था सचीव-सुधाकर मास्कर शाहीर तुषार पंदेरे,कवी रमाकांत जावळे, मुचकुंदी परिसर विकास संघ लांजा-राजापूर अध्यक्ष- सुभाष तांबे व सहकारी पत्रकार-उदय दणदणे असे विविध क्षेत्रातील मान्यवर उपस्थित होते. सदर पुरस्कार प्राप्त झाल्याबद्दल सर्व स्तरातून सुभाष व शीतल बांबरकर यांचे अभिनंदन सह कौतुक होत आहे.तर आदर्श पती-पत्नी -आदर्श जोडी पुरस्काराने सन्मानित केल्याबद्दल सुभाष बांबरकर आणि शीतल बांबरकर यांनी उपरोक्त संस्थेचे आभार मानले आहेत.

एकता कल्चरल अकादमी आयोजित राज्यस्तरीय काव्यलेखन स्पर्धा २०२३

विरार : ३५व्या एकता सांस्कृतिक महोत्सवातर्फे एकता कल्चरल अकादमी च्या वतीने गणपत गुणाजी जाधव स्मरणार्थ राज्यस्तरीय 'काव्यलेखन स्पर्धा' २०२३ आयोजित करण्यात आली आहे. इच्छुक कवी-कवियत्रींनी आपल्या दोन कविता, संपूर्ण माहिती, फोटोसहीत ३१ऑगस्ट २०२३ पर्यत पुढील पत्यावर पाठविणे.अध्यक्ष- प्रकाश गणपत जाधव -एकता कल्चरल अकादमी, ए/२०४, विशाल हेवन सोसायटी, मनवेल पाडा रोड, विरार (पू). 401305 (जळबाववाडी) समोर मो.9220899120.प्रवेश शुल्क - १०० रुपये गुगल पे करणे. Gpay no. 8177870586 (विषयाचे बंधन नाही ,दीर्घ कविता नको ) विजेत्यांना प्रथम, व्दितीय, तृतीय, २०००,१०००,७०० रुपये, तसेच उत्तेजनार्थ ५ पारितोषिक १००रुपये. एकता सन्मानचिन्ह, प्रमाणपत्र देण्यात येईल. तसेच स्पर्धेत भाग घेणाऱ्या सर्व स्पर्धकांना सहभागाचे प्रमाणपत्र देण्यात येणार आहे.(पारितोषिक वितरण सोहळा डिसेंबर दरम्यान होणाऱ्या ३५वा एकता सांस्कृतिक महोत्सवात प्रदान करण्यात येणार आहे.) असे एकताचे सचिव कवी प्रकाश पाटील यांनी एका पत्रकाद्वारे जाहीर केले आहे.अधिक माहितीसाठी संपर्क करणे.मो. ९२२०८९९१२०

बदलापूरचे सौंदर्य अबाधित रहाण्यासाठी नानासाहेब देशमुख यांचे अविरत प्रयत्न

बदलापूर- कवट्याची वाडी शिरगांव डोंगरराजीतून उगम पावणारा ओढा पनवेल रोड ओलांडून मोहनपाम मार्गे रामनगर,सरस्वती नगर डाॅ.प्रकाश आमटे उद्यान अटलबिहारी गॅलरीतून कात्रप स्टेशन रस्ता रेल्वे लाईन ओलांडून मांजर्लि हेंद्र्याचा पाडा मार्गे उल्हास नदीला मिळतो.हा ओढा म्हणजे नदीचे लहान रुप आहे.हा ओढा पनवेल रोडवर येईपर्यंत बिल्डरांनी आकार कमी करून वळण देत आक्रसिला आहेच,पण पनवेल रोड ओलांडल्यानंतर कडेच्या एका बिल्डरने ओढ्यावरच अर्धे काम केले आहे.नंतर मोहनपामने पायाखाली घेऊन गटार करून राऊत चौकातुन रामनगर मध्ये वळविला आहे.ओढा वळविण्यात आल्यानंतरही अतिक्रमण चालु आहे.आणि सरस्वती नगरात आक्रिसला आहे.थोडा पाऊस झाला की घरात पाणी उलटे शिरते.आणि बिल्डरांनी ओढ्याची रुंदी कमी करुन आता ओढा नाही म्हणून नाल्यात सोडण्यात येणारी गटाराची तोंडेच बंद केली आहेत.त्यामुळे पावसाळ्यात पाणी वहाते व चालणे जिकरीचे होते.या दरवर्षीच्या त्रासातून नागरिकांची सुटका करण्यासाठी व नाल्यातील अतिक्रमणे दुर करण्यासाठी ज्ञानेश्वर(नानासाहेब)देशमुख यांनी नमस्ते बदलापूर मंच स्थापन करुन प्रशसानाशी लढा पुकारला आहे.बदलापूर शहराचे सौंदर्य अबाधित ठेवण्यासाठी सर्वांची साथ हवी,मंचच्या पाठपुराव्यामुळे नाल्यातील अतिक्रमण थांबले आहे.याकामी सिटीझन वेल्फेअर असोसिएशन व महानगर विकास कृती समिती यांची मोलाची साथ लाभली.अजूनही शहरातील इतर सामाजिक संस्था,संघटनांकडून साथ मिळाली पाहीजे असे नमस्ते बदलापूरचे मंचचे संस्थापक नानासाहेब देशमुख यांनी सांगितले,तरच बदलापूरचे ओढे अबाधित राहतील.

राष्ट्रीय पत्रकार महासभेच्या ठाणे जिल्हा अध्यक्षपदी सा.अंतिम शब्द चे संपादक श्रीकांत म्हात्रे यांची निवड

अंबरनाथ(गुरुनाथ तिरपणकर)-राष्ट्रीय पत्रकार महासभेच्या वतीने संघटना वाढविण्यासाठी अनेक पत्रकारांच्या कार्याची दखल घेऊन व संघटनेचा विस्तार व्हावा म्हणून संघटनेचे फाऊंडर चेअरमन श्रवण कुमार पाण्डये व राष्ट्रीय पत्रकार महासभेचे राष्ट्रीय अध्यक्ष कपिल धाकड यांनी अनेक पत्रकारांची दखल घेऊन महाराष्ट्रात राष्ट्रीय पत्रकार महासभेच्या पदाधिकारी यांची निवड केलेली आहे. त्याच अनुषंगाने ठाणे जिल्ह्यात राष्ट्रीय पत्रकार महासभेचे कार्य जोमाने चालावे यासाठी सा.अंतिम शब्द चे संपादक श्री.श्रीकांत दत्ताराम म्हात्रे यांची ठाणे जिल्हा अध्यक्षपदी निवड केली.त्यांच्या या नियुक्तीबद्दल त्यांचे सर्वत्र कौतुक व अभिनंदन होत आहे.

दादाज् फाऊंडेशन(एनजीओ)भारत शिवाजीराव पाटील समर्थक यांच्या संयुक्त विद्यमाने विकलांग विद्यार्थ्यांना शैक्षणिक साहित्य वाटप व मिठाई वाटुन स्वातंत्र्य दिन साजरा

वांगणी(गुरुनाथ तिरपणकर)-सामाजिक क्षेत्रात कार्यरत असणा-या दादाज फाऊंडेशन(एनजीओ)भारत व शिवाजीराव पाटील समर्थक बदलापूर यांच्या संयुक्त विद्यमाने ७६व्या स्वातंत्र्य दिनाचे औचित्य साधून किनारा रेसिडेन्शियल स्कूल फाॅर चिल्ड्रन इन नीड ऑफ सोशल केअर वांगणी येथील विकलांग मुलांच्या शाळेतील विद्यार्थ्यांना शालेय शिक्षण उपयोगी साहित्य व मिठाई वाटप तसेच वृक्षारोपण करून स्वातंत्र्य दिन उत्साहात साजरा करण्यात आला. याप्रसंगी फाऊंडेशनचे अध्यक्ष जयवंत दादा दळवी,कार्याध्यक्ष गोपाळ मनगुतकर,खजिनदार संभाजी पाटील तसेच जेष्ठ सभासद व महिला पदाधिकारी,शुभचिंतक व लहान मुले मोठ्या प्रमाणात सहभागी झाले होते.या कार्यक्रमास प्रमुख पाहुणे म्हणून विकलांग शाळेचे अधीक्षक शंकर पवार व युको बॅंक स्केल वन ऑफीसर सुनिल ओव्हाळे उपस्थित होते.कार्यक्रम यशस्वी करण्यासाठी अध्यक्ष व अन्य पदाधिका-यांनी विशेष परिश्रम घेतले.

रेल्वे प्रवासी प्रगती मित्र मंडळाच्या कार्यक्रमात मायबाप प्रेक्षक झाले अनाथांची सावली ; मनोरंजनातून केले दिन दुबळ्यांचे संगोपन

विरार(दिपक मांडवकर/शांताराम गुडेकर) रेल्वे प्रवासी प्रगती मित्र मंडळतर्फे शनिवार(दि.१२ऑगस्ट २०२३) रोजी प. भाऊसाहेब वर्तक हॉल विरार येथे अनाथ, अंध,अपंग आणि कर्णबधीर बालकांना विविध घटकातील मदतीकरीता कोकणातील जाकडी नृत्य सादर केले होते.कोकणची लोककला शक्ती -तुरा सामना सादर करून या माध्यमातून दर वर्षी विविध गरजू मुलांना सहकार्य केले जाते. यावर्षी देखील रशिकप्रेक्षकानी हॉल तुडुंब भरला होता.पुन्हा एकदा हा कार्यक्रम हाऊसफुल करण्यात आयोजक यशस्वी झाले.प्रेक्षकांच्या साहाय्याने मिळालेला निधी गावातील व मुंबई, पुणे येथील गरजू मुलांना आयोजकतर्फे सुपूर्द करण्यात आला.

              या कार्यक्रमाची सुरवात मा.अध्यक्ष श्री.मनोहर गोताड यांच्या हस्ते रंग देवतेला श्रीफळ अर्पण करून केली.दीपप्रज्वलित साठी प्रमुख अतिथी म्हणून महाराष्ट्र पोलीस प्रकाश ननावरे उपस्थित होते.त्यांच्या शुभहस्ते दीपप्रज्वलित करण्यात आले.श्री गणेश पूजन वरिष्ठ वकील दिनेश शिंदे,कृष्ण शिगवण व सुरेश यादव,मंगेश गोरीवले,प्रणय नाडकर, यांनी केले.तर नवतरुण मंडळींनी रंगदेवतेला पुष्पहार अर्पण केला.शिस्तबद्द नियोजनाने सर्व मान्यवरांची मने जिंकली.शक्तिवाले शाहीर सौ.तेजल पवार आणि तुरेवाले शाहीर श्री.रत्नाकर महाकाळ यांनी आपल्या कला सादर करताना रसिकांना मंत्रमुग्ध केले.या कार्यक्रमात देणगीदार व अनाथांचे नाथ म्हणून साठ मान्यवर उपस्थित होते.यात विधी ज्वेलर्सचे मालक परशुराम पारावे,महाराष्ट्र पोलीस प्रकाश ननावरे,पशु संवर्धन सभापती बबन मनवे,उच्च न्यायालय कर्मचारी समाजसेवक चंद्रकांत करंबेळे,महाराष्ट्र सुपर फास्ट न्युज संपादक जितेंद्र शिंदे,शिवसेना विभाग प्रमुख निलेश तेलंगे, समाज सेवक सुनील भावेन, किशोरजी भेरे, संभाजी मालप, झुंजार प्रोड्यक्शन कृष्णा येद्रे, रुगणसेवक साईनाथ वेलनगीकर, देवेंद्र गोठल सह साठ मान्यवरांना सन्मानीत करण्यात आले. शाहिर सौ. तेजल पवार व शाहिर रत्नाकर महाकाळ यांना ही सन्मानित करण्यात आले.तर याच क्षणी मंडळाचे मदतीचा उद्देश म्हणून सोळा विविध घटकांतील मुलांना मान्यवरांच्या हस्ते आर्थिक मदत करण्यात आली.या कार्यक्रमाची जबाबदारी सर्व सदस्यांनी स्वीकारून कार्यक्रम हाऊफुल करण्यासाठी नवतरुणानी पूर्ण जबाबदारी घेताना सुरेंद्र कुडेकर याने सर्वात जास्त निधी उपलब्ध करून दिली.त्यांचे मंडळाच्या वतीने कौतुक करण्यात आले.

               प्रगती मित्र मंडळ म्हणजे रोजची शिदोरी आणि जिंदगीची झोळी पाठीला लावून मुंबई लोकल ट्रेन मध्ये जीवघेणा प्रवास करणाऱ्या प्रवाश्यांची नाळ जनसेवेसोबत जोडली गेली आणि प्रेरणास्थान कै. किसन काका दुर्गोवले यांच्या संकल्पने १ जानेवारी २००७ रोजी प्रगती मित्रमंडळाच्या स्थापना झाली. ज्या लोकल मध्ये, पत्ते, झुगार, दादागिती, थट्टा मस्करी, आणि रोजच्या पार्ट्या होतात त्याच रेल्वेच्या चर्चगेट विरार लोकल मध्ये सायंकाळी ६. ५० मिनिटाच्या एका डब्यात हे जनसेवेचे रोपटे लावले गेले आणि मंडळाचे अनाथांचे नाथ अध्यक्ष श्री. मनोहरजी गोताड, गरिबांचे दैवत मंडळाचे सचिव श्री परशुराम वाघरे आणि यांच्या नेतृत्वाखाली ५० सदस्यांच्या शिरावर असलेले सर्व जाती धर्माच्या सदस्यांनी सोळा वर्षे हा मंडळाचा जनसेवाचा रथ चालवत असताना २०१० पासून स्वतःच्या खिशाला कात्री लावून आज पर्यंत नव्वद गरजू मुलांना विविध मदत केली गेली. यात काहींना गणवेश, काहींची शाळेची फी, काहींना व्हिलचेर, कोणाला कानाची मशीन, तर अनाथांना मदतीचा हात देण्यात आला व कार्यक्रमाच्या सुरवातीला सूत्रसंचालन करताना ऍडवकेट श्री. दिनेश शिंदे म्हणाले की, मायबाप रसीकप्रेक्षक आपण प्रेक्षक म्हणून या ठिकाणी आलात आणि २००/- रुपयांचे तिकीट घेऊन आपले मनोरंजन झाले पण ते पैसे कोठेच वाया गेले नाही तेच पैसे अश्या मुलांना मदती साठी उपयोगी आले जे जीवनाशी संघर्ष करत आहेत.. वर्षातून एकदा हे मंडळ असे कार्यक्रम राभवत असतात त्या वेळी नक्कीच प्रेक्षक नव्हे तर देवदूत म्हणून याना सहकार्य करण्या साठी वर्षोनुवर्षे साथ द्या... आपल्या मनोरंजनातून अनाथ मुलांच्या संगोपना साठी मदतीचा हात द्या. हे प्रगती मित्र मंडळ आपले सर्वांचे समजून रंजल्या गांजल्यांची साथ द्या असे संबोधित करून कार्यक्रम संपन्न झाला.

रुग्‍णवाहिकेतील डॉक्‍टरचे प्रसंगावधान, 'आशा'च्‍या मदतीने महिलेची घरीच प्रसुती

ठाणे( वैभव पाटील)-ठाणे जिल्ह्यातील भोसपाडा वाघवाडी येथील सौ वैशाली बाबर या २५ वर्षीय गरोदर महिलेला बुधवार दिनांक ९ ऑगस्ट २०२३ रोजी सकाळी प्रसूती कळा सुरू झाल्यावर १०८ या आपत्कालीन वैद्यकीय सेवेच्या क्रमांकावर संपर्क साधण्यात आला. त्यानुसार १८ किलोमीटरचे अंतर साधारणतः अर्ध्या तासात पार करत सकाळी 10 वाजता १०८ रुग्णवाहिका भोसपाडा वाघवाडी येथे पोहचली. रुग्णवाहिकेतील डॉक्टर रुग्णाच्या घरी पोहोचल्यावर रुग्ण अत्यवस्थ असल्याचे त्यांच्या लक्षात आले. त्यामुळे प्रसंगावधान राखत रुग्णवाहिकेतील डॉ. जितेंद्र पडळकर यांनी सदर महिलेची घरीच प्रसूती करण्याचा निर्णय घेतला व काही वेळातच स्थानिक आशा कार्यकर्तीच्या मदतीने त्यांनी महिलेची सुखरूप प्रसूतीदेखील केली.  प्रसूतीनंतर बाळ व आईची तब्येत देखील स्थिर होती. त्यानंतर सदर महिला व बाळाला घेऊन रुग्णवाहिका खर्डी ग्रामीण रुग्णालयात पोहोचली व पुढील उपचारासाठी त्यांना रुग्णालयात दाखल करण्यात आले. सदर प्रसंगावधनामुळे रुग्णवाहिकेतील डॉ जितेंद्र पापळकर व चालक अमोल बांगर यांचे कौतुक करत महिलेचे कुटुंबीय व स्थानिकांनी त्यांचे आभारदेखील मानले. ठाणे जिल्ह्यातील ग्रामीण भागांत १०८ रुग्णवाहिकेचा मोठा लाभ रुग्णांना होत असून गंभीर व गुंतागुंतीच्या प्रकरणात या रुग्णवाहिकेची सेवा कौतुकाचा विषय ठरत आहे. मागील जुलै महिन्यात ठाणे जिल्ह्यात शासनाच्‍या आपात्‍कालीन वैदयकीय सेवेतील रुग्णवाहिकांद्वारे ५ हजारांहून अधिक रुग्णांना सेवा देण्यात आली असून यात ३३२ गरोदर महिला, ४४ अपघातग्रस्त रुग्ण, ६७ हृदयरोग, ५६ विषबाधा व ९ भाजलेल्या रुग्णांचादेखील समावेश आहे.

कोकण विभागीय महसूल सप्ताहाची सांगता झाली सांगितीक मेजवानीने ; सुप्रसिद्ध गायक पद्मश्री डॉ. सुरेश वाडकर अन् सुप्रसिद्ध अभिनेते सलमान खान यांची लाभली विशेष उपस्थिती

ठाणे,दि.9 :- शासनाने दि.1 ते 7 ऑगस्ट 2023 या दरम्यान महसूल सप्ताह साजरा करण्याचे निश्चित केले होते. त्याप्रमाणे राज्यात सर्वत्र विविध लोकोपयोगी उपक्रमांनी हा सप्ताह साजरा करण्यात आला. कोकण विभागीय आयुक्त डॉ. महेंद्र कल्याणकर यांच्या मार्गदर्शनाखाली कोकण विभागातील मुंबई शहर, मुंबई उपनगर, ठाणे, पालघर, रायगड, रत्नागिरी आणि सिंधुदूर्ग या जिल्ह्यांमध्येही महसूल सप्ताहाचे यशस्वी आयोजन करण्यात आले होते. या सप्ताहाची सांगता कोकण विभागीय आयुक्त डॉ. महेंद्र कल्याणकर यांच्या संकल्पनेतून दि. 8 ऑगस्ट 2023 रोजी सायंकाळी बालगंधर्व रंगमंदिर, वांद्रे येथे “कोकण विभागीय सांस्कृतिक कार्यक्रम व सांगितीक मेजवानी” ने झाली.

      यावेळी सुप्रसिद्ध गायक पद्मश्री डॉ.सुरेश वाडकर, सुप्रसिद्ध अभिनेता सलमान खान, अभिनेत्री पूजा हेगडे, गायिका सायली कांबळे आणि कु.अंशिका चोणकर यांची विशेष उपस्थिती लाभली.या महसूल सप्ताह-2023 च्या सांगता समारंभ कार्यक्रमाच्या अध्यक्षस्थानी राज्याचे अपर मुख्य सचिव राजगोपाल देवरा होते. तर या कार्यक्रमास मुख्य निवडणूक आयुक्त श्रीकांत देशपांडे, माजी विभागीय आयुक्त एस.एस.संधू, विलास पाटील, सुभाष हजारे, कोकण विभागातील मुंबई शहर जिल्हाधिकारी राजेंद्र क्षीरसागर, मुंबई उपनगर जिल्हाधिकारी डॉ.राजेंद्र भोसले, ठाणे जिल्हाधिकारी अशोक शिनगारे, पालघर जिल्हाधिकारी गोविंद बोडके, रायगड जिल्हाधिकारी डॉ.योगेश म्हसे, रत्नागिरी जिल्हाधिकारी एम.देवेंदर सिंह, सिंधुदूर्ग जिल्हाधिकारी के.मंजूलक्ष्मी, ठाणे जिल्हा परिषद मुख्य कार्यकारी अधिकारी मनुज जिंदल, महानगरपालिका प्रशासन संचालक मनोज रानडे, अतिरिक्त विभागीय आयुक्त किसन जावळे तसेच महसूल प्रशासनातील वरिष्ठ अधिकारी-कर्मचारी मोठ्या संख्येने उपस्थित होते.

      या कार्यक्रमाच्या निमित्ताने कोकण विभागातील सर्व जिल्ह्यांमधील अधिकारी-कर्मचाऱ्यांनी उत्कृष्ट असे कला सादरीकरणही केले. तसेच  सर्वांच्या मनोरंजनासाठी शशांक कल्याणकर आणि सहकारी यांच्या "एक संगीत संध्या" हा वाद्यवृंदाचा सुमधुर कार्यक्रमही सादर करण्यात आला. विशेष म्हणजे या कार्यक्रमात स्वतः पद्मश्री डॉ.सुरेश वाडकर, सायली कांबळे आणि कु.अंशिका चोणकर यांनीही आपल्या सुमधुर गायनाने उपस्थितांना अभूतपूर्व असा आनंद दिला. 

      कार्यक्रमाच्या सुरुवातीस विभागीय आयुक्त डॉ.महेंद्र कल्याणकर यांनी पुष्पगुच्छ शाल, श्रीफळ व स्मृतीचिन्ह देऊन सर्व प्रमुख मान्यवरांचे स्वागत केले तर शेवटी मुंबई उपनगरचे जिल्हाधिकारी डॉ.राजेंद्र भोसले यांनी उपस्थितांचे आभार मानले.

भाजपा चित्रपट कामगार आघाडीच्या वतीने तुळशी रोपे वाटप

डोंबिवली( गुरुनाथ तिरपणकर)-विठ्ठलाच्या चरणी नतमस्तक होऊन आषाढी एकादशीचे औचित्य साधून भाजपा चित्रपट कामगार आघाडी,डोंबिवलीच्या वतीने भाजपच्या माजी नगरसेविका व डोंबिवली भाजपा चित्रपट कामगार आघाडी शहर अध्यक्षा शर्मिला केसरकर यांच्या हस्ते फडके रोडवरील गणेश मंदिर येथे तुळशीची रोपे वाटप करण्यात आले.यावेळी संघटनेच्यावतीने पत्रही देण्यात आले.हा कार्यक्रम डोंबिवली शहर भाजपा चित्रपट कामगार आघाडी व गणेश मंदिर संस्थान यांच्या सहकार्याने उत्साहात पार पडला.

काटी गावात आषाढीनिमित्त विद्यार्थ्यांची दिंडी

ठाणे : पालघर जिल्ह्यातील काटी गावातील जिल्हा परिषद शाळेतील विद्यार्थ्यांनी आषाढी एकादशीनिमित्त गावात पायी दिंडी काढली. शिक्षण व आधुनिकतेच्या जगात अध्यात्माची ही सांगड पालक व ग्रामस्थांना सुखावणारी ठरली. विद्यार्थ्यांच्या दिंडी निमित्त सर्व गावात आनंदाचे वातावरण दिसून आले. गावातील शाळा 100% प्रगत असून शाळेत सातत्याने विविध नाविन्यपूर्ण उपक्रम आयोजित केले जातात.

      आषाढी एकादशी निमित्त केंद्र प्रमुख रमेश चव्हाण सर, मुख्याध्यापक जाधव सर यांची संकल्पना आणि प्रविण बडे सर यांच्या निजोजनातून दिंडी पार पडली. गावातून सर्व ग्रामस्थांनी दिलेला उत्स्पूर्त प्रतिसाद उल्लेखनीय होता. गावात ठिकठिकाणी या विद्यार्थी दिंडीचे स्वागत करण्यात आले. 

जॉय ऑफ गिव्हिंग संस्थेचा जव्हार येथील कर्णबधिर मुलांच्या शाळेत सामाजिक उपक्रम

ठाणे (वैभव पाटील): जॉय ऑफ गिव्हिंग या सामाजिक संस्थेमार्फत शनिवार दिनांक २४ जून २०२३ रोजी पालघर जिल्ह्यातील जव्हार येथील प्रगती प्रतिष्ठानच्या निलेश मुरडेश्वर कर्णबधिर विद्यालयातील विद्यार्थ्यांना शैक्षणिक साहित्य व दैनंदिन गरजेच्या वस्तूंचे तसेच वसतिगृहासाठी किराणा सामानाचे वाटप करण्यात आले. मुंबईत विविध क्षेत्रांत काम करणाऱ्या समाजाप्रती संवेदनशील व्यक्तींच्या सहयोगातून जॉय ऑफ गिव्हिंग या संस्थेची निर्मिती जोगेश्वरी येथील शिक्षक श्री गणेश हिरवे यांच्या संकल्पनेतून करण्यात आली आहे. संस्थेतील सदस्यांना श्री हिरवे यांनी व्हाट्सएपसारख्या सोशल माध्यमाद्वारे एकत्र आणत याच सभासदांच्या सहभागातून मुंबई, ठाणे तसेच पालघर जिल्ह्यातील आदिवासी, गरजू विद्यार्थी, अनाथ मुले तसेच वृद्धाश्रमातील वृद्धांना गरजेच्या वस्तू पोहोचवण्याचे कार्य ते अविरतपणे करत आहेत. कोरोना काळातदेखील अनेक गरजूंना मदत पोहोचवण्याचे कार्य त्यांनी जॉय संस्थेच्या माध्यमातून केले आहे. संस्थेच्या सभासदांच्या वर्गणीतून आणि समाजातील दानशूर व्यक्तींच्या सहयोगातून शनिवारी प्रगती प्रतिष्ठानच्या शाळेतील कर्णबधिर मुलांसाठी गरजेच्या वस्तू घेऊन ते संस्थेच्या काही कार्यकर्त्यांसह पोहोचले. यात मुलांसाठी शालेय बॅग, वह्या, पुस्तके, पेन, पेन्सिल, पॅड, कोलगेट, साबण यांसह वसतिगृहासाठी तांदूळ, गहू, तूरडाळ, मुगडाळ, मसुरडाळ, रवा, पोहे, मूग, मटकी हे साहित्य मुलांसाठी उपलब्ध करून देण्यात आले. 

   

याप्रसंगी संस्थेचे अध्यक्ष संस्थापक गणेश हिरवे, कार्यकारिणी सदस्य वैभव पाटील, अंसुता डिसोझा, मीना भूतकर, भूषण मुळ्ये, चंद्रशेखर सावंत, दत्ता रातवडकर, हॅप्पी रायडर गजानन पाटील, निलेश घोडविंदे, तसेच संवेदनशील समाजसेवक विजय पोस्तुरे, जितू नागवेकर, आडीवडेकर, राणे आदी मान्यवर उपस्थित होते. तसेच संस्थेच्या वतीने मुख्याध्यापक श्री बळीराम पाटील, अधीक्षक राजेंद्र मुकणे, एमएसडब्लू सत्येंद्र काळकर, लिपिक केशव भोईर, दीपक रिकामे, टेलरिंग विभागाच्या प्रशिक्षिका रसिका रिकामे इत्यादी मान्यवर उपस्थित होते. संस्थेचे जनसंपर्क अधिकारी श्री सत्येंद्र काळकर यांनी याप्रसंगी प्रगती प्रतिष्ठान संस्थेच्या कार्याची सविस्तर माहिती दिली तर गणेश हिरवे यांनी जॉय संस्थेची निर्मिती, उद्देश व वाटचालीविषयी उपस्थितांना माहिती देत उपक्रमासाठी योगदान देणाऱ्या सर्व सभासदांचे आभार मानले. वैभव पाटील यांनी आपल्या प्रास्ताविकात जॉय संस्था करत असलेले कार्य, कार्यक्रम आयोजनाची पार्श्वभूमी तसेच आजवर जॉयने राबवलेल्या उपक्रमांची सविस्तर माहिती देत प्रत्येक कार्यक्रमाचे श्रेय, टीम वर्क म्हणून संस्थेच्या प्रत्येक उपक्रमासाठी साहाय्य करणाऱ्या सर्व दानशूर व संवेदशील व्यक्तींचे असल्याचे मत व्यक्त केले. अंसुता डिसोझा यांनीदेखील जॉय संस्थेच्या सर्व उपक्रमांचे कौतुक करत उपस्थितांना समुपदेशनाद्वारे अनेक महत्वपूर्ण टिप्स दिल्या. याप्रसंगी श्री विजय पोस्तुरे आणि जितेंद्र नागवेकर यांनीदेखील आपली मनोगते व्यक्त करत मुलांचे कौतुक केले. शेवटी मुख्याध्यापक श्री बळीराम पाटील यांनी जॉय संस्थेच्या उपस्थित सर्वच सभासदांचे आभार मानत मुलांसाठी ही भेट अविस्मरणीय असल्याचे सांगितले.

शब्दसुमने साहित्यिक मंच आयोजित मराठी वाड्:मय मंडळ, के.एम. महाविद्यालय यांच्या संयुक्त विद्यमाने द्वितीय राज्यस्तरीय काव्यसंमेलन उत्साहात संपन्न. .!

कल्याण (गुरुनाथ तिरपणकर) दिनांक १८जून२०२३ला कल्याणच्या सुप्रसिध्द समाजभूषण आणि साहित्यिक मा.अनिता प्रविण कळसकर यांनी फक्त निमंत्रितासाठी भव्य राज्यस्तरीय काव्यसंमेलन आयोजित केले होते.या कार्यक्रमात महाराष्ट्रातील अनेक भागांतून कवी/ कवयित्री यांनी मोठ्या संख्येने उपस्थिती लावली .या कार्यक्रमाचे प्रमुख अतिथी सुप्रसिद्ध कवी मा.राजीव जोशी आणि मॅक्स महाराष्ट्र चे वरिष्ठ पत्रकार मा.किरण सोनावणे यांनी स्वीकारले. कार्यक्रमाची सुरूवात वरिष्ठ महिला सहायक पोलीस निरीक्षक मा.संगीता सुरवसे, संमेलनाध्यक्ष मा.दत्तप्रसाद जोग,कवी मा. राजीव जोशी तसेच जनजागृती सेवा समितीचे संस्थापक मा.गुरूनाथ तिरपणकर, के.एम.अग्रवाल महाविद्यालय च्या मराठीच्या विभागाच्या प्रमुख मा.मीनल सोहोनी, तसेच या कार्यक्रमाचे सर्वोसर्वा लेखिका/ कवयित्री/संपादिका मा.अनिता प्रविण कळसकर या सर्वांनी दीप प्रज्वलन करून कार्यक्रमाची सुरुवात केली त्यानंतर काॅलेजचे सहसचिव डॉ ओमप्रकाश पांडे सरांच्या वडिलांना श्रद्धांजली अर्पण करण्यात आली आणि नंतर सर्व मान्यवरांचे आयोजिका मा.अनिता कळसकर यांनी शाल, पुष्पगुच्छ तसेच शब्दसुमने साहित्यिक मंच चे स्मृतिचिन्ह देऊन सन्मानित केले. कार्यक्रमाची सुरुवात कु. देवयानी महाजन हिच्या गोड आवाजातील स्वागत गीताने झाली. प्रमुख पाहुणे मा.राजीव जोशी यांनी आपल्या चॅटमॅट या सुंदर अशा कवितेने संमेलनास सुरूवात केली.तसेच मॅक्स महाराष्ट्र चे वरिष्ठ पत्रकार मा.किरण सोनावणे यांनी बोकड नावाची वास्तव रचना सादर करून उपस्थितांची मने जिंकली, प्रत्येक कवीने आपल्या खास अशा शैलीत कवितेचे सादरीकरण केले.उपस्थितांमध्ये ज्येष्ठ गझलकार मा अजित मालणकर, कवयित्री निलांबरी बापट ,माधुरी वैद्य, स्वाती नातू , मृणाल जोशी, अश्विनी मुजुमदार, बापूसाहेब सोनावणे, ज्योती गोळे,सागरराजे निंबाळकर, श्रीशैल सुतार,जयराम पाटील,आकाश पवार, हरिश्चंद्र धिवार, प्रमोद सुर्यवंशी,दिपश्री ईसामें, चंद्रपूरचे मोहम्मद अब्दुल रहीम, ललिता गाढवे ,पद्माकर भावे, संगीता राजपूत, इ.अनेक कवींनी या राज्यस्तरीय काव्यसंमेलनाला हजेरी लावली. सर्वांनी नाश्त्यानंतर तर कार्यक्रमात रंगत आणली .यावेळी संमेलनाध्यक्ष मा.दत्तप्रसाद जोग यांनी कवितेवर थोडेसे सर्वांना बोलते केले.जोग यांनी ज्येष्ठ कवींनी नवोदित कवींवर सतत टिका करणे सोडले पाहिजे असे सांगून गझलेने सर्वांची मने जिंकली .जोग यांनी निखळ कार्यक्रमाचा आस्वाद घेण्यासाठी गोव्याहून आपल्या कल्याण या ऐतिहासिक नगरीत आपली उपस्थिती दर्शविली,यासाठी शब्दसुमने साहित्यिक मंच घ्या संस्थापिका आणि काव्यसंमेलन च्या आयोजिका मा.अनिता कळसकर यांनी सर्वांचे आभार मानले. या कार्यक्रमाच्या शेवटी सर्वांना स्मृतिचिन्ह आणि सन्मानपत्र देऊन गौरविण्यात आले.उपस्थितांमध्ये ज्येष्ठ कवी मा.शिवाजी गावडे,तसेच मा.कमलाकर राऊत यांनी प्रमुख उपस्थिती दर्शविली .अशा या दिमाखदार सोहळ्याचे आयोजन केले म्हणून सर्वांनी लेखिका/कवयित्री/संपादिका -मा.अनिता कळसकर यांचे अभिनंदन केले ,तसेच ज्येष्ठ कवी राजीव जोशी यांनी व्यासपीठावरून बोलताना तर अनिता कळसकर ताईंनी अशी संमेलने नेहमी भरवावीत असे सांगितले.निवेदिका जनशक्ती च्या अॅकर मा.ललिता मोरे यांनी नेहमीसारख्या आनंदी आणि हसतखेळत या संपूर्ण कार्यक्रमाचे सूत्रसंचालन केले ,त्यासाठी अनिता कळसकर यांनी निवेदिका ललिता मोरे यांचे शाल, पुष्पगुच्छ आणि भेटवस्तू देऊन गौरविले.असे हे सुंदर काव्यसंमेलन के.एम.अग्रवाल महाविद्यालयाच्या सभागृहात उत्साहात पार पडले ‌.

आरती भोईर यांना अहिल्यादेवी होळकर पुरस्कार प्रदान

वासिंद(गुरुनाथ तिरपणकर)-सामाजिक क्षेत्रात कार्यरत असणा-या तसेच कल्याण-कसारा-कर्जत रेल्वे प्रवासी संघटनेच्या महिला संघटक आरती ताई भोईर यांच्या सामाजिक कार्याची दखल घेऊन त्यांना ६जुन२०२३रोजी रयतेचे राजे छत्रपती शिवाजी महाराज यांच्या राज्याभिषेक सोहळ्याचे औचित्य साधून महाराष्ट्र शासन महिला व बाल विकास विभागाच्या वतीने पुण्यश्लोक अहिल्यादेवी होळकर पुरस्कार प्रदान करण्यात आला.वाशिंद ग्राम पंचायतीने आरती ताई भोईर यांच्या सामाजिक कार्याची दखल घेऊन वाशिंद ग्राम पंचायत कार्यालयात ग्रामविस्तार अधिकारी श्री.सुर्यकांत वीरकर यांच्या हस्ते सन्मानचिन्ह,प्रमाणपत्र आणि शाल देऊन सन्मानित करण्यात आले.पुण्यश्लोक अहिल्यादेवी होळकर पुरस्कार मिळाल्याबद्दल आरती ताई भोईर यांचे सर्वत्र कौतुक व अभिनंदन होत आहे.

एस्.के ज् प्रस्तुत'म्युझिक मंत्रा'आयोजित "महाराष्ट्राची स्वरगाथा"या संगितमय कार्यक्रमात विविध सामाजिक पदाधिका-यांची उपस्थिती

डोंबिवली- शर्मिला केसरकर या सामाजिक क्षेत्रात काम करणा-या महीला.तसेच डोंबिवली सांस्कृतिक विभागाच्या भाजप शहर अध्यक्षा.त्या एस्.के जे प्रस्तुत'म्युझिक मंत्रा'हा ऑर्केस्ट्रा गेली १५वर्षे वेगवेगळ्या शहरात सादर करत आहेत.त्याच अनुषंगाने नुकताच डोंबिवली येथील सावित्रीबाई फुले नाट्यगृहात"महाराष्ट्र स्वरगाथा"हा मराठी गीतांचा सदा बहार संगीतमय कार्यक्रम सादर करण्यात आला. कार्यक्रमात मराठी गाणी,लावणी,नृत्य,असे विविध अविष्कार व वेशभूषा सादर करण्यात आल्या.याप्रसंगी महिला उत्कर्ष समितीच्या महाराष्ट्र कार्याध्यक्षा श्रुती उरणकर,विकास संकल्प सेवाभावी संस्थेच्या अध्यक्षा प्रियंका गवंडे,जीवन रेखा फाऊंडेशनच्या अध्यक्षा रेखा मोरे,आदर्श ह्युमन राईट फाऊंडेशनच्या ठाणे जिल्हा सचिव ज्योती नाईक,ओबीसी महिला मोर्चाच्या भाजपा महाराष्ट्र प्रदेश सचिव विजया जाधव,हेल्पींग हॅन्ड ट्रस्टच्या पीआरओ ज्योती पाटील,जनजागृती सेवा समिती,महाराष्ट्र या सामाजिक संस्थेचे संस्थापक अध्यक्ष गुरुनाथ तिरपणकर असे विविध क्षेत्रातील मान्यवर उपस्थित होते.सर्व उपस्थित मान्यवरांचा शर्मिला केसरकर यांनी पुष्पगुच्छ देऊन सत्कार केला.महाराष्ट्राची स्वरगाथा या म्युझिक मंत्राच्या कार्यक्रमात ईश्वर सोलंकी,सचिन,हरीश,संदेश पाटील,गणेश मांजरेकर,जाहिद शेख,अरविंद सुर्वे,संगीता,रोहिणी,स्वाती,परिमाला,दत्तात्रय,राजेंद्र,धनंजय,संजय,अतुल या गायक-गायिका,तंत्रज्ञ व इतर सहका-यांच्या विशेष सहभागाने कार्यक्रम यशस्वी झाला.

उद्योजकांना ऊर्जा देणा-या "उद्योग ऊर्जा"संस्थेचा शतकमहोत्सवी स्नेह-संमेलन सोहळा .. !

बदलापुर(गुरुनाथ तिरपणकर)-लहान-मध्यम आणि नव्या उद्योजकांच्या सर्वांगीण प्रगतीसाठी गेली पाच वर्षे अविरत सक्रीय असलेल्या लोकप्रिय उद्योग ऊर्जा संस्थेचे १००वे व्यावसायिक स्नेहसंमेलन आणि सभेचे (UU100MBBC- UdyogUrja 100 Mega Blast Business Conference)आयोजन बदलापूर येथे उल्हास नदीच्या निसर्गरम्य परिसरात असलेल्या रिव्हर व्हीलेज रिसाॅर्ट येथे ३१ मे आणि १ जून २०२३या दिवशी केले आहे.लहान-मध्यम व्यावसायिकांचा व्यावसायिक दृष्टिकोन अमुलाग्र बदलून ख-या अर्थाने त्यांचा व्यवसाय झपाट्याने वाढवण्याच्या दृष्टीने काम करणे हा संस्थेचा प्रमुख उद्देश आहे.या काॅन्फरन्स मध्ये विविध विषयांवरील तज्ञांचा सहभाग असून व्यवसाय वाढी संदर्भात विविध विषयांवर येथे मार्गदर्शन केले जाणार आहे. तसेच संस्थेच्या भविष्यातील वाटचाली संदर्भात माहिती दिली जाणार आहे.मह महाराष्ट्रातील सर्व व्यावसायिक- उद्योजक- व्यापारी- दुकानदार- सल्लागार अशा सर्व समावेशक "महा बिझनेस डिजिटल डिरेक्टरी"चे यावेळी प्रकाशन होणार आहे.या व्यावसायिक सभेला डोंबिवली- कल्याण-ठाणे व मुंबई परिसरातील अधिकाधिक मित्रांनी हजर रहावे असे आवाहन आयोजक आणि संस्थेचे सह-संस्थापक ब्रँडबाॅड निलेश बागवे,सोहळ्याचे निमंत्रक जिग्नेश दवे,सह-निमंत्रक दिपक राणे व सचिन चोगले यांनी केले आहे. सभेला पुर्व नोंदणी आवश्यक असुन अधिक माहितीसाठी व डिरेक्टरीमध्ये नाव नोंदविण्यासाठी राजश्री याचेशी खालील क्रमांकावर त्वरीत संपर्क करावा.

संपर्क-उद्योग ऊर्जा  

C/oउगम क्रिएटिव्ह ९२२४४५३६७७,/९९२०१००३०८

२० लाखाच्या घरात नोकरी करिता दैनंदिन प्रवास करणा-या महिला प्रवाशांच्या लोकल प्रवासातील समस्यांबाबत कल्याण-कसारा-कर्जत रेल्वे प्रवासी संघटनेच्या महिला प्रतिनिधींनी घेतली महिला आयोगाच्या अध्यक्षा रुपाली ताई चाकणकर यांची भेट

ठाणे(गुरुनाथ तिरपणकर)-"महिला आयोग आपल्या दारी"अंतर्गत जनसुनावणी व शासकीय विभागांची आढावा बैठक महिला आयोगाच्या अध्यक्षा रुपाली ताई चाकणकर यांच्या उपस्थितीत नुकतीच जिल्हाधिकारी कार्यालय ठाणे,व जिल्हा महिला व बाल विकास कार्यालय,ठाणे येथे संपन्न झाली.या अनुषंगाने कल्याण-कसारा-कर्जत रेल्वे प्रवासी संघटनेच्या महिला शिष्टमंडळाने त्यांची भेट घेऊन त्यांना मध्य रेल्वे उपनगरीय मार्गावर लोकलने प्रवास करताना महिला प्रवाशांना येणा-या विविध अडचणी समस्यांचा पाढा महिला आयोगाच्या अध्यक्षा रुपाली ताई चाकणकर यांच्यापुढे वाचला.संघटनेच्यावतीने सादर करण्यात आलेल्या निवेदनात महिला लोकल वाढवाव्यात,एसी लोकल ट्रेनचे तिकीट भाडे महिलांसाठी ५०% कमी करावे,कसारा कर्जत सर्व लोकल१५डब्यांची करुन महिला आरक्षित डब्यांची संस्था वाढवावी,महिलांच्या रेल्वे प्रवासात सुरक्षेच्या दृष्टिकोनातून आरपीएफ व जिआरपी पोलीसांची संस्था वाढवावी,महिलांकरीता शौचालय सारख्या मुलभुत सुविधा वाढवाव्यात,महिला डब्यात सिसिटिव्ही लावावेत व महिला पोलीस तैनात करावेत,प्रत्येक स्थानकात हिरकणी कक्ष सुरू करावेत,आदी मागण्या मांडण्यात आल्या.या शिष्टमंडळात संघटनेतर्फे सौ.आरती भोईर(कल्याण-कसारा महिला संघटक),सौ.रेखा अत्तरदे(कल्याण-कर्जत महिला संघटक)व महिला प्रतिनिधी सोनल गवांडे,प्रियांका गवांडे या उपस्थित होत्या. संघटनेच्या महिला पदाधिका-यांनी सादर केलेल्या निवेदनातील मुद्यांनवर ताबडतोब रेल्वे प्रशासनाशी पत्रव्यवहार करुन त्याबात अंमलबजावणी करण्याचे तातडीने आदेश दिले जातील असे महिला आयोगाच्या अध्यक्षा रुपाली ताई चाकणकर यांनी आश्वासित केले.

कलाभूषण आर्ट आयोजीत एक चित्र हजार शब्दांचे असा अविस्मरणीय चित्रकलाप्रदर्शन सोहळा नुकताच संपन्न...!

डोंबिवली( भूषण जमदाडे)- कलाभूषण आर्ट आयोजीत एक चित्र हजार शब्दांचे या संकल्पनेतून साकारलेला भव्य असा अविस्मरणीय चित्रकलाप्रदर्शन सोहळा नुकताच आनंद बाल भवन, दत्त नगर, डोंबिवली (पूर्व) येथे अनेक मान्यवरांच्या उपस्थितीत संपन्न झाला. या चित्रकलाप्रदर्शनाचे उद्घाटन आणि दीपप्रज्वलन सन्मा.रविंद्र चव्हाण (महाराष्ट्र राज्य कॅबिनेट मंत्री), महेश्वर भिकाजी तेटांबे (दिग्दर्शक,पत्रकार), प्रभाकर मोरे (अभिनेता,हास्यजत्रा फेम), सौ.प्रणाली सुरेश निमजे (अभिनेत्री,मॉडेल), प्रभू कापसे (चित्रकार, संपादक- डोंबिवलीकर), एकनाथ पाटील (कल्याण तालुका प्रमुख) यांच्या शुभहस्ते करण्यात आले.

      माणूस हा समाजप्रिय प्राणी आहे. आपण समाजाचे काहीतरी देणे लागतो या भावनेने आपली सामाजिक बांधिलकी जपत कार्य करत असतो आणि याच अनुषंगाने त्याला स्फूर्ती मिळते ते कलेची, मग ती कला कोणतीही असो चित्रकला, संगीत, नृत्य, लेखन, अभिनय किंवा इतर कोणतीही आणि याच कलेच्या प्रेरणेतून साकारली गेलेली रचना म्हणजे एक चित्र हजार शब्दांचे. प्रगती महाविद्यालयात आपलं बारावीपर्यंत शिक्षण पुर्ण करणाऱ्या भूषण जमदाडे या युवा चित्रकाराने आई सौ.संध्या निलेश जमदाडे यांच्या आशीर्वादानेच आपल्या कौशल्यपूर्ण संकल्पनेतून रेखीव आणि हुबेहूब अशी प्रशंसनीय चित्रे तयार करून त्याचं प्रदर्शन मांडून समस्त डोंबिवलीकरांना आणि मुंबई महाराष्ट्रातील तमाम कलाप्रेमींना कलेची पर्वणीच प्रदान केली आहे. त्यांत प्रामुख्याने महामानव डॉ.बाबासाहेब आंबेडकर, छत्रपती शिवाजी महाराज, हिंदुहृदयसम्राट बाळासाहेब ठाकरे, प्रसिद्ध क्रिकेटपटू, प्रसिद्ध अभिनेते, अभिनेत्री, तसेच काही देव-देवतांची अशी अनेक चित्रे भूषण जमदाडे यांनी आपल्या संकल्पनेतून रेखाटून एक नवा विक्रम प्रस्थापित केला आहे. द्विदिवसिय चालणाऱ्या या कलाप्रदर्शनाला सनीभूषण मुणगेकर (अभिनेता-अलबत्या गलबत्या फेम), दिपश्री कवळे (अभिनेत्री), अमर पारखे (लेखक, दिग्दर्शक), लीना पालेकर (अभिनेत्री) सौ.शितल ढवळे (मुख्याध्यापिका-श्री.गणेश विद्यामंदिर), रांगोळीकार राम जाधव, आकाश देसले (शिवसेना, देसलेपाडा), शिवगर्जना प्रतिष्ठान-शिवगर्जना मर्दानी तालिमचे यश राजे, रोहन मोरे, निनाद बने आदी मान्यवरांनी आपली वंदनीय उपस्थिती दर्शविली. दोनदिवसीय चालणाऱ्या या चित्रकला प्रदर्शनासाठी राजवीर जाधव (संकलक, लेखक,दिग्दर्शक), गुंजन विलास मेंढे (मॉडेल, रंगभूषाकार) आणि सागर सातपुते (अभिनेता) यांनी विशेष मेहनत घेऊन हा कार्यक्रम यशस्वीरित्या पार पाडण्यास सहकार्य केले.