कॉम्रेड डांगेंच्या नेतृत्वाखाली मुंबईतील गिरणी कामगार लढवय्या झाला होता - प्रा डॉ अशोक चौसाळकर

मुंबई (रवींद्र मालुसरे )-भारतीय कामगार चळवळीचे कॉम्रेड डांगे हे अग्रगण्य नेते होते. डांगेंच्या नेतृत्वाखाली मुंबईतील गिरणी कामगार लढवय्या झाला आणि अनेक दशके त्यांनी रोमहर्षक संघर्ष केला १९२० पासून डांगे यांनी देशाच्या स्वातंत्र्याच्या संग्रामात भाग घेतला, भारतीय कामगार चळवळीचा जन्म, बाल्यावस्था व निरनिराळ्या स्थित्यंतरातून जात असताना आलेले अडथळे आणि झालेला विकास याचे ते साक्षीदार होते. लाखो कामगारांची संख्या असलेल्या आयटक या भारतातील मोठ्या संघटनेचे ते अनेक वर्षे सरचिटणीस होते. त्याचप्रमाणे आंतरराष्ट्रीय कामगार चळवळीचे एक नामवंत पुढारी होते.  त्यामुळे त्यांचे जगभरच्या सुप्रसिद्ध नेत्यांशी त्यांचे जवळचे संबंध होते. आंतरराष्ट्रीय राजकारण व कामगार चळवळ यात डांगें यांच्याइतकी मान्यता इतर कोणत्याही कम्युनिस्ट नेत्यास प्राप्त झाली नाही असे मत प्रा. डॉ. अशोक चौसाळकार यांनी मांडले.

  मुंबईतील माजी नगरसेवक कॉम्रेड जयवंत पाटील यांच्या जन्मशताब्दी वर्षानिमित्त कॉम्रेड डांगे यांच्या १२४ वा जयंती कार्यक्रम प्रभादेवी येथील 'भुपेश गुप्ता भवनात आयोजित केला होता,चौसाळकर हे  "कॉम्रेड डांगे आणि कम्युनिस्ट चळवळ" या विषयावर आपले विचार मांडत होते. यावेळी व्यासपीठावर कार्यक्रमाच्या अध्यक्षस्थानी लोकवाड्मय गृहाचे कॉ राजन बावडेकर, भारतीय कम्युनिस्ट पक्षाचे मुंबई सचिव कॉ मिलिंद रानडे, कॉम्रेड प्रा क्रांती जेजुरकर, मराठी वृत्तपत्र लेखक संघ मुंबईचे अध्यक्ष रवींद्र मालुसरे हे उपस्थित होते. कार्यक्रमाच्या सुरुवातीला इस्त्राएल आणि हमास यांनी एकमेकांवर हल्ले करून युद्ध सुरु केल्यामूळे निरपराध नागरिकांची हत्या होत आहे या नरसंहाराचा निषेध करून ठराव करण्यात आला. हा ठराव कॉ  मिलिंद रानडे यांनी मांडला त्यावेळी त्यांनी आवाहन केले की, फॅसिझमच्या विरोधात लढताना पक्षाची ताकद कमी असेल किंबहुना त्यांचा पराभव करण्यासाठी आमच्याकडे साधने कमी असतील परंतु कामगारांनी आणि शेतकऱ्यांनी सरकारच्या न पटणाऱ्या धोरणाविरोधात आणि अन्यायाविरूद्ध आवाज उठवला पाहिजे.

S3चौसाळकर यांनी डांगे यांच्या बालपणापासून १०२० ते  १९८० या कालखंडातील आयुष्याचे चार भागात विभागणी करून विषयाची मांडणी करताना पुढे म्हणाले की, कॉ. डांगे हे महाराष्ट्राच्या इतिहासाचे व संस्कृतीचे खोल असे अभ्यासक होते. महाराष्ट्राच्या राष्ट्रकाची जडणघडण कशी झाली हे पाहण्यात त्यांना आस्था होती. मराठी भाषिकांचे स्वतंत्र राज्य निर्माण झाले पाहिजे, असे त्यांचे मत होते. भारतीय संघराज्य हे स्वतंत्र, स्वायत्त घटकराज्यांचा संघ असावा अशीच त्यांची या बाबतची भूमिका होती. त्यामुळे भाषावार प्रांतरचनेस त्यांचा पाठिंबा होता. डांगे हे जनतेचे पुढारी होते. डांगे यांचे संपूर्ण जीवन अभ्यासले तर ते समाजातील पीडित, शोषित व दारिद्राने गांजलेल्या वर्गाच्या उन्नतीसाठी वाहिलेले होते हे लक्षात येते. ते अत्यंत  उत्तम वक्ते आणि नेहमी चळवळीत व्यस्त असत. स्वातंत्र्यत्तोर भारतातील अनेक चळवळीत ते अग्रभागी होते. आपल्या वक्तृत्वाच्या जोरावर अनेक सभा त्यांनी  जिंकल्या होत्या. कॉम्रेड डांगे यांनी रशियाच्या सर्वोच्च नेत्यांशी गाठीभेटी होत असत. त्याचप्रमाणे आंतरराष्ट्रीय कम्युनिस्ट चळवळीची भूमिका सातत्याने वेगवेगळ्या परिषदांत मांडली, म्हणून त्यांना वयाच्या ७५ व्या वाढदिवसानिमित्त रशियन सरकारने लेनिन पारितोषिक देऊन त्यांचा गौरव केला होता.  गोवा मुक्ती संग्राम आणि संयुक्त महाराष्ट्राची चळवळ त्यांनी हिरीरीने लढविली. डांगे हे इतिहास, साहित्य व संस्कृती यांचे श्रेष्ठ भाष्यकार होते. खऱ्या अर्थाने कॉ डांगे हे एकोणिसाव्या व विसाव्या शतकात सुरु झालेल्या प्रबोधन पर्वाचे अपत्य होते व त्या व्यापक चळवळीचे ते शेवटचे प्रतिनिधी होते.

कॉम्रेड प्रा क्रांती जेजुरकर या आपल्या भाषणात म्हणाल्या की, कॉ डांगे यांचे वक्तृत्व असाधारण होते. मैदानी सभा गाजवणारे डांगे कमालीचे मिश्किल होते. त्यांच्या घरी गेल्यानंतर चर्चा करताना साहित्य, संस्कृती, कला व इतिहास यांचा त्यांनी सखोल असा अभ्यास केला होता हे माझ्या लक्षात आले होते.

तर रवींद्र मालुसरे आपल्या भाषणात म्हणाले की, लोकमान्यांचे २ ऑगस्ट १९२० रोजी मुंबईत निधन झाल्यानंतर त्यांना अग्नी दिला त्या ठिकाणी एक तरुण पहाटे जातो, त्याच्या डोळ्यात अश्रू आणि मनात असंख्य वेदना असतात. दुःखी अंतःकरणाने तो तरुण त्याठिकाणची चिमूटभर राख सोबत आणलेल्या डबीत घरी घेऊन जातो आणि आयुष्याच्या अखेरपर्यंत देवघरात ठेवतो. तो तरुण म्हणजे कॉम्रेड श्रीपाद अमृत डांगे होत, तरुण डांगे हे  लोकमान्य टिळकांचे अनुयायी होते. चारित्र्य, स्वार्थत्याग, झुंजारपणा व आलेल्या संधीची आपल्या अंगीकृत कार्यार्थ राबवून घेण्याची मुत्सद्देगिरी याबाबत डांगे फक्त टिळकांशी बरोबरी करतात. माडखोलकरांनी व्यक्त केलेल्या मताशी सर्वजण सहमत आहेत. कॉम्रेड डांगे यांनी गिरणगावात कामगारांचा लढा लढवताना संघर्ष केला, सर्वत्र लाल झेंडे लावले, गिरण्यांचे गेट अडवले मात्र कम्युनिस्ट चळवळ थंडावल्यानंतर गिरण्यांचे भोंगे जाऊन मोठमोठे टॉवर्स उभे राहिले आहेत. डांगे सारखे संघर्ष करणारे नेते आणि कॉ जयवंत पाटलांसारखे तळागाळात जाऊन निष्ठेने आणि निर्भयपणे काम करणारे कार्यकर्ते सुद्धा आज राहिले नाहीत.

   कार्यक्रमाचे सूत्रसंचालन कॉ मधुकर कदम यांनी केले. कॉ अनंत मोरे, कॉ बाबा सावंत,कॉ चित्तरंजन कांबळे,कॉ विश्वनाथ घवाळी, कॉ विजय मोरे, कॉ बबन वगाडे, कॉ प्रकाश बागवे, कॉ मंगला सावंत, कॉ नंदा जाधव, कॉ लक्ष्मण चिंतल, कॉ मामिडाल या जन्मशताब्दी समितीच्या कार्यकर्त्यांनी कार्यक्रम यशस्वी करण्यासाठी विशेष मेहनत घेतली.

कांजूरमार्ग - भांडुप (पूर्व)सार्वजनिक गणेशोत्सव २०२३ : श्री गणेश दर्शन

बाल मित्र मंडळ,वरची पाखाडी,कांजूरमार्ग 
वर्ष :४७ वे 

शिवशक्ती सार्वजनिक गणेशोत्सव मंडळ, प्रेमनगर 
“राजा कांजूरचा... गणेश मानाचा”

सेंट अँथनी समाज सेवा संघ, शास्त्री नगर 

बाल विकास मित्र मंडळ, शास्त्री नगर
यंदा वर्ष:४६ वे साजरा करीत आहे.

सार्वजनिक गणेशोत्सव मंडळ,नेहरू नगर
कांजूरचा गणराज , यंदा ५२ वे वर्ष 

नेहरु नगर मित्र मंडळ,कांजूरमार्ग 

योगेश्वर सेवा मंडळ,सार्वजनिक गणेशोत्सव मंडळ 
योगेश्वरचा विघ्नहर्ता

गणेशवाडी सार्वजनिक गणेशोत्सव मंडळ,
यंदा सुवर्णमहोत्सवी (५०) वर्ष साजरा करीत आहे.

शिवसेना ग्राहक संरक्षण कक्ष घाटकोपर पश्चिमतर्फे आरती संग्रह पुस्तकाचे प्रकाशन

मुंबई (शांताराम गुडेकर ) शिवसेना ग्राहक संरक्षण कक्ष घाटकोपर पश्चिम विधानसभा कक्ष,लोकसभा समन्वयक अजय शिरोडकर, सरचिटणीस विजय मालणकर यांच्या मार्गदर्शनाखाली शाखा क्र.१२३,१२४,च्यावतीने गणेशोत्सव निमित्ताने आरती संग्रह पुस्तकाचे शुभारंभ शिवसेना सचिव शिवसेना ग्राहक संरक्षण कक्षाचे अध्यक्ष मा. खासदार अनिल भाऊ देसाई यांच्या शुभहस्ते शिवसेना भवन येथे करण्यात आले.हे आरती संग्रह पुस्तक कक्ष विधानसभा संघटक अमीत भाटकर,कक्ष कार्यालय चिटणीस श्रीकांत चिंचपुरे, कक्ष वार्ड संघटक १२३ राजेन्द्र पेडणेकर, कक्ष वार्ड संघटक १२४ यशवंत खोपकर यांच्यावतीने विभागात वाटण्यात आले.यावेळी कक्षाचे सचिव अशोक शेंडे, निखिल सावंत, खजिनंदार देविदास मांडते,कार्यकारणी सदस्य बबन सकपाळ,घाटकोपर पुर्व उपसंघटक प्रमोद चौंडकर,कृष्णा नलावडे ,शंकर पवार आदी उपस्थित होते.

मुंबईत आगरी सेना आक्रमक !! गावठाण कोळीवाड्यांच्या पुनर्विकासासाठी " गावठाण विकास प्राधिकरण " स्थापन करावे : जयेंद्र दादा खुणे ( मुंबई आगरी सेना प्रमुख )

मुंबई (आदर्श वार्ताहर वृत्तसेवा) : मुंबई महानगर प्रदेश क्षेत्रामधील मूळ भूमिपुत्र असलेल्या आगरी,कोळी, आदिवासी , ईस्ट इंडियन, भंडारी , कुणबी यांच्या गावठाण कोळीवाड्यांच्या पुनर्विकासासाठी महाराष्ट्र सरकारने स्वतंत्र " गावठाण विकास प्राधिकरण " स्थापन करण्याकरिता गावठाण , कोळीवाडा आणि भूमिपुत्रांच्या नेतृत्व करणारे मुंबई आगरी सेना प्रमुख श्री. जयेंद्रदादा खुणे यांनी मागणी केली असून शासनाचे लक्ष वेधले आहे. *गावठाणाचा विकास करण्यासाठी १ : ५ असलेला एफ. एस.आय. वाढवून तो ६ करण्यात यावा.* मुंबईतील मूळ भूमिपुत्रांच्या विविध मागण्या आहेत. मुंबई,ठाणे,नवी मुंबई,रायगड,पालघर,नासिक येथील गावठाणे, कोळीवाडे, आदिवासी पाडे,भंडारी पाडे, वस्त्या ह्या स्वातंत्र्यापूर्व काळाच्या अगोदरपासून अस्तित्वात आहेत.गावठाण कोळीवाड्यांच्या सीमारेषा राज्य शासनाने अद्याप निश्चित केलेल्या नाहीत. या गावठाण कोळीवाड्यांचे अर्धवट सर्वेक्षण न करता ते पूर्णपणे स्थायिक भूमिपुत्रांना व त्यांच्या प्रतिनिधींना विश्वासात घेवूनच सर्वेक्षण करून सीमारेषा निश्चित कराव्यात . स्थायिक मूळ भूमिपुत्रांची कुटुंबे वाढत असल्याने त्यांना असलेली जागा ही अपुरी पडते. तसेच जुनी घरे मोडकळीस आल्याने घरावर वरचा मजला चढवल्यास ते बेकायदेशीर म्हणून मुंबई महानगर पालिकेकडून कारवाई केली जाते. त्यामुळे गावठाण कोळवाड्यांचा पुनर्विकास मार्गी लावावा. मुंबईतील मूळ भूमिपुत्रांचे ज्वलंत प्रश्न हाती घेवून सोडवणे अत्यंत महत्त्वाचे असल्याचे श्री. जयेंद्रदादा खुणे यांनी शासनाकडे मागणीचे पत्र देवून लक्ष वेधले आहे. मुंबईत मंत्रालय, मंत्री, मंत्रालयीन सर्व विभागीय कार्यालये, लोकायुक्त, जिल्हाधिकारी, मुंबई महानगर पालिका, पोलिस आयुक्त कार्यालये, असूनही मूळ गावठाण - कोळीवाड्यांच्या पुनर्विकासाचा प्रश्न रखडलेला असून शासनाला सोडविता आला नाही त्यामुळे *मूळ भूमिपुत्रांचे पारंपरिक मच्छीमारी, मीठ उत्पादन , शेती , रेतीबंदर , क्वारी , विट उत्पादन इत्यादी व्यवसाय जवळपास नष्ट होत चालल्याने भूमिपुत्र देशोधडीला लागले आहेत. याकडे शासन मात्र दुर्लक्ष करीत असून अनेक वर्षापासून रखडलेल्या गावठाण कोळीवाड्यांच्या पुनर्विकासासाठी एक स्वतंत्र " गावठाण विकास प्राधिकरण " स्थापन करण्याची मागणी केली आहे. भूमिपुत्रांच्या ( गावकऱ्यांच्या ) इच्छेनुसार विकासक निवडून अथवा स्थायिक भूमिपुत्र हे स्वतः विकासक होवून त्यांनी गावठाणे , कोळीवाडे , आदिवासी पाड्यांचा विकास करण्यासाठी शासनाने तरतूद करावी. गावठाणाचा विकास करण्यासाठी सी.आर.झेड. कायद्यातील अटी शिथिल कराव्यात. कोस्टल रोड बनविण्यासाठी नियम शिथिल करावेत. पुनर्विकास करताना प्रकल्पग्रस्तांना नुकसान भरपाई मिळावी. त्यानंतर त्यांच्या कुटुंबियांच्या उदरनिर्वाहाचा , उपजीविकेचा प्रश्न सर्वप्रथम शासन - प्रशासन स्तरावर हाताळून सोडवावा . गावठाण विकसित केल्यानंतर उभ्या राहणाऱ्या इमारती व घरांना ( आगरी,कोळी, ईस्ट इंडियन, आदिवासी ,भंडारी, ई. भूमिपुत्रांची ) घरे म्हणून त्यांना असेसमेंट टॅक्स माफ करावा. गावठाणांच्या घरांना शेकडो वर्षापासून लावण्यात येणारा असेसमेंट टॅक्स हा आता पूर्णपणे माफ करावा. त्यामुळे गावठाणांच्या विकासाला कोणीही विरोध करणार नाही. भूमिपुत्रांच्या जमिनीवर सरकारी प्राधिकरणानी हक्क दाखविणे म्हणजे ही नैसर्गिक मानवी हक्काची पायमल्ली आहे. काही कोळीवाड्यांच्या जमिनी ह्या मुंबई पोर्ट ट्रस्टच्या असल्याचा दावा करण्यात येत आहे तसेच काही गावठाणे - कोळीवाड्यांवर मुंबई महानगर पालिकेने हक्क दाखविला आहे. अशा भूखंडावर पुनर्विकास प्रकल्प प्रगतीपथावर आहेत. तेव्हा पालिकेचे हे भूखंड गावठाण कोळीवाड्यांच्या ताब्यात देण्यात यावेत. त्यासाठी मूळ भूमिपुत्रांचे प्रश्न विचारता घेता शासन स्तरावर " गावठाण विकास प्राधिकरण " लवकरात लवकर स्थापन करण्याकरिता शासन निर्णय मंजूर करून गावठाण विकास आराखडा तयार करण्याची मागणी श्री . जयेंद्रदादा खुणे यांनी केली आहे. 

   

 सिमंकान करताना गावांचा काही भाग हा गावाबाहेर दाखवलेला असल्याने तो गावठाणात दाखवावा. गावठाणात " झोपू ( झोपडपट्टी योजना ) " लागू करू नयेत.* गावठाण झोपडपट्टी योजना राबविल्यास स्थायिक मूळ भूमिपुत्रांवर अन्याय होईल. काही ठिकाणी गावठाण कोळीवाड्यांच्या जमिनी राज्य सरकारच्या महसूल विभागाच्या अंतर्गत येत असल्यास त्या गावठाण कोळीवाड्यांच्या नावे करण्याची प्रक्रिया सुरू करावी. सरकारी प्रधिकरणे स्थापन होण्याच्या शेकडो वर्ष आधीपासून मुंबईतील गावठाणे, आगरी पाडे, कोळीवाडे,आदिवासी पाडे, भंडारी पाडे , वस्त्या अस्तित्वात असून येथील जमिनी ह्या मूळ भूमिपुत्रांच्या वहिवाटितील आहेत. गावठाण विकास निधी हा सध्याच्या दहा लाख रू. प्रति पालिका प्रभागवरून दोन कोटी रुपये करण्यात यावा.मूळ भूमिपुत्रांनी गावठाणांच्या हद्दीबाहेर बांधलेली घरे गावठाणांच्या हद्दीत सामाविष्ट करण्यात यावीत. म्हाडा, एम.एम.आर.डी. ए. च्या गृहनिर्माण योजनांमध्ये मूळ भूमिपुत्रांसाठी राखीव असलेल्या पर्यायी सदनिका गावठाणातील रहिवाश्यांना अत्यल्पदरात देण्याची तरतूद करावी. अशा प्रकारे मूळ भूमिपुत्रांच्या पुंर्विकासासाठी त्यांच्या उदरनिर्वाहासाठी, उपजिविकेसाठी, आणि गावठाण कोळीवाड्यांच्या अस्मितेचा विचार लक्षात घेता " गावठाण विकास प्राधिकरण " स्थापन करण्याची ही पहिलीच मागणी मुख्यमंत्री श्री .एकनाथ शिंदेसाहेब उपमुख्यमंत्री श्री देवेंद्रजी फडणवीस, उपमुख्यमंत्री श्री. अजितदादा पवार, नगरविकास मंत्री, लोकायुक्त, जिल्हाधिकारी , मुंबई महानगर पालिका आयुक्त यांना गावठाण कोळीवाडा आणि भूमिपुत्रांच्या नेतृत्व करणारे मुंबई आगरी सेना प्रमुख श्री. जयेंद्रदादा खुणे यांनी केली आहे. महाराष्ट्र शासन स्तरावर " गावठाण विकास प्राधिकरण " लवकरात लवकर स्थापन करावे अशी मागणी श्री. जयेंद्रदादा खुणे यांनी महाराष्ट्र सरकारकडे केली आहे.या कार्यासाठी श्री. जयेंद्रदादा खुणे यांना आगरी,कोळी,भंडारी,आदिवासी,ईस्ट इंडियन समाज , भूमिपुत्रांचा पाठिंबा मिळत आहे

बळीराज सेनेच्या घाटकोपर विधानसभा उपाध्यक्ष व सिंधुदुर्ग जिल्हा सहसंपर्क प्रमुख पदी सत्यवान रामचंद्र शिंदे यांची नियुक्ती

मुंबई (शांताराम गुडेकर )                        

             महाराष्ट्रात नव्याने स्थापन झालेल्या राजकीय पक्ष बळीराज सेना पक्ष अध्यक्ष तरूण तडफदार आक्रमक नेतृत्व श्री.अशोक वालम साहेब यांच्यावतीने मुंबई सह कोकण विभाग येथे अनेक पदाधिकारी जाहीर करण्यात आले.याध्ये जिल्हा- सिंधुदुर्ग,

ता-वैभववाडी, नाधवडे गाव येथील मूळ रहिवाशी सद्या घाटकोपर(प.) येथे वास्तव्यास असलेले कुणबी समाजोन्नती संघ, मुंबई चे सदस्य,सिंधुदुर्ग जिल्हा रहीवाशी सेवा संघ (रजि)चे सचिव आणि कुणबी युवा सिंधुदुर्ग जिल्हा प्रचारक काम करीत असलेले समाजसेवक श्री. सत्यवान रामचंद्र शिंदे यांची नुकतीच घाटकोपर विधानसभा उपाध्यक्ष तथा,सिंधुदुर्ग जिल्हा सहसंपर्क प्रमुख पदी नियुक्ती झाली आहे.शिंदे यांना पक्ष अध्यक्ष अशोक वालम यांच्या सहीचे नियुक्ती पत्र देण्यात आलेआहे. अनेक कार्यकर्त्यांवर जबाबदारी देऊन संपूर्ण महाराष्ट्रात व कोकणात, मुंबईसह उपनगर आगामी महानगर पालिका,जिल्ह्य परिषद,ग्रामपंचायत,लोक सभा, विधान सभा निवडणूकी करीता संघटन मजबूत करून सज्ज होण्यास आवाहन करण्यात आले आहे. मुंबई महानगरपालिका निवडणुकीमध्ये २२७ वार्ड लढविण्यासाठी भविष्यात उमेदवाराची चाचपणी देखील लवकरच केली जाईल असे मुंबई उपाध्यक्ष नियुक्ती श्री.रमेश कानावले यांनी बोलताना सांगितले.संघटन कार्य जोमाने सुरू ठेवून सर्वसामान्यांचे कामे पार करण्याचे महत्त्वाची भूमिका आपण यापुढे तशीच चालत ठेवू.पक्षाने दिलेली जबाबदारी स्विकारून काम करत रहाणार अशी प्रतिक्रिया घाटकोपर विधानसभा उपाध्यक्ष श्री.सत्यवान रा.शिंदे यांनी नियुक्ती पत्र स्वीकारताना मत व्यक्त केले.या नियुक्ती बद्दल कोकणातील अनेक सामाजिक संघटना, समाज शाखा, मंडळ, राजकीय मित्र मंडळी, मित्र परिवार यांनी सत्यवान शिंदे यांना अभिनंदनसह शुभेच्छा दिल्या आहेत.

भांडुपच्या युवा प्रतिष्ठान व जीवनदान फाउंडेशनची अवयवदान समाज प्रबोधन दहीहंडी ; मुंबईकरांनी केले कौतुक

मुंबई: मुंबईत गोकुळाष्टमी निमित्त होणाऱ्या दहीहंडी उत्सवात अवघी तरुणाई रस्त्यावर उतरलेली असते .प्रदेशातून अनेक परदेशी पाहुणे हा उत्सव पाहण्यासाठी मुंबईत येतात.

           मुंबईतील दहीहंडी उत्सवात भांडुपच्या "युवा प्रतिष्ठान " व "जीवनदान फाउंडेशन " च्या गोविंदा पथकाने संपूर्ण मुंबईकरांचे लक्ष वेधून घेतले. उत्सवाला समाज प्रबोधनाची संधी मानून अध्यक्ष रिध्देश रमेश खानविलकर व युवा प्रतिष्ठान गोविंदा पथकाने अवयव दानाचे महत्त्व मुंबईकरांना समजवण्याकरिता व समाजात असलेले समज - गैरसमज , अंधश्रद्धा दूर करण्यासाठी अवयव दानाची माहिती संपूर्ण मुंबईभर पोहचविण्याचा संकल्प करून विविध संदेश फलक ,घोषवाक्य, वैद्यकीय माहिती गोविंदा पथकाच्या वाहनांवर व बँनियन लावून जनजागृती केली.

         युवा प्रतिष्ठानचे अध्यक्ष रिद्धेश खानविलकर याबाबत म्हणाले की आमच्या गोविंदा पथकात 250 पेक्षा अधिक तरुण असून सर्वच तरुण पदवीधर ,व्दिपदवीधर, इंजिनियर, व आय.टी. क्षेत्रातील आहेत. सन 2003 हे वर्ष "युवा प्रतिष्ठान" व "जिवदान फाउंडेशन" "अवयव दान जागृती वर्ष" म्हणून साजरे करत आहे . दहीहंडीत अवघी तरुणाई व मुंबईकर रस्त्यावर उतरलेले असतात. हा उत्सव एक जनजागृतीसाठी चांगली संधी असते. ही संधी साधून आम्ही जनजागृती करत आहोत. आमच्या गोविंदा पथकाने "पोपटी" रंगाच्या ड्रेसचा वापर केला कारण "पोपटी" रंग हा जागतिक अवयव दानाचे प्रतिनिधित्व करणारा रंग आहे.

                जीवनदान फाउंडेशनच्या अध्यक्षा अँड. राजोल संजय पाटील म्हणाल्या की ,रस्त्यावर काहींचे अपघात होतात, कोणीतरी अकस्मात मृत्यू पावतो. त्यांचे अवयव एखाद्या गरजूला मिळाले तर मृत्यूशय्येवरील जीवन आम्ही वाचवू शकतो. त्यांचे संपूर्ण कुटुंब वाचवू शकतो. त्यामुळे आम्ही हा संकल्प केला आहे. संपूर्ण मुंबईत आम्ही यानिमित्त समाज प्रबोधन करत आहोत.

         युवा प्रतिष्ठान व जीवनदान फाउंडेशनच्या या गोविंदा पथकाने मुंबईतील अनेक मोठ्या व मानाच्या दहीहंडीत हजेरी लावून प्रथम पारितोषिके पटकावून पैसे व बक्षिसे म्हणून मिळालेलेही समाजासाठी वापरण्यात येणार आहे . त्यामुळे या तरुणांच्या गोविंदा पथकाचे मुंबईभर कौतुक होत आहे. ही तरुणाई उद्याची मुंबई घडविल अशी भावना मुंबईकर करत आहेत.

शिवसेना पुरस्कृत शिवबा मित्र मंडळ बोरिवली (प.)तर्फे भव्य दहिकला उत्सव -२०२३ थाटामाटात संपन्न ; उत्सवाबरोबर जपली सामाजिक बांधिलकी.. दहीहंडीला अनेक मान्यवरांची हजेरी

मुंबई (शांताराम गुडेकर)   शिवसेना पुरस्कृत शिवबा मित्र मंडळ बोरिवली (प.)तर्फे भव्य दहिकला उत्सव -२०२३ थाटामाटात बोरिवली येथे पार पडला. मंडळातर्फे आयोजक श्री. सुनील पाटील(उपविभाग प्रमुख )यांनी मंडळ तर्फे श्री. दामोदर म्हात्रे तसेच श्री. सचिन दामोदर म्हात्रे(लोकसभा संपर्क प्रमुख विभाग -१ व २), श्री. नवघरे, सौ. तन्वी नवघरे, पत्रकार समीर वि. खाडिलकर(दै. झुंजार केसरी ) यांचा सत्कार करण्यात आला. तसेच मंडळातील अन्य पदाधिकारी, मान्यवर मंडळी यांचाही श्री. सुनील पाटील (उपविभाग प्रमुख)यांनी सत्कार केला. या उत्सवाला मा. आमदार किरण पावसकर यांनीही शुभेच्छा दिल्या. प्रत्येक सलामी देणाऱ्या मंडळाला आयोजकांतर्फे पारितोषिक देण्यात आले. श्री गावदेवी पथकाने शिवसेना पुरस्कृत शिवबा मित्र मंडळ आयोजित दहिकला उत्सव -२०२३ ची हंडी फोडली.या दहीहंडीला अनेक मान्यवर यांनी हजेरी लावली. मंडळ तर्फे जल्लोषी उत्सवाचे आयोजन होते. शिवाय उत्सव बरोबर सामाजिक बांधिलकीही जपण्यात आली.

     गोविंदा रे गोपाळा… यशोदेच्या तान्ह्या बाळा… असा मुंबईसह महाराष्ट्रमध्ये जयघोष ठिकठिकाणी ऐकायला मिळत होता .त्यामुळे सगळीकडे उत्साहाचं वातावरण पाहायला मिळाले. थरावर थर लावत दहीहंडी फोडण्याचा प्रयत्न केला जात होता.काही दहीहंडी पथकांच्या सेलिब्रेशनमध्ये कलाकारही हजेरी लावताना दिसलें. बॉलिवूडमधील तसंच मराठी कलाकारही ठिकठिकाणी हजेरी उपस्थित होते.कृष्णाचा जन्म अनेक उद्देशांनी झाला होता. त्यांच्या जन्माच्या लीला अनेक आहेत त्यातल्या त्यात दहीहंडी ही देखील त्यांची एक लीला आहे. दही लोणी चोरण्याच्या कृष्णाच्या अनेक कथा मिळतात. श्रीकृष्णाला बालपणी दही, दूध, लोणी या पदार्थांची आवड होती. यासाठी ते आपल्या मित्रांसोबत आजूबाजूच्या गवळणींच्या घरीही दही लोणी चोरी करत असत.कृष्णापासून दह्याचे रक्षण व्हावे यासाठी यशोदा आणि इतरही गवळणी दह्याची हंडी उंच ठिकाणी किंवा शिक्यावर ठेवत असे पण श्रीकृष्ण तिथपर्यंत पोहचण्यात यशस्वी होत असे. यासाठी त्याचे, मित्र त्याला मदत करत असत. या घटनेची आठवण म्हणून सर्वत्र दहीहंडीचा उत्सव साजरा केला जातो. यावर्षी दहीहंडीचा उत्सव खूप उत्साहात साजरा होत आहे. संपूर्ण महाराष्ट्रात हा जल्लोष बघायला मिळतोय.

           दहीहंडीची प्रक्रिया अत्यंत मजोशीर असते. श्रीकृष्ण जन्माष्टमीच्या दुसऱ्या दिवशी याचे आयोजन केले जाते. या दिवशी मातीच्या मडक्यात दही, लोणी, मिठाई, फळे इत्यादी भरुन एका उंच ठिकाणी हे मडके टांगले जाते. याला फोडण्यासाठी विविध तरुण मंडळी प्रयत्न करतात. दहीहंडी फोडण्यासाठी विविध मंडळातील तरुण एक दुसऱ्याच्या पाठीवर चढून मानवी मनोरा तयार करतात. या मनोऱ्याच्या सर्वात वरच्या थरावर असतो तो गोविंदा. तो आपला तोल सांभाळत हंडी फोडतो. हंडी फोडणाऱ्या मंडळांना विविध भेटवस्तू देऊन गौरविण्यात येते. मुंबईत गोविंदांसह गोपिकाही या उत्सवात सहभागी होतात. अनेक मंडळे अशी आहेत, ज्यात केवळ मुलीच आहेत. या मुली मुलांप्रमाणेच धाडस दाखवत थरांवर थर लावून हंडी फोडतात. या उत्सवात सेलिब्रिटी देखील हजेरी लावतात आणि अनेक मोठी मंडळी या उपक्रमात सहभागी होत तरूणांना प्रोत्साहन देत उत्साह वाढवतात हे या उत्सव निमित्त बघायला मिळाले.

आदर्श शिक्षक श्री.संदीप परब यांना "महापौर पुरस्कार" जाहीर

मुंबई, दि. ०६ - मागील २६ वर्षे अखंडित आणि प्रामाणिकपणे शैक्षणिक कार्य करणारे आदर्श शिक्षक *श्री.संदीप धाकू परब* यांना शैक्षणिक वर्ष - २०२२-२३ या वर्षातील बृहन्मुंबई महानगरपालिका-शिक्षण विभागातर्फे दिला जाणारा मानाचा सर्वोच्च असा " महापौर पुरस्कार "जाहीर करण्यात आला आहे. 

     यावर्षी मनपा शाळा व खाजगी अनुदानित शाळांतील एकूण १४७ शिक्षकांनी महापौर पुरस्कारासाठी अर्ज दाखल केले होते. त्यापैकी मनपाचे ३८ व खाजगी शाळांचे १२ शिक्षक अशा एकूण ५० शिक्षकांची मनपाकडून या पुरस्कारासाठी निवड करण्यात आली असून लवकरच महानगरपालिका शिक्षण विभागाच्या वतीने मान्यवरांच्या प्रमुख उपस्थितीत हा महापौर पुरस्कार वितरण समारंभ आयोजित करून या सर्व पुरस्कार प्राप्त शिक्षकांचा यथोचित सत्कार करण्यात येणार आहे.

       सन -१९९७ पासून भांडुप पश्चिमेकडील बॅ. नाथ पै विद्यालयात आपल्या शैक्षणिक कार्याची सुरुवात करणारे श्री. संदीप परब यांनी १७ वर्षे या विद्यालयात प्रामाणिकपणे कार्य केले. विद्यार्थ्यांच्या प्रगतीसाठी व शाळेच्या उन्नतीसाठी ते सतत प्रयत्नशील राहिले. पुढे पटसंख्या कमी झाल्यामुळे ते अतिरिक्त होऊन घाटकोपर पूर्वेकडील शिशु विकास प्राथमिक विद्यालय येथे त्यांचे समायोजन झाले. तिथेही त्यांनी ०७ वर्षे अविरत सेवा केली. परंतु तिथेही पटसंख्या कमी झाल्यामुळे सद्यस्थितीत घाटकोपर पंतनगर येथील शिवाजी शिक्षण संस्थेच्या प्राथमिक विद्यालयात ते आता कार्यरत आहेत.

    श्री. संदीप परब हे प्रामाणिक असून उत्तम तंत्रस्नेही शिक्षक आहेत. त्यांचे शैक्षणिक सामाजिक व संघटनात्मक कार्य अतिशय उत्तम आहे. मनाने प्रेमळ, सुस्वभावी, शांत व संयमी आहेत. शिक्षकांच्या प्रश्नांची अचूक जाण असून त्यासाठी ते सतत झटत असतात. N.S.T विभागात त्यांचे विशेष वर्चस्व आहे. लाॅकडाऊन काळातील त्यांचे कार्य उल्लेखनीय होते. त्यांचे व्यक्तिमत्व अष्टपैलू आहे.

      विद्यार्थी, पालक व शिक्षक यांच्याशी त्यांचे नाते आदराचे व आपुलकीचे असून समाजात त्यांना आदराचे स्थान आहे. 

अशा आदर्श शिक्षकाला महापौर पुरस्कार जाहीर झाल्याबद्दल समस्त शिक्षक व कर्मचारी वर्गातून त्यांचे सर्वत्र कौतुक करण्यात येत आहे. 

     यावेळी स्थानिक लोकप्रतिनिधी, संघटनेचे पदाधिकारी, अधिकारी वर्ग, शाळा व्यवस्थापन, मुख्याध्यापक, सहकारी शिक्षक यासर्वांचे त्यांनी आभार व्यक्त केले असून त्यांना पुढील वाटचालीसाठी हार्दिक शुभेच्छा !

ईको फ्रेंडली गणेशा तयार करण्याचा आनंद वेगळाच

मुंबई (गणेश हिरवे)आमचे मित्र व शिवसेना उबाठा पक्षावे जोगेश्वरी विधानसभा समन्वयक भाई . मिर्लेकर हे गेले आठ वर्षापासून पितळेच्या धातूची गणेश मूर्ती स्थापन करीत आहेत.घरीच विसर्जन केल्यामुळे तलावाचे पाणी दूषित होत नाही आणि रंगही नसल्यामुळे रंगातील रसायनांमुळे देखील कोणतेही प्रदूषण नाही. घरीच टब मध्ये पाण्यात दूध, फुले मिसळून त्यात बाप्पाचे विसर्जन करण्यात येते. या संकल्पनेमुळे गेल्या सहा वर्षात अनेक वृत्तपत्रांनी दखल घेऊन या संकल्पनेला प्रकाशित केले. आमदार व माजी राज्यमंत्री श्री रविंद्र वायकर यांनी देखील विशेष पुरस्कार देऊन त्याचा सन्मान केला.

    लहानपणापासून अनेक गणेश मूर्तिकारांच्या कारखान्याच्या बाहेर उभे राहून गणेश मूर्ती घडवीत असल्याचे भाई पहात होते. परंतु स्वतः मूर्ती घडवण्यासाठी कधी वेळ मिळाला नाही आणि तशी संधी मिळाली नाही परंतु चार-पाच दिवसांपूर्वी जोगेश्वरी येथील अशोक गावडे गणेश मूर्तिकार यांच्या कार्यशाळे बाहेर उभे राहून गणेश मूर्ती घडविताना पाहिले आणि मग त्यांच्याही मनात विचार आला की मूर्ती घडविण्याच्या प्रयत्न करावा भैनी त्यांच्याकडून शाडूची माती घेतली आणि मग योगायोगाने काल संकष्टी चतुर्थीच्या दिवशी मूर्ती करण्यासाठी बसले आणि हळूहळू मूर्तीला आकार येऊ लागला तसं मनाला प्रचंड आनंद व समाधान वाटत होते. यावर्षी आमच्या पितळेच्या मूर्तीच्या समोर ही शाडूची मूर्ती सुद्धा पूजेला ठेवणार आणि घरीच विसर्जन करणार असा पद्धतीचा संकल्प मिर्लेकर कुटुंबीयांनी केला आहे.

माध्यमांनी सामाजिक जाणिवा वाढविण्याचे कार्य करावे –उपमुख्यमंत्री देवेंद्र फडणवीस

 नागपूर,दि.31 : जनसामान्यांच्या जडणघडणीत माध्यमांचा प्रभाव अधिक असतो. त्यामुळे सामान्यजनांपर्यंत योग्य आणि राष्ट्रीय विचार पोहोचणे आवश्यक असते. माध्यमे कोणतीही असो, माध्यमांनी समाजाच्या सामाजिक जाणिवा वाढविण्याचे कार्य करणे आवश्यक असल्याचे प्रतिपादन उपमुख्यमंत्री देवेंद्र फडणवीस यांनी केले.

श्री नरकेसरी प्रकाशन लिमिटेडच्या (दैनिक तरुण भारत) वाडी-हिंगणा मार्गावरील 'मधुकर भवन' या नव्या इमारतीचे लोकार्पण राष्ट्रीय स्वयंसेवक संघाचे सरसंघचालक डॅा. मोहन भागवत यांच्या हस्ते करण्यात आले. कार्यक्रमाला केंद्रीय रस्ते वाहतूक आणि महामार्ग मंत्री नितीन गडकरी यांची विशेष उपस्थिती होती. श्री. नरकेसरी प्रकाशन लिमिटेडचे अध्यक्ष डॅा. विलास डांगरे, कार्याध्यक्ष अनिल दांडेकर आणि प्रबंध संचालक धनंजय बापट यांच्यासह विविध क्षेत्रातील मान्यवर यावेळी उपस्थित होते.

    उपमुख्यमंत्री श्री. फडणवीस म्हणाले की, समाजाच्या विचारांमध्ये सकारात्मकता आणण्याचे कार्य माध्यमांनी करणे अपेक्षित आहे. नकारात्मकता संपविणे हेच माध्यमांचे उद्दिष्ट असले पाहिजे. व्यवसायापेक्षा याठिकाणी विचारांना प्राधान्य मिळणे अपेक्षित असते.बदलत्या काळात तंत्रज्ञानामुळे माध्यमांमध्ये अनेक बदल आले आहेत. यामुळे माध्यमांच्या बाह्यरुपामध्ये बदल झपाट्याने होतो. तो व्हायला हवा. ज्यांनी हा बदल स्वीकारला नाही, ते काळाच्या मागे पडतील. मात्र, यामध्ये माध्यमांच्या मूळ वैचारिक गाभ्यात बदल होऊ नये. त्याला सकारात्मकतेची व राष्ट्रीयत्वाची जोड असावी, अशी अपेक्षा त्यांनी व्यक्त केली.केंद्रीय मंत्री नितीन गडकरी म्हणाले, दैनिके ही विचारांनी प्रेरित असण्याची गरज आहे. ध्येयवाद हा गरजेचा आहे. सर्वसमावेशकता वृत्तपत्राची ओळख व्हावी. वैचारिक ओळखीसोबत सर्वसमावेशकता असणारी माध्यमे वाचकांना प्रिय असतात. सर्वसामान्यांसाठी लेखणीचा वापर होण्याची गरज असल्याचे त्यांनी स्पष्ट केले.

    सरसंघचालक डॉ. मोहन भागवत यांनी यावेळी माध्यमांनी राष्ट्रनिर्मितीसाठी पुढे येण्याचे आवाहन केले. देशाला जागतिक सत्ता बनविण्यासाठी समाजाची बांधणी करण्याचे उद्दिष्ट ठेवा, असे आवाहन त्यांनी केले.दै. ‘तरुण भारत’ने 98 व्या वर्षात पदार्पण केले. यानिमित्त संपादकीय व व्यवस्थापन क्षेत्रात आपल्या कर्तृत्वाचा ठसा उमटविणा-या मान्यवरांचा यावेळी सत्कार करण्यात आला. यात भैय्यासाहेब मुंडले, उदयभास्कर नायर, अनिल दांडेकर, विश्वास पाठक, लक्ष्मणराव जोशी, सुधीर पाठक यांचा सरसंघचालक मोहन भागवत, केंद्रीय मंत्री नितीन गडकरी व उपमुख्यमंत्री देवेंद्र फडणवीस यांच्या हस्ते सत्कार करण्यात आला.कार्यक्रमाचे प्रास्ताविक दै. तरुण भारतचे संपादक गजानन निमदेव यांनी केले. सूत्रसंचालन प्रगती किडे यांनी तर आभार डिजिटल आवृत्तीचे संपादक शैलेश पांडे यांनी मानले.

गोविंदा खेळाडूंना शासकीय सेवेत घेण्यासाठी प्रयत्न करणार – मुख्यमंत्री एकनाथ शिंदे

 मुंबई, दि. ३१ : दहीहंडी गोविंदा या खेळास साहसी खेळाचा दर्जा देण्यात आला आहे. आता या दहीहंडी खेळातील गोविंदांना अन्य खेळांच्या खेळाडूंना लागू असलेल्या नियमानुसार शासकीय सेवेत घेण्यासाठी प्रयत्न केले जातील, असे मुख्यमंत्री एकनाथ शिंदे यांनी सांगितले.

  वरळी येथील एनएससीआय येथे देशातील पहिली प्रो गोविंदा लीग २०२३ या स्पर्धेच्या उद्घाटन प्रसंगी ते बोलत होते. यावेळी क्रीडा व युवक कल्याण मंत्री संजय बनसोडे, उद्योग मंत्री उदय सामंत, शालेय शिक्षण मंत्री दीपक केसरकर, कौशल्य विकास, उद्योजकता व नाविन्यता मंत्री मंगलप्रभात लोढा, खासदार राहुल शेवाळे, आमदार प्रताप सरनाईक, माजी आमदार रवींद्र फाटक, बाळा नांदगावकर, नितीन देसाई, अभिनेते अभिषेक बच्चन, पूर्वेश सरनाईक, दहीहंडी समन्वय समितीचे पदाधिकारी उपस्थित होते.

   मुख्यमंत्री श्री. शिंदे म्हणाले की, राज्य शासनाने 50 हजार गोविंदांना विमा कवच दिले होते. 50 हजार नोंदणी पूर्ण झाली आणि अनेक गोविंदांना नोंदणी करता आली नाही. त्यामुळे आणखी 25 हजार गोविंदांना विमा कवचाला तत्काळ मंजुरी दिली. आता ७५ हजार गोविंदांना विमा संरक्षण दिले आहे. दहीहंडी उत्सव स्व.आनंद दिघे यांनी ठाणे शहरात प्रथम मोठ्या उत्साहात साजरा करण्यास सुरुवात केली. थरांचे विक्रमही ठाण्यातील गोविंदांनी केले. प्रताप सरनाईक यांच्या संकल्पनेतून ही स्पर्धा आली आहे.

राज्यातील सर्व नागरिकांनी आता गणेशोत्सव, नवरात्री असे सन उत्साहात साजरा करावेत. पूर्वीचे सर्व निर्बंध आता काढून टाकले आहेत. राज्यातील परंपरा सण, उत्सव, एकता, बंधूभाव निर्माण करण्यासाठी महत्त्वाचे असतात. प्रो कबड्डी सारखे प्रो गोविंदासाठी अभिनेते अभिषेक बच्चन यांनी काम करावे, अशी अपेक्षा त्यांनी व्यक्त केली.

  उद्योग मंत्री श्री. सामंत म्हणाले की, देशात पहिल्यांदा गोविंदाचा विमा उतरविण्यात आला आहे. इतर राज्यातील गोविंदा पथकांनी आपल्या राज्यात विमा घेण्याची अपेक्षा व्यक्त केली आहे. त्यांनाही सहकार्य करण्यात आले आहे.यापुढे ही स्पर्धा राष्ट्रीय पातळीवर घेण्यासाठी प्रयत्न करण्यात येणार असल्याचे त्यांनी सांगितले. क्रीडा मंत्री श्री. बनसोड म्हणाले की, मुख्यमंत्री महोदयांचे प्रो गोविंदा लीगचे स्वप्न होते ते आज साकार होत आहे. हा खेळ जागतिक पातळीवर घेवून जाण्यासाठी शासन प्रयत्न करील. राज्य शासनाने 2015 साहसी खेळाचा दर्जा प्रदान केला. पारंपरिक खेळांना जागतिकस्तरावर नेण्यासाठी आयपीएल, प्रो कबड्डी यासारख्या लोकप्रियता या स्पर्धेच्या निमित्ताने वाढणार आहे. या स्पर्धेसाठी एमआयडीसी आणि दहीहंडी समन्वय समितीचे सहकार्य केले असल्याचे त्यांनी सांगितले.

या स्पर्धेचे थीम 'घेवून टाक' ही आहे. तीन फेऱ्यांमध्ये स्पर्धा होणार आहे. प्रो गोविंदा स्पर्धेमध्ये एकूण १६ संघ सहभागी झाले आहेत. पहिले बक्षीस ११ लाख रुपये, दुसरे बक्षीस ७ लाख रुपये, तिसरे बक्षीस ५ लाख रुपये आणि चौथे बक्षीस ३ लाख रुपये ठेवण्यात आले आहे. याचबरोबर महिला संघ आणि अंध गोविंदा पथकांनाही सहभागाबद्दल एक लाखांचे बक्षीस देण्यात येणार आहे.

गणेश हिरवे यांना आदर्श सामाजिक कार्यकर्ता पुरस्कार जाहीर

मुंबई (पूनम पाटगावे)जोगेश्वरी पूर्व येथील सामजिक कार्यकर्ते गणेश हिरवे यांना नुकताच आदर्श महाराष्ट्र या वर्तमान पत्राच्या वतीने आदर्श सामजिक कार्यकर्ता हा राज्यस्तरीय पुरस्कार जाहीर करण्यात आला आहे.विक्रोळी येथे दिनांक १० सप्टेंबर रोजी होणाऱ्या कार्यक्रमात प्रमुख पाहुणे नरेश म्हस्के मा महापौर ठाणे मनपा, पवन अग्रवाल मॅनेजमेंट गुरू, बिगबोस फेम संतोष चौधरी उर्फ दादुस, सुवर्णाताई करंजे मा विधी समिती अध्यक्ष यांच्या प्रमुख उपस्थितीत हा कार्यक्रम होणार असल्याचे आयोजक व आदर्श महाराष्ट्र १८ या वाहिनीचे मुख्य संपादक डॉ संजय भोईर यांनी सांगितले. समाजातील विविध स्तरावर काम करणाऱ्या विभुतीना हा पुरस्कार देण्यात येणार असून हिरवे सर मागील अनेक वर्षापासून समाजातील वंचित, गोरगरीब, आदिवासी विद्यार्थीना मदत, तसेच अनेक नागरी कामे, अडचणी सोडविण्यासाठी पुढाकार घेताना दिसतात.अनेक सामाजिक संस्था, मंडळे यांच्याबरोबर त्यांचा जवळचा संबंध असून त्यांनी स्थापन केलेल्या जॉय ऑफ गिविंग या संस्थेच्या मार्फत देखील ते अनेक गरजूंना मदत करण्यास नेहमीच तत्पर असतात.हा पुरस्कार मिळाल्याने समाजातील अनेकांनी हिरवे यांचे अभिनंदन केले असून योग्य व्यक्तीला पुरस्कार मिळणार असल्याने अनेकांनी समाधान व्यक्त केले आहे.

महाराष्ट्र लॉटरी विक्रेता संघटनेचा दणका परराज्यातील बोगस पेपर लॉटरीवर राज्यात कडक कारवाई : उपमुख्यमंत्री पवार

मुंबई (गुरुनाथ तिरपणकर) महाराष्ट्रात गेली काही वर्षे नियमांचे उल्लंघन करून बेधडक परराज्यातील बोगस पेपर लॉटरीची विक्री करुन कोट्यावधी रुपयांची फसवणूक करणाऱ्या दलालांवर कडक कारवाई करण्याचे आदेश उपमुख्यमंत्री अजित पवार यांनी दिले. या महत्त्वाच्या निर्णयाचे जाहीर स्वागत लॉटरी विक्रेत्यांचे जेष्ठ नेते श्री विलास सातार्डेकर यांनी केले आहे. मंत्रालयात उपमुख्यमंत्र्यांच्या दालनात महाराष्ट्र राज्य लॉटरीच्या आढावा बैठकीत अजित पवार बोलत होते यावेळी वित्त विभागाचे अपर मुख्य सचिव नितीन करीर, लेखा व कोषागार विभागाचे अपर मुख्य सचिव आशिष कुमार सिंह, राज्य लॉटरी आयुक्त प्रेरणा देशभ्रतार, उपसचिव मनीषा कामठे, अवर सचिव स्वाती विचारे, कक्ष अधिकारी शिला यादव, उपसंचालक संदेश ओहाळ, लॉटरी संघटनेचे जेष्ठ नेते श्री विलास सातार्डेकर, सरचिटणीस राजेश बोरकर, उपाध्यक्ष कमलेश विश्वकर्मा, कार्याध्यक्ष राकेश उंबळकर, लॉटरी वितरक ताराचंद सावंत हे उपस्थित होते. यावेळी लॉटरीच्या अडीअडचणींवर उपमुख्यमंत्र्यांनी परिस्थिती जाणून घेतली आणि अनेक विषयांवर तात्काळ निर्णयही जाहीर केला.

     महाराष्ट्राची ऑनलाईन लॉटरी ही बदलत्या नव्या ग्राहकांच्या खेळासाठी राष्ट्रीय माहिती केंद्र(एन. आय. सी.) यांच्याशी बोलून लवकरच निर्णय घेण्यात येईल यंदा गणेशोत्सव भव्यतम सोडतीची बक्षिसे ही हमीपात्र करण्यात येतील. तसेच निश्चित केलेल्या अपेक्षित विक्रीनंतर यापुढे बक्षिसे ही हमीपात्र करण्याचा विचार शासनाचा आहे असेही उपमुख्यमंत्री पवार यांनी चर्चेच्या ओघात स्पष्ट केले.

      महाराष्ट्र राज्याची लॉटरी ही पारदर्शक व प्रतिष्ठित म्हणुन उभ्या देशभरात ओळखली जाते. ग्राहकांना बक्षिसे विक्रेत्यांना रोजगार तसेच शासनाला यातून महसूल मिळतो याची प्रसिद्धी व प्रचार शासकीय कार्यालयाजवळ करून ही लॉटरी तळागाळातल्या ग्राहकापर्यंत पोहचविण्यासाठी सरकार प्रामाणिक प्रयत्न करेल असे आढावा बैठकीत सांगून उपमुख्यमंत्र्यांनी परराज्यातील थकीत असलेला जवळजवळ पंधराशे कोटी लॉटरी कर वसूल करण्यासाठी सरकार अग्रक्रम देईल असे सांगितले.

    राज्यभरात एस.टी चे जाळे विणले गेले आहे रोज लाखो प्रवासी त्यातून प्रवास करतात त्या पार्श्वभूमीवर प्रतेक एस.टी आगारात लॉटरी केंद्राला परवानगी देण्यासाठी प्रयत्न करण्यात येईल हे देखील त्यांनी स्पष्ट केले.आढावा बैठकीत उपमुख्यमंत्री अजित पवार यांनी ग्राहक, विक्रेते, वितरक आणि सरकारची बाजू ऐकून घेतली आणि सकारात्मक प्रतिसाद दिला त्या बद्दल सातार्डेकर यांनी उपमुख्यमंत्र्यांचे आभार मानले आणि भविष्यात बदलत्या काळात नवे धोरण जाहीर करावे ही अपेक्षा ही व्यक्त केली.

३० ऑगस्ट रोजी त्रिवेणी काव्यसंग्रह प्रकाशन सोहळा

मुंबई (गणेश हिरवे)मुंबईतील प्रसिद्ध कवी, लेखक व मराठीचे तज्ञ शिक्षक दत्तात्रय पवार सर यांच्या त्रिवेणी काव्य संग्रहाचे प्रकाशन येत्या ३० ऑगस्ट रोजी कुर्ला होली क्रॉस शाळेतील हॉल मध्ये प्रमुख पाहुणे ज्येष्ठ गझलकार म भा चव्हाण, शरद गोरे अध्यक्ष मराठी साहित्य परिषद आणि इतर अनेक मान्यवरांच्या शुभहस्ते होणार असून या काव्य संग्रहात पवार यांच्या सुविध पत्नी विद्या पवार, चिरंजीव वेदांत यांनी देखील कविता लिहिल्या आहेत. सोहम प्रकाशना तर्फे काव्य संग्रहाचे प्रकाशन करण्यात येत असून त्रिवेणी पुस्तक सर्वांच्या पसंतीस उतरेल असा विश्वास कवी दत्तात्रय पवार यांनी व्यक्त केला आहे.

लोकप्रतिनिधी आणि प्रशासनावर अंकुश ठेवण्यासाठी पत्रलेखन महत्त्वाचे - ना. मंगलप्रभात लोढा

वृत्तपत्र लेखक हा 'समाजमनाचा आरसा' ; वृत्तपत्र लेखक चळवळीच्या अमृतमहोत्सवी वर्षाला प्रारंभ

मुंबई : (रवींद्र मालुसरे) सोशल मीडियावरील सामाजिक पत्रकारितेच्या वाढत्या प्रसारामुळे, ‘वर्तमानपत्रांतील वाचकांची पत्रे’ हा स्तंभ यापुढे दुबळा होत जाईल अशी भीती वाटत असली तरी लोकशाही जिवंत ठेवण्यासाठी तसेच सत्ताधारी आणि प्रशासनावर अंकुश ठेवण्यासाठी संपादकीय पानावरील त्यांची हक्काची जागा अबाधित राहणे गरजेचे आहे. बोधकथेतील लहानशी चिमणी आपल्या चोचीत पाणी आणून

जंगलातील आग विझवण्याचा प्रयत्न करते, याची इतिहासाने नोंद घेतली आहे असेच तुम्ही करीत आहात. त्यामुळे तुम्ही आणि प्रिंट मीडियाने दर्पणपासून सुरू झालेली ही परंपरा टिकवण्यासाठी जबाबदारी घेणे गरजेचे आहे असे मत राज्याचे मंत्री ना मंगलप्रभात लोढा यांनी व्यक्त केले. दादर येथील काणे उपाहारगृहाच्या सभागृहात वृत्तपत्र लेखक चळवळीच्या अमृत महोत्सवी वर्षाच्या शुभारंभ कार्यक्रमात ते प्रमुख पाहुणे होते. या वेळी व्यासपीठावर संघाध्यक्ष रवींद्र मालुसरे, उद्योजक सुरेशराव कदम, कामगार नेते दिवाकर दळवी, सामाजिक कार्यकर्ते प्रदीप मणिशंकर कवठे, शिक्षणतज्ज्ञ आनंद मापुसकर प्रमुख पाहुणे म्हणून उपस्थित होते.

      काळाची गरज म्हणून समाजासाठी आवश्यक असलेली वृत्तपत्र लेखकांची ही चळवळ खंडित होणार नाही याची जाणीव ठेवून संस्थेच्या कार्यालयीन जागेसाठी प्रयत्न करण्याचे आश्वासन देत ते पुढे असेही म्हणाले की, एका अर्थाने, वृत्तपत्रलेखक हा समाजमनाचा ‘आरसा’ असतो. आसपासच्या परिस्थितीकडे डोळे- आणि कानदेखील- उघडे ठेवून पाहण्याची सवय आणि सहसा सामान्यांच्या नजरेस किंवा मनास न जाणवणाऱ्या बाबींची तत्परतेने नोंद घेण्याची सवय या बाबी उपजतच अंगी असाव्या लागतात. वृत्तपत्रलेखकामध्ये मात्र या बाबी जाणवतात, तो हातात लेखणी घेतो आणि निर्भीडपणे आपले मत लिहून वर्तमानपत्राकडे पाठवून देतो, भले ते छापून येवो की नाही पण हे काम तो निस्वार्थीपणे करतो. म्हणूनच वृत्तपत्रलेखक हा व्यावसायिक पत्रकार नसला तरी पत्रकाराप्रमाणेच त्याचे डोळे-कान उघडे असतात, आसपासच्या, सर्वांनाच दिसणाऱ्या घटनांमधील ‘बातमी’मूल्य असलेले वेगळेपण टिपण्याची क्षमता व त्याचे विश्लेषण करून त्यातील वेगळेपण नेमके निवडून लोकांसमोर मांडण्याचे कौशल्य त्याच्याकडे असते. एका अर्थाने ही पत्रकारिता क्षेत्राची ‘तिसरी बाजू’ आहे.उद्योजक सुरेशराव कदम यांनी आपल्या भाषणात संघाच्या कार्याचे कौतुक करताना अमृत महोत्सवी वर्षात कार्यक्रम करण्यासाठी एक लाख रुपये देणगी दिली. 

     ज्येष्ठ वृत्तपत्र लेखक मधुकर कुबल आणि मनोहर मांदाडकर यांनी संस्थेच्या आणि वृत्तपत्र लेखन चळवळीसाठी दिलेल्या योगदानाबद्दल त्यांना जीवन गौरव पुरस्कार ना. मंगलप्रभात लोढा यांच्या हस्ते प्रदान करण्यात आला. त्याचप्रमाणे आचार्य अत्रे यांच्या १२५ व्या जयंती वर्षानिमित्त कॉ मणिशंकर कवठे स्मृतिनिमित्त आयोजित केलेल्या 'अत्रेय प्रहार' या लेख स्पर्धेचा पारितोषिक वितरण तसेच वर्तमानपत्रातून सातत्याने लिहिणाऱ्या वृत्तपत्र लेखकांचा गौरव करण्यात आला.  

       २२ ऑगस्ट १९४९ फोर्टच्या तांबे उपहारगृहातील चळवळीचे पहिले संमेलन ते २२ ऑगस्ट २०२३ मामा काणे उपाहारगृहातील हे 'अमृत महोत्सवी संमेलन' याचा आणि संस्थेच्या कार्यक्रम उपक्रमांचा आढावा संघाध्यक्ष रवींद्र मालुसरे यांनी आपल्या प्रास्ताविकात घेतला. 

संघाचे प्रमुख कार्यवाह प्रशांत घाडीगांवकर यांनी सूत्रसंचालन तर आभार प्रदर्शन राजन देसाई यांनी केले. 

      कार्यक्रम यशस्वी करण्यासाठी कार्याध्यक्ष रमेश सांगळे यांच्या नेतृत्वाखाली कोषाध्यक्ष आत्माराम गायकवाड, राजन देसाई, अब्बास अत्तार, दिगंबर चव्हाण, विजय ना कदम, नंदकुमार रोपळेकर, पास्कोल लोबो, सुरेश पोटे, सुनिल कुवरे, दत्ताराम गवस यांनी विशेष मेहनत घेतली.

पवईतील श्री सुवर्णनाग मंदिरात भक्तांची मांदियाळी

पवई: गेल्या महिन्याभरापासून अधिक मास सोमवार आणि श्रावण सुरू झाला झाल्यावर पवईतील श्री सुवर्णनाग मंदिरात भक्तांची मांदयाळी सुरू आहे. सोमवारी नागपंचमी निमित्ताने महापूजेचे आयोजन करण्यात आले होते.  पहिल्या श्रावणी सोमवार निमित्त युवा सेनेच्या कार्यकारणी सदस्या राजोल संजय पाटील कुटुंबातील सदस्यांनी श्री सुवर्णनाथ मंदिरात जाऊन दर्शन घेतले.

      श्री सुवर्णनाग मंदिरात नागदेवतेला दूध अर्पण करताना भक्तगणांना वेगळाच आनंद होतो.व मनातल्या भावना व्यक्त केल्यानंतर समाधान होते.

        श्री सुवर्णनाग मंदिरात भक्तगण मोठ्या संख्येने दर्शनासाठी येतात.दर्शनासाठी मंदिर प्रशासनाने यावेळी योग्यती काळजी घेतली होती. इतकेच नाही तर सुरक्षितेच्या दृष्टिकोनातून सीसीटीव्ही कॅमेरे बसविण्यात आले होते.सोमवारी मोठ्या प्रमाणात पोलीस बंदोबस्त ठेवण्यात आला होता. प्रत्येकाची मनोकामना पूर्ण करणारे व नवसाला पावणारे असे हे श्री सुवर्णनाग मंदिर होय. प्रत्येक भक्त हा श्री सुवर्णनाग मंदिरात दर्शन घ्यायला प्रतिवर्षी येत असतो. भगवान शंकराचा जयघोष करत रविवारी रात्रीपासून भाविकांची गर्दी ही वाढत होती.

     श्रावणी सोमवार निमित्त लाखो भाविक दर्शनासाठी मंदिर परिसरात दाखल झाले होते.सोमवार उपवास असल्याने भक्तांना पाणी व फराळाची आयोजकांच्या वतीने उत्तम व्यवस्था ठेवण्यात आली होती.

सार्वजनिक उत्सव समिती, साई हिल आयोजित रक्तदान शिबिराला उत्स्फूर्त प्रतिसाद

भांडुप:भारतीय स्वातंत्र्याच्या 77 व्या स्वातंत्र्यदिना निमित्त, सार्वजनिक उत्सव समिती, साई हिल येथील प्रशस्त जागेत रक्तदान शिबिराचे आयोजन करण्यात आले होते. साई हिल उत्सव समितीचे सर्व पदाधिकारी व शिवसेना शाखा क्रमांक 114 चे पदाधिकारी 

यांच्या उपस्थितीत या कार्यक्रमाचे उद्घाटन विभागप्रमुख व आमदार रमेश कोरगावकर यांनी केले . युवा सेनेच्या कार्यकारणी सदस्या राजोल संजय पाटील, भास्कर दाजी विचारे, माजी आमदार अशोक पाटील ईशान्य मुंबई महिला विभाग प्रमुख राजश्री मांदविलकर, उपविभागप्रमुख सुरेश शिंदे, सुनंदा वाफारे, शाखाप्रमुख राजेश कदम, राजेश सावंत,भाग्यश्री गवस, आदी उपस्थित होते.

      सार्वजनिक उत्सव समितीचे हे 21 वे रक्तदान शिबिर असल्याची माहिती अध्यक्ष विवेक सावंत यांनी दिली.रक्तदान शिबिराला विभागातील स्थानिक नागरिकांकडून उत्स्फूर्त प्रतिसाद लाभला.स्वातंत्र्य दिनानिमित्त रक्तदानाची विशेष नोंद करण्यात आली .

स्वेच्छेने रक्तदान करणाऱ्यांकडून 75 युनिट मौल्यवान रक्त संकलित करण्यात आले. यावेळी 141 रक्तदात्यांनी रक्तदान केले. रक्तदात्यांना आयोजकांतर्फे प्रमाणपत्र व आकर्षक भेटवस्तू देऊन सन्मानित करण्यात आले.

       एका रक्तदात्यामुळे अनेकांचे प्राण वाचू शकतात.या उपक्रमात रक्तदात्यांनी उत्स्फूर्तपणे सहभाग घेतला. हे पाहून सर्वांचे मनापासून कौतुक करते. असेच नागरिकांना अभिप्रेत असलेले उपक्रम मंडळाने राबवून नागरिकांना मार्गदर्शन करावे .असे प्रतिपादन युवा सेनेच्या कार्यकारणी सदस्या राजोल संजय पाटील यांनी केले. व त्यांनी रक्तदात्यांनाही शुभेच्छा दिल्या.

सांगली जिल्हा मराठी पत्रकार संघ व डिजिटल मीडिया परिषद आयोजित 'डिजिटल मीडिया' कार्यशाळेचा समारोप

सांगली: आयुष्यभर विद्यार्थी म्हणून राहता आले पाहिजे. नवनवीन ज्ञान आत्मसात करता आले पाहिजे. विद्यार्थी असताना तुम्ही तुमचे स्टेटस, तुमचे पद हे बाहेर ठेवून शिकता आले पाहिजे. जगात अशा अनेक गोष्टी आहेत जे अजून आपल्याला माहिती नाहीत. त्याचे जर ज्ञान मिळत असेल तर ते जरूर घेता आले पाहिजे. पत्रकारितेत अशा अनेक नवनवीन गोष्टी येत आहेत. 

जेष्ठ पत्रकार चंद्रकांत क्षीरसागर यांचे
हस्ते प्रमाणपत्र स्वीकारताना

      सांगली जिल्हा मराठी पत्रकार संघ व डिजिटल मीडिया परिषदेच्यावतीने सांगलीत 'डिजिटल मीडिया' कार्यशाळेचे आयोजन केले होते. शिवाजी विद्यापीठाने यासाठी पुढाकार घेतला होता.या कार्यशाळेला सर्व वयोगटातील पत्रकार व विद्यार्थी सहभागी झाले होते. मला या कार्यशाळेत विद्यार्थी म्हणून सहभागी होता आले. डिजिटल मीडिया हा एक नवीन प्लॅटफॉर्म उभा राहत आहे. पत्रकाराने नवीन गोष्टी आत्मसात न केल्यास ते बाजूला पडण्याची शक्यता आहे. पत्रकारांचे काम ज्यावेळी संगणकावर सुरू झाले, त्यावेळी संगणक न येणारे अनेक दिग्गज पत्रकार बाजूला पडले. याचे भान असणे गरजेचे आहे. त्यामुळे नवीन गोष्टींचा तातडीने स्वीकार केला पाहिजे.

डॉ गजानन शेपाळ यांच्या 'रंगासभा' ग्रंथाचे राज्यपालांच्या हस्ते प्रकाशन ; ललित कला अकादमीचे विभागीय केंद्र महाराष्ट्रात सुरु करण्यासाठी केंद्र व राज्याकडे पाठपुरावा करण्याचे राज्यपालांचे आश्वासन

सर्जनशील आणि सांस्कृतिक उद्योगातील संधींचा कलाकारांनी लाभ घ्यावा : राज्यपाल रमेश बैस

मुंबई : (रवींद्र मालुसरे): नवी दिल्ली येथील ललित कला अकादमीचे विभागीय केंद्र महाराष्ट्रात लवकरात लवकर सुरु व्हावे यासाठी आपण व्यक्तिशः लक्ष घालू तसेच केंद्र आणि राज्य शासनाकडे पाठपुरावा करु, असे आश्वासन राज्यपाल रमेश बैस यांनी आज येथे दिले.  

    सर ज.जी. उपयोजित कला महाविद्यालय येथील प्राध्यापक डॉ. गजानन शेपाळ यांच्या वृत्तपत्रांमध्ये प्रसिद्ध झालेल्या दृश्यकला विषयक लेखांचे संकलन असलेल्या 'रंगसभा' या पुस्तकाचे प्रकाशन राज्यपाल बैस यांच्या हस्ते शनिवारी (दि. १९) महाविद्यालयाच्या सभागृहात पार पडले, त्यावेळी ते बोलत होते. 

यावेळी प्रकाशन सोहळ्याला ललित कला अकादमीचे माजी अध्यक्ष डॉ. उत्तम पाचरणे, मराठी वृत्तपत्र लेखक संघ मुंबईचे अध्यक्ष रविंद्र मालुसरे, ज्येष्ठ पत्रकार विवेक सबनीस, उपयोजित कला महाविद्यालयाचे प्रभारी अधिष्ठाता डॉ संतोष क्षीरसागर व कला क्षेत्रातील मान्यवर उपस्थित होते.  

     सर्जनशील आणि सांस्कृतिक उद्योग क्षेत्र जगातील अर्थव्यवस्थेत सर्वाधिक गतीने वाढणारे क्षेत्र आहे. कलात्मक वस्तूंचा जागतिक व्यापार सातत्याने वाढत आहे व या क्षेत्रात रोजगाराच्या प्रचंड संधी निर्माण होत आहेत. या संधींचा कलाकारांनी लाभ घ्यावा असे राज्यपालांनी सांगितले. कला, शिल्पकला, वारसा, संगीत या क्षेत्रात खासगी क्षेत्राने देखील गुंतवणूक करावी असे राज्यपालांनी सांगितले. न्यूयॉर्क येथील 'मेट गाला' फॅशन उत्सवाप्रमाणे मुंबईचा देखील कलाविषयक 'मेट कला' महोत्सव असावा अशी अपेक्षा राज्यपालांनी यावेळी व्यक्त केली. 

   राज्यातील कला महाविद्यालयांमध्ये हजारो विद्यार्थी कला शिक्षण घेत आहेत. या महाविद्यालयांचे बळकटीकरण करून त्यांना आर्थिकदृष्ट्या स्वयंपूर्ण केले पाहिजे. या दृष्टीने कला संस्थांमधील शिक्षकांची रिक्त पदे भरण्याबाबत आपण शासनाला सूचना करू असेही राज्यपालांनी सांगितले. 

    आदिवासी समाज तसेच ग्रामीण भागात लोक घरी चित्र लावतात किंवा रांगोळी काढतात. त्याचप्रमाणे शहरातील लोकांना देखील आपल्या घरी, भिंतींवर कलाकृती असावी असे वाटते. मात्र कलाकृती जनसामान्यांना परवडणाऱ्या असल्या पाहिजे. तसे झाल्यास कलेचे लोकशाहीकरण होईल असे सांगताना आपल्या कलाकृती परवडणाऱ्या नसल्या तर चीन सारखे देश आपल्या स्वस्त कलाकृती व मूर्ती घरोघरी पाठवतील असा इशारा राज्यपालांनी दिला. 

    आपण स्वतः एक छोटे दृश्य कलाकार असून जे जे स्कुलला भेट देण्याचे आपले स्वप्न होते, असे राज्यपालांनी सांगितले. गजानन शेपाळ यांनी राज्यातील अनेक ज्ञात व अज्ञात दृश्य कलाकारांना तसेच कला संस्थांना आपल्या लिखाणाच्या माध्यमातून प्रकाशात आणल्याबद्दल राज्यपालांनी त्यांचे अभिनंदन केले. कार्यक्रमाचे आयोजक असलेल्या मराठी वृत्तपत्रलेखक संघ मुंबईने अमृत महोत्सवी वर्षात पदार्पण केल्याबद्दल राज्यपालांनी संस्थेचे अभिनंदन केले.  

    कार्यक्रम यशस्वी करण्यासाठी प्रमुख कार्यवाह प्रशांत घाडीगांवकर, कार्याध्यक्ष रमेश सांगळे, कोषाध्यक्ष आत्माराम गायकवाड, नितीन कदम, राजन देसाई, दिगंबर चव्हाण, विजय ना कदम, मनोहर साळवी, सतिश भोसले, सुनील कुवरे, दत्ताराम गवस, अब्बास अतार, प्रकाश बाडकर, दिलिप ल सावंत, नंदकुमार रोपळेकर, पास्कोल लोबो, जे जी स्कुलमधील प्रा राहुल मेश्राम, दीपक वर्मा, सौ निता चौधरी, सौ राधिका कुसुरकर-वाघ आदींनी विशेष मेहनत घेतली.

दुनियेचा पोशिंदा लघुचित्रपटाने मांडल्या शेतकऱ्यांच्या व्यथा ; झुंजार प्रोडक्शन एक पाउल पुढे

मुंबई (दिपक मांडवकर/शांताराम गुडेकर )   भारत हा कृषिप्रधान देश आता केवळ इतिहासा पुरता उरला आहे असे जणू सर्व शेतकरी कष्टकरी बळीराजाला वाटू लागले आहे.आणि याच माध्यमातून झुंजार प्रोडक्शन आम्ही कोकणकर प्रस्तुत लेखक/ दिग्दर्शक श्री.कृष्णा येद्रे, संकल्पना रमेश शिरगावकर, प्रोजेक्ट हेड आनंद सनगरे, अनुराग तुळसकर, सोशल मीडिया हेड सागर मालुसरे आणि डी. ओ.पी.प्रसाद दळवी प्रस्तुत दुनियेचा पोशिंदा यांच्या व्यथा मांडल्या आहेत.स्वातंत्र दीना निमित्ताने प्रदर्शित झालेला लघुचित्रपट दुनियेचा पोशिंदा कहाणी अधुऱ्या स्वातंत्र्याची हा लघुचित्रपट प्रदर्शित होताच प्रेक्षकांनी अगदी उचलुन धरलाआहे. शेतकरी कष्ट करून त्याच्या पदरात काहीच उरत नाही. आणि उरलेल्या धान्याला मोल नाही. शासनाच्या विविध शेती विषयक सुविधांचा शेतकऱ्यांना पर्यंत लाभ मिळत नाही आणि शेवटी सावकाराच्या कर्जाची परतफेड न झाल्याने शेतकरी आत्महत्या करतो.याचे जिवंत उदाहरण या चित्रपटात पाहायला मिळाले तर कलाकार रमेश शिरगावकर याने उत्कृष्ट शेतकऱ्यांची बाजू मांडण्याची भूमिका पार पाडली आणि कलाकार सुनैना कोंडविलकर हिने शेतकऱ्यांच्या पत्नीच्या व्यथा उत्कृष्ट मांडल्या आणि चाहत्यांची शाबासकी मिळवली तर छोट्या मुलीच्या भूमिकेत वेदिका दिपक मांडवकर हिने माझ्या शेतकरी बापाच्या या जगाच्या पोशिंद्याच्या आत्महत्या कश्या थांबल्या पाहिजे, काय करायला हवं हे उत्तम मांडलेले आहे.

     डोळ्यात अश्रू अनावर होऊन प्रत्येक्ष रसिक प्रेक्षकांचा डोळ्यात अश्रू आणून सोडले. त्यासाठी रसिक वर्गाकडून कौतुकाचा वर्षाव झाला.या लघु चित्रपट मध्ये सर्वानी उत्कृष्ट अभिनय सादर केला आहे.दिग्दर्शक, निर्माते आणि संपूर्ण झुंजार प्रोडक्शनच्या टीमवर सर्व क्षेत्रातुन शुभेच्छाचा वर्षाव करण्यात आला असून एक उत्तम विषय घेऊन लोकांना चांगला लघु चित्रपट दिल्यामुळे अभिनंदनही केले आहे. झुंजार प्रोडक्शनचे एक पाहुल पुढे असल्याचे यानिमित्ताने सर्वानी मान्य केले.