मुंबई(प्रतिनिधी): पंचायत समिती मुरबाड तालुकास्तरीय विज्ञान प्रदर्शन 5 जानेवारी ते 6 जानेवारी 2026 रोजी आयोजित करण्यात आले होते. या विज्ञान प्रदर्शनात पदमश्री अण्णासाहेब जाधव भारतीय समाज उन्नति मंडळ भिवंडी संचलित तळेगाव विभाग हायस्कूल तळेगाव ता मुरबाड या विद्यालयाचे आणि संस्थेच, शाळेचं, बिलघर गावाचं नाव महाराष्ट्रभर रोशन करणारे श्री कल्पेश माधुरी मनोहर शिंदे यांनी आदर्श भारताचे उद्याचे भावी वैज्ञानिक व गणिततज्ञ घडविण्यासाठी आणि विद्यार्थ्यांच्या कल्पनाशक्तीला आणि सुप्त गुणांना वाव मिळावा म्हणून माध्यमिक शिक्षक अध्यापक निर्मित शैक्षणिक साहित्य बनवून या स्पर्धेत भाग घेतला होता. या विज्ञान प्रदर्शनात श्री कल्पेश मनोहर शिंदे हे माध्यमिक शिक्षक अध्यापक निर्मित शैक्षणिक साहित्य या स्पर्धेत सलग तिसऱ्या वर्षी प्रथम क्रमांकाचे मानकरी ठरले. याबद्दल त्यांना गटशिक्षणाधिकारी मा. श्री घोरड साहेब, विस्तार अधिकारी श्री कनकोसे साहेब, या मान्यवरांच्या शुभहस्ते गौरवचिन्ह,सन्मानपत्र देऊन सन्मानित करण्यात आले. आणि सरांची जिल्हास्तरासाठी निवड झाल्याबद्दल सरांचे शालेय सल्लागार समितीचे चेअरमन श्री अरुणबंधू चौधरी,सदस्य श्री दीपक देशमुख,श्री श्रीकांत देशमुख आणि विद्यालयाचे मुख्याध्यापक श्री वसंत महाले सर,सौ फुलपगारे मॅडम,शिक्षक प्रतिनिधी श्री मंगल कोळी सर ,सर्व शिक्षक,सर्व पालक,सर्व विद्यार्थी,तळेगाव पंचक्रोशीतील पालकवर्ग यांच्याकडून अभिनंदनाचा वर्षाव होत आहे. श्री कल्पेश शिंदे सर यांनी आपल्या पदमश्री संस्थेच्या व तळेगाव शाळेच्या, बिलघर गावच्या इतिहासात मानाचा तुरा रोवल्याबद्दल त्यांचे सर्वच स्तरातुन कौतुक होत आहे. आणि सरांना पुढील वाटचालीस शुभेच्छा देण्यात आल्या.
कोणत्याही टिप्पण्या नाहीत:
टिप्पणी पोस्ट करा