ज्येष्ठ वृत्तपत्रलेखक भरत भोसले ह्यांना 'जीवन गौरव पुरस्कार' प्रदान !

नवी मुंबई(प्रतिनिधी) सामाजिक, साहित्य  व कामगार क्षेत्रातील  उल्लेखनीय कामगिरीबद्दल कला सामाजिक संस्था, नवी मुंबई तर्फे नवी मुंबईतील ज्येष्ठ वृत्तपत्रलेखक श्री भरत पांडुरंग भोसले ( इंडिया बुक ऑफ रेकॉर्ड होल्डर) ह्यांना प्रमुख मान्यवरांच्या उपस्थितीत " जीवन गौरव पुरस्कार  - २०२४ "  प्रदान करण्यात आला . या शुभप्रसंगी हा  राष्ट्रीय पुरस्कार सन्माननीय प्रमुख पाहुणे मा रेहाना शेख ( सहायक पोलीस आयुक्त पी अँड एस राजभवन सुरक्षा, मुंबई ), कोकण विभागीय शिक्षक आमदार मा ज्ञानेश्वर म्हात्रे, प्रसिद्ध कवी, लेखक, वक्ते मा नितीन चंदनशिवय, तसेच हास्यसम्राट, एकपात्री कलाकार मा जयंत ओक,  ह्यांच्या हस्ते स्मृतिचिन्ह , प्रमाणपत्र  व मेडल देऊन सन्मानित करण्यात आले . रविवार दि २२ सप्टेंबर, २०२४ रोजी कराडी समाज सभागृह, कामोठे, नवी मुंबई येथे भव्यदिव्य ' राष्ट्रीय पुरस्कार प्रदान ' सोहळ्यात पार पडलेल्या संपूर्ण कार्यक्रमाचे आयोजन  संस्थेच्या अध्यक्षा मेघा महाजन ,  उपाध्यक्ष श्रीराम महाजन , तर सूत्रसंचालन प्रसिद्ध निवेदक सुश्री अनघा जाधव हयांनी केले .