मनसेचे हेमंत म्हात्रे कुलाबा जीवन गौरव राष्ट्रीय पुरस्काराने सन्मानित

उरण (विठ्ठल ममताबादे )-भाई जगताप मित्र मंडळ रायगड व स्वर्गीय मधुकर ठाकूर चॅरिटेबल ट्रस्ट यांच्या विद्यमाने दिनांक 3/1/2022 रोजी संध्याकाळी 6 वाजता सातिर्जे ग्रामपंचायत-तालुका अलिबाग, जिल्हा रायगड येथे सामाजिक, शैक्षणिक,कला, क्रीडा,पत्रकारिता,पारंपारिक, सांस्कृतिक क्षेत्रात उल्लेखनीय कार्य केलेल्या मान्यवरांचा "कुलाबा जीवन गौरव राष्ट्रीय पुरस्कार 2022" हा पुरस्कार देऊन सत्कार करण्यात आला.यावेळी सामाजिक क्षेत्रात उल्लेखनीय कार्य केल्याबद्दल उरण तालुक्यातील नवीन शेवा गावचे सुपुत्र तथा मनसेचे कट्टर कार्यकर्ते हेमंत सदानंद म्हात्रे यांना "कुलाबा जीवन गौरव पुरस्कार 2022" देऊन सन्मानित करण्यात आले.सामाजिक क्षेत्रात उल्लेखनीय कार्य केल्याबद्दल त्यांना हा पुरस्कार कामगार नेते तथा काँग्रेस नेते भाई जगताप यांच्या हस्ते हा पुरस्कार देण्यात आला.