सुहानी मांडवकर
मुंबई :(पंकजकुमार पाटील ) -किक बॉक्सिंग असोसिएशन , मुंबई उपनगर च्या वतीने म्युनिसिपल शाळा , अंधेरी-पुर्व , मुंबई याठिकाणी दि १० ऑक्टोबर २०२१ रोजी झालेल्या किक बॉक्सिंग जिल्हास्तरीय चॅम्पियनशिप -२०२१ या स्पर्धेत भांडुपमधील खेळाडू कु सुहानी मांडवकर हिने ५० किलोहून अधिक वजनी गटात ब्रॉन्झ पदक पटकावले . तसेच अमॅच्युयर स्पोर्ट्स किक बॉक्सिंग असोसिएशन ,महाराष्ट्र आयोजित दि २४ ऑक्टोबर २०२१ रोजी थेरगाव , पुणे याठिकाणी घेण्यात आलेल्या राज्यस्तरीय किक बॉक्सिंग चॅम्पियनशिप -२०२१ या स्पर्धेत तीने आणखीन एका ब्रॉन्झ पदकाची कमाई केली. एकाच महिन्यात दोन विविध ठिकाणी व वेगवेगळ्या स्पर्धेत कु .सुहानी हिने हे दुहेरी यश मिळवले आहे . किक बॉक्सिंग स्पर्धेत मिळवलेल्या या उल्लेखनीय यशाबद्दल तिचे इतर सहकारी खेळाडू , मित्र मंडळी तसेच नातेवाईक यांच्याकडून अभिनंदन व कौतुकाचा वर्षाव होत आहे.
कोणत्याही टिप्पण्‍या नाहीत:
टिप्पणी पोस्ट करा