बाळासाहेब पाटील यांना " सैनिक रत्न पुरस्कार " प्रदान !

मुंबई : सैनिक फेडरेशन महाराष्ट्र राज्याच्या माध्यमातून " कारगिल विजय दिना " चे औचित्य साधून रविवार, दि २६ जुलै २०२६ रोजी मुंबई येथे पार पडलेल्या भव्यदिव्य पुरस्कार सोहळ्यात श्री बाळासाहेब आप्पा पाटील  यांना “ सैनिक रत्न पुरस्कार " प्रमुख मान्यवर ब्रिगेडियर सुधीर सावंत यांच्या हस्ते प्रदान करण्यात आला . श्री बाळासाहेब आप्पा पाटील यांनी भारतीय नौदलामध्ये तब्बल १५ वर्षे उल्लेखनीय सेवा बजावत देशसेवा केली. कोल्हापूर जिल्ह्यातील निपाणी परिसरात तसेच मुंबई व नवी मुंबई येथे सैनिक, माजी सैनिक व सैनिक परिवारांच्या मदतीसाठी सदैव तत्पर राहून समाजसेवेचे प्रेरणादायी कार्य करत असून राष्ट्रसेवा, समाजसेवा व आरोग्य सेवेला मिळालेला “ सैनिक रत्न पुरस्कार ” हा निश्चितच अभिमानास्पद सन्मान आहे.