युनायटेड वांद्रे संघ हॉकीत अंतिम विजयी ठरला

मुंबई (गणेश हिरवे) युनायटेड वांद्रे संघाने मेमोरियल हायसिंथ नाझर्थ मेमोरियल हॉकी कप २०२५ जिंकला. १३ आणि १५ नोव्हेंबर २०२५ रोजी वांद्रे येथील सेंट अँड्र्यूज ग्राउंडवर २ दिवस चाललेल्या या स्पर्धेत ८ संघांनी कुशल हॉकीचे प्रदर्शन केले. ज्यापैकी युनायटेड वांद्रे आणि कॉम्पेनोरर्सने हृदयस्पर्शी अंतिम सामना खेळला. शेवटच्या क्षणापर्यंत दोन्ही संघांनी जोरदार झुंज दिली आणि सामना पेनल्टीवर गेला.युनायटेडच्या गोलकीपरने २ सेव्ह काढून संघाला ट्रॉफी जिंकून दिली. अंतिम स्कोअर ४-३ असा होता. युनायटेडचे नीलेश माने आणि कंपनोरर्सचे ब्रेन डिसूझा यांना स्पर्धेतील सर्वोत्तम खेळाडूचा पुरस्कार देण्यात आला.प्रेक्षकांनी सामन्याचा मनमुराद आनंद घेतला.