जेष्ठ समाज सेवक व वृत्तपत्रलेखक प्रदीप पंढरीनाथ जोशी यांचा ७० वा वाढदिवस उत्साहात साजरा

मुंबई(गणेश हिरवे) घणसोली नवी मुंबई येथील जेष्ठ नागरिक सेवाभावी संस्था (रजि) व ओम साई मॉर्निंग ग्रुप यांच्या वतीने २४ ऑक्टोबर रोजी संस्थेचे सदस्य, हितचिंतक, जेष्ठ समाजसेवक व व्रुत्तपत्र लेखक, पत्रकार आणि महाराष्ट्र अनुदानित आयुर्वेद व युनानी महाविद्यालयीन शिक्षकेतर कर्मचारी संघाचे अध्यक्ष प्रदीप पंढरीनाथ जोशी यांनी वयाच्या ७० व्या वर्षात पदार्पण केल्याबद्दल त्यांचे व त्यांच्या उत्कृष्ट व उल्लेखनीय कार्याबद्दल सत्कार सोहळा व्यायाम मैदानात आयोजित केला होता त्या प्रसंगी संस्थेचे मान्यवर पदाधिकारी भास्कर आव्हाड -अध्यक्ष उत्तम बनसोडे सचिव महादेव शिंदे -सह सचिव प्रमोद गायकवाड, उपाध्यक्ष रमेश रणपिसे यांनी सन्मानाचा फेटा घालून, तसेच शाल व पुष्पगुच्छ देऊन सत्कार करण्यात आला त्या प्रसंगी संस्थेचे अन्य मान्यवर पदाधिकारी सभासद असे साधारण ८० जण उपस्थित होते. सत्कार प्रसंगी अध्यक्ष आव्हाड व उपाध्यक्ष गायकवाड यांनी जोशी यांचे कार्याबद्दल विशेष उल्लेखनीय माहिती देऊन व वाढदिवसा निमित् गीत गायले.या प्रसंगी प्रदीप जोशी यांनी आपले मनोगत व्यक्त करून सर्वांचे आभार मानून सर्वाना धन्यवाद व दिवाळीच्या शुभेच्छा देऊन सर्वाना आरोग्यदायी आयुष्य लाभो यासाठी धन्वंतरी चरणी प्रार्थना केली. सत्कार समारंभाची सांगता इडली वडा चटणी सांबार व मावा केक व चहा आणि आल्पोपहाराने करण्यात आली.