मुंबई : ६ डिसेंबर रोजी डॉ बाबासाहेब आंबेडकर यांच्या महापरिनिर्वाण दिनानिमित्त, रोहिदास समाज पंचायत संघ, मुंबई यांनी रोहिदास भवन मध्ये सायंकाळी समाज कल्याण समितीच्या माध्यमातून, डॉ बाबासाहेब आंबेडकर यांना 'अभिवादन' करण्यात आले.
सुरुवातीला सर्व पदाधिकारी व कार्यकर्त्यांनी विश्वरत्न डॉ बाबासाहेब आंबेडकर यांच्या प्रतिमेला पुष्प अर्पण करण्यात आले. समितीचे अध्यक्ष श्री सुनील वायंगणकर यांनी कार्यक्रमाची सुरुवात केली. आणि कविराज विलास देवळेकर यांनी महापरिनिर्वाण दिनानिमित्त 'अभिवादन कविता' सादर केली. त्यानंतर, गायक आणि संगीतकार श्री एकनाथ धयाळकर यांनी भावपूर्ण 'एक गीत' सादर केले. यावेळी रोहिदास समाज पंचायत संघ मुंबई चे उपाध्यक्ष श्री गणेश चव्हाण यांनी भाषणात सांगितले की, आपले अध्यक्ष व अन्य पदाधिकारी चैत्यभूमी येथे, दरवर्षाप्रमाणे यंदा ही समाजाच्या वतीने "सेवा कार्य" करीत आहेत. अन्य मान्यवरांनी, आपल्या भाषणात डॉ बाबासाहेब आंबेडकर यांच्या प्रती, भावना- मत व्यक्त करत मार्गदर्शन केले. शेवटी समितीचे चिटणीस श्री छगन खेडेकर यांनी सर्व उपस्थितांचे आभार व्यक्त केले.
कोणत्याही टिप्पण्‍या नाहीत:
टिप्पणी पोस्ट करा