आपल्या पालकांपासून दूर राहणाऱ्या या मुलांना चांगल्या सोयी सुविधा मिळाव्यात, केवळ परिस्थितीमुळे त्यांना शिक्षण सोडून देण्याची वेळ येऊ नये, त्यांनी शिकून मोठे व्हावे यासाठी आम्हाला अशा शिक्षण संस्थांना मदत देण्यात आनंद लाभतो अशी भावना यावेळी युसुफ मेहरअली सेंटरच्या माजी चेअरमन व लायन्स क्लब बॉम्बे गेट वे च्या माजी अध्यक्ष उषा शाह यांनी यावेळी व्यक्त केली. सदर प्रसंगी व्यासपीठावर लायन्स क्लब बॉम्बे गेट वे च्या विद्यमान प्रेसिडेण्ट माया बजाज, ग्रामीण विभागीय माजी चेअरमन उषा तेंडुलकर, माजी कॅबिनेट सेक्रेटरी फाल्गुनी शेठ, दै. आपलं नवे शहरचे उपसंपादक राजेंद्र घरत, या शाळेची शिखर संस्था श्री स्वामी समर्थ शिक्षण प्रसारक मंडळ-बार्शी चे मुख्याध्यापक आप्पासाहेब मोरे, शाळेचे अधीक्षक सतिश मोरे उपस्थित होते. २००३ पासून चिरनेर येथे चालवल्या जाणाऱ्या या शाळेत पनवेल, उरण, पेण परिसरातील आदिवासी, पारधी, कातकरी, ठाकरं अशा समुहगटातील १२९ मुली व १२६ मुले शिक्षण घेत आहेत. कार्यक्रमप्रसंगी मुलामुलींनी सुंदर गीतांनी पाहुण्यांचे स्वागत केले व समुहनृत्येही सादर केली. सर्व पाहुण्यांनी यावेळी आपले समयोचित विचार मांडले. या शाळेचे मोडकळीस आलेले स्वयंपाकघरही लायन्स वलब बॉम्बे गेट वे च्या माध्यमातून व्यवस्थित बांधून देऊ असेही वलबच्या प्रेसिडेण्ट माया बजाज यांनी सांगितले. कार्यक्रमाचे नेटके सूत्रसंचालन महादेव डोईफोडे यांनी केले.
कोणत्याही टिप्पण्या नाहीत:
टिप्पणी पोस्ट करा