याही निर्णयाची अपेक्षा !

पाचशे चौरस फुटांच्या घरांना मालमत्ता कर माफ करून शासनाने एक क्रांतिकारी निर्णयातून सर्वसामान्य, मध्यमवर्गीय मुंबईकर, चाकरमानी कष्टकरी, यांना नववर्षाची विशेष आणि मोठी भेट देवून दिलासा दिलाय यात वाद नाही. एक अभिनंदनीय आणि स्तुत्य निर्णय असंच म्हणावं लागेल. त्याच प्रमाणे तीन चार वर्षांपूर्वी ग्रामीण भागात घरांवर तीस टक्के घरपट्टी करात घसघशीत वाढ करून ग्रामीण भागातील शेतकरी, नागरिक,  कष्टकरी आणि व्यावसायिक यांचे जणू कंबरडेच मोडून ठेवले आहे. महाआघाडी शासनाने जसा सर्वसामान्य मुंबईकरांसाठी लोकाभिमुख निर्णय घेतलाय त्या प्रमाणे ग्रामीण भागातील घरपट्टी कर माफ करावा अथवा जर माफ करणे अशक्य असेल तर कमीतरी करावा नव्हे निदान तीस टक्के करण्यात आलेली जीवघेणी वाढीव घरपट्टी जरुर रद्द करावी आणि ग्रामीण भागातील जनतेचा, शेतकरी, कष्टकरी, व्यापारी यांचा शासनाने दुवा घ्यावा एवढीच अपेक्षा.

-विश्वनाथ पंडित

चिपळूण