मुंबई (उदय वाघवणकर )- जोगेश्वरी - पुर्व येथील जोगेश्वरी - विक्रोळी रस्त्यावर स्वामी समर्थ नगर - विक्रोळी ह्या दरम्यान धावणाऱ्या मेट्रो क्र. ६ चे काम सुरू असून जोगेश्वरी - विक्रोळी रस्ता रुंदीकरणाचे देखील काम सुरू आहे.रस्ता रुंदीकरण आणि मेट्रो क्र. ६ च्या प्रकल्पबाधित झोपडपट्टीवासियांना पर्यायी घरे देण्यासंदर्भात ऑक्टोबर २०१९ मध्ये सर्व्हे करून बाधित झोपडपट्टीवासियांची पात्र - अपात्र यादी जाहीर करण्यात आली होती.परंतु दुर्गानगर, प्रतापनगर, दत्तटेकडी, रामवाडी, आनंदनगर ह्या भागातील रस्त्याच्या दुतर्फा असणारी घरे अजूनही स्थलांतरित करण्यात आलेली नाहीत.त्यामुळे प्रकल्पग्रस्तांची घरे मोडकळीस आली आहेत.दुरूस्ती देखील करू शकत नाही.काही घरे कोसळण्याच्या स्थितीत आहेत.महानगरपालिका आणि एमएमआरडीएच्या संबंधित अधिकाऱ्यांनी योग्य ती कार्यवाही करून प्रकल्पग्रस्त बाधित घरे स्थलांतरित करावी, अशी झोपडपट्टीवासियांची मागणी आहे.दरम्यान स्थानिक पत्रकार शरद बनसोडे यांनी याबाबत मुख्यमंत्री उद्धव ठाकरे यांना पत्र लिहून सहकार्य करण्याची विनंती केली आहे.
कोणत्याही टिप्पण्या नाहीत:
टिप्पणी पोस्ट करा