रेमेडीसिविर या महाराष्ट्र राज्यात कोरोनवरील तुटवडा असणाऱ्या इंजेक्शनचा काळाबाजार करणाऱ्या व्यापाऱ्याला पोलिसांनी अटक करताच, त्याला सोडविण्यासाठी महाराष्ट्र राज्याचे विरोधी पक्षनेते श्री. देवेंद्र फडणवीस व विधान परिषदेचे विरोधी पक्षनेते श्री. प्रवीण दरेकर यांनी तत्काळ पोलिस स्टेशनमध्ये धाव घेऊन त्याची बाजू घेतली. राजकीय पक्ष दानधर्म करू शकत नाही, असा आरोप आप पक्षाच्या नेत्या प्रीती मेनन शर्मा यांनी फडणवीस व दरेकर या नेत्यांवर केला आहे. पोलिस चौकशीत हस्तक्षेप केला म्हणून त्यांच्यावर कायदेशीर कारवाईची मागणी त्यांनी केली आहे. महाराष्ट्रात ऑक्सिजन व रेमेडिसिविर यांची अत्यंत टंचाई भासत असून, त्यामुळे रुग्ण दगावत आहेत. याचे खापर विरोधी पक्ष मुख्यमंत्र्यांवर फोडत आहे. असे असताना , विरोधी पक्ष नेत्यांनी साठेबाज करणाऱ्या व्यापाऱ्यांना पाठीशी घालावे हे कितपत योग्य आहे? अशा दुतोंडी विरोधी पक्ष नेत्यांवर महाराष्ट्राचे गृहमंत्री दिलीप वळसे-पाटील यांनी तात्काळ कारवाई करावी व विरोधी पक्षनेत्यांना धडा शिकवावा!
- संगीता जांभळे, नाशिक रोड.
कोणत्याही टिप्पण्या नाहीत:
टिप्पणी पोस्ट करा