त्यानुसार दि.१४ ऑगस्ट २०२६ रोजी माता रमाबाई आंबेडकर म्युनिसिपल हॉस्पिटल, चेंबूर येथील डॉक्टर्स, नर्स व इतर वैद्यकीय कर्मचारी तसेच स्त्रीमुक्ती संघटना (कौटुंबिक सल्ला केंद्र), चेंबूर चे कर्मचारी आणि दिलासा केंद्र, मुलुंड येथे भेट देऊन तेथील अधिकारी, कर्मचारी व उपस्थितांना 'हर घर तिरंगा' अभियानाबाबत तसेच सखी वन स्टॉप सेंटर (OSC) च्या सेवा व कामकाजाबाबत सविस्तर माहिती देण्यात आली.
दि.१५ ऑगस्ट २०२६ रोजी स्वातंत्र्य दिनानिमित्त पुरुष भिक्षेकरी गृह, महिला भिक्षेकरी गृह व सखी एक थांबा केंद्र (OSC), चेंबूर येथे राष्ट्रध्वजारोहणाचा कार्यक्रम उत्साहात पार पडला. सदर प्रसंगी भिक्षेकरी गृहातील भिक्षेकरी, शासकीय अधिकारी, कर्मचारी वर्ग व स्टाफ उपस्थित होते. या सर्वांना राष्ट्रध्वजास मानवंदना देऊन स्वातंत्र्य दिन साजरा करण्यात आला तसेच सखी एक थांबा केंद्राच्या (OSC) कामकाजाबाबत सविस्तर माहिती देण्यात आली.
तसेच महिला व बालकांमध्ये जनजागृती होण्याच्या उद्देशाने
अभियानादरम्यान महिला, बालके व लाभार्थी यांना राष्ट्रध्वजाचे महत्त्व, राष्ट्रध्वजाचा सन्मान, राष्ट्रीय एकात्मता व देशभक्ती याबाबत मार्गदर्शन करण्यात आले. तसेच “हर घर तिरंगा २०२६” अभियानामध्ये सक्रिय सहभाग घेण्यासाठी त्यांना प्रोत्साहित करण्यात आले.
तसेच अभियानादरम्यान नागरिकांना “हर घर तिरंगा” उपक्रमामध्ये सहभागी होण्यासाठी प्रोत्साहित करण्यात आले. तिरंग्यासोबत छायाचित्र (Tiranga Selfie) घेऊन अभियानात सहभाग नोंदविण्याबाबतही जनजागृती करण्यात आली.
वरीलप्रमाणे सखी एक थांबा केंद्र (वन स्टॉप सेंटर), चेंबूर यांच्या वतीने “हर घर तिरंगा २०२६” अभियानांतर्गत विविध देशभक्तीपर, जनजागृतीपर व राष्ट्रभक्तीपर उपक्रम यशस्वीरीत्या राबविण्यात आले आहेत.सदर कार्यक्रमांमधून डॉक्टर्स, नर्स, आरोग्य कर्मचारी, संस्थांचे कर्मचारी, नागरिक, महिला, बालके, भिक्षेकरी गृह लाभार्थी व रुग्ण यांच्यामध्ये राष्ट्रध्वजाबद्दल आदर व राष्ट्रप्रेमाची भावना वृद्धिंगत करण्याचा प्रयत्न करण्यात आला.
कोणत्याही टिप्पण्या नाहीत:
टिप्पणी पोस्ट करा