संत महात्म्यांनी समाजाला दिलेले विचार आणि शिकवण विद्यार्थ्यांनी आपल्या जीवनात आचरणात आणावी : ह.भ.प.श्री. नरेश सातपुते महाराज, शहापूर
प्रतिनिधी : विद्यार्थ्यांच्या व्यक्तिगत विकासामध्ये संस्काराची भूमिका अत्यंत महत्त्वाची आहे. संत महात्म्यांनी समाजाला दिलेले विचार आणि शिकवण विद्यार्थ्यांनी आपल्या जीवनात आचरणात आणावी केवळ विचार ऐकणे नव्हे तर त्यांचे अनुकरण करणे महत्त्वाचे आहे, असे भावनिक उद्गार ह.भ.प. नरेश महाराज सातपुते यांनी विद्यार्थ्यांसमोर काढले.
जुचंद्र येथील शिव छत्रपती समाज सेवा मंडळाने बालयोगी श्री. सदानंद महाराज यांच्या ६८ व्या जन्मोत्सवानिमित्त जूचंद्र येथील एस.पी. जुनिअर कॉलेज व कर्मवीर भाऊराव पाटील विद्यालयातील १००० विद्यार्थ्यांना जीवनात संस्काराचे महत्त्व या विषयावर व्याख्यान देण्यासाठी शहापूर तालुक्यातील शांताराम चौधरी गुरुजी, माध्यमिक विद्यालय शिंदपाडा मुख्यध्यापक, ह. भ. प. नरेश महाराज सातपुते उपस्थित होते. कार्यक्रमास ह. भ. प. पुरुषोत्तम महाराज, जूचंद्र सेवा मंडळाचे संस्थापक पुरुषोत्तम पाटील, मेघनाथ पाटील, विद्याधर म्हात्रे, विद्याधर भोईर, मिलिंद पाटील, उद्योजक जयराम पाटील, ज्युनिअर कॉलेज व विद्यालयाचे शिक्षक उपस्थित होते.
कोणत्याही टिप्पण्या नाहीत:
टिप्पणी पोस्ट करा