पदमश्री अण्णासाहेब जाधव संस्थेचे कर्मयोगी श्री कल्पेश शिंदे सर यांचा महाराष्ट्र राज्यस्तरीय शिक्षकरत्न पुरस्काराने सन्मान

मुंबई( प्रतिनिधी): 9 नोव्हेंबर 2025 रोजी वक्रतुंड सभागृह डोबिवली येथे बातम्यांचे दोनच रंग ब्लॅक अँड व्हाईट साप्ताहिक आयोजित राज्यस्तरीय शिक्षकरत्न पुरस्कार सोहळ्यात पदमश्री अण्णासाहेब जाधव भारतीय समाज उन्नती मंडळ भिवंडी या संस्थेचे कर्मयोगी, तळेगाव विद्यालयाचे शिक्षक समुपदेशक, ॐ मन:सामर्थ्यदाता समुपदेशन केंद्राचे संचालक, पालघर जिल्हातील वाडा तालुक्यातील बिलघर गावचे श्री कल्पेश मनोहर शिंदे यांना त्यांच्या शैक्षणिक, आध्यात्मिक, समुपदेशकीय, सामाजिक कार्याची दखल घेऊन हा पुरस्कार प्रदान करण्यात आला. हा पुरस्कार मा.श्री सुधीरभाऊ घागस सर शिक्षणक्रांती संघटना महाराष्ट्र राज्य मा.श्री विनय भोईटे अध्यक्ष विश्वास फाउंडेशन, मा.सौ सारिकाताई भोईटे पवार उद्योग मैत्रीण संपादिका,मा.श्री.विजय यादव सर कार्यकारी संपादक या मान्यवरांच्या शुभहस्ते सन्मानित करण्यात आला.. श्री कल्पेश शिंदे सरांना सन्मानित केल्याबद्दल संस्थेच्या, शाळेच्या, बिलघर गावच्या इतिहासात मानाचा तुरा रोवल्याबद्दल अखंड महाराष्ट्रातुन,तळेगाव पंचक्रोशी, बिलघर पंचक्रोशीतून अभिनंदनाचा वर्षाव करण्यात आला आणि त्यांना पुढील वाटचालीस शुभेच्छा देण्यात आल्या.