जोगेश्र्वरीतील भाजपाचे पदाधिकारी व सहकारी यांची मजास बस डेपो मध्ये धडक,अचानक बंद केलेली २६४क्र.ची बस सेवा(समर्थ नगर-सद्भक्ती मंदीर) सुरु करणेबाबत केली मागणी

मुंबई (उदय वाघवणकर )- अविरत सेवा पुरविणारी, सर्वसामान्यांना हवीहवीशी वाटणारी बस सेवा जेंव्हा अचानक बंद केली जाते, तेव्हा त्याचा परिणाम प्रवासी वर्गाच्या दैनंदीन प्रवासावर पडतो.समर्थ नगर-सद्भक्ती मंदीर पर्यंतची बससेवा ही बस.क्र.२६४ च्या माध्यमातुन अनेक वर्षे प्रवाशांना सेवा देत होती.ही बस जोगेश्र्वरी स्टेशन मार्गे जाणारी एकमेव बस होती, ती बंद केल्याने नागरिक-शाळकरी विद्यार्थांना रखरखत्या उन्हात नाहक त्रास होत असल्याची बाब समोर आली आहे.२६४बस सेवा त्वरित पुर्वरत करावी अन्यथा प्रवाशांच्या हिताचा विचार करता नाईलाजास्तव आंदोलन घ्यावे लागेल अस पत्र देत भाजपच्या पदाधिकारी व सहकार्‍यांकडुन मजास बस डेपो अधिक्षकांशी चर्चा करत चर्चेअंती सांगण्यात आले.आपण नागरिकांच्या हितासाठी केलेल्या मागणीचा सन्मान करत बस सेवा सुरु करू असे आश्वासन यावेळी देण्यात आले.