“परळची देवी” आगमन मिरवणुकी निमित्त वेशभुषा स्पर्धा आयोजन

मुंबई : परळ विभाग सार्वजनिक नवरात्रौत्सव मंडळ, कामगार मैदान परळच्या देवीचे आगमन रविवार दि. २१ सप्टेंबर रोजी सायं. ५.०० वा. परळ मधील इंडिया युनायटेड मिल चाळ क. २, डॉ. बाबासाहेब आंबेडकर रोड, परळ येथून होणार आहे. त्याचे औचित्य साधून मंडळाचे अध्यक्ष आमदार अजय चौधरी यांच्या मार्गदर्शनाखाली मुलांच्या कलागुणांना वाव मिळण्यासाठी वेशभूषा स्पर्धेचे आयोजन करण्यात आले आहे. सदर स्पर्धा विनामूल्य असून एकूण ३ गटामध्ये होणार आहे. या स्पर्धेमध्ये भाग घेतलेल्या प्रत्येक गटातील विजयी स्पर्धकांना रोख पारितोषिके व सन्मानचिन्ह देण्यात येईल. अधिक माहितीकरिता चंद्रशेखर जामदार- ८१६९०२४२९८, मिहिर परब ९७५७३४४४३७ हिमांशु पेडणेकर- ९०८२१९१५४३ यांच्याशी संपर्क साधावा. असे मंडळाचे कार्याध्यक्ष राजन म्हाडगुत व सरचिटणीस प्रशांत मोरे कळविले आहे.