साकीनाका येथील समता विद्या मंदिर शाळेत विद्यार्थ्यांनी संविधान दिवस केला साजरा ; समता विद्या मंदिरात संविधान रॅली

मुंबई (शांताराम गुडेकर ) भारतीय संविधान अमृत महोत्सवाच्या निमित्ताने आज साकीनाका येथील समता विद्या मंदिर शाळेत विद्यार्थ्यांनी संविधान दिवस साजरा केला. सकाळी ८ वाजता विद्यार्थ्यांनी संविधान प्रत हातात घेत , तिरंगी झेंडा फडकावत परिसरातून संविधान रॅली काढली. शाळेचे सचिव राजेश सुभेदार , संचालिका ज्योती सुभेदार यांच्या संकल्पनेतून संविधान रॅली आयोजित करण्यात आली. इयत्ता चौथी ते इयत्ता आठवीच्या विद्यार्थ्यांनी या रॅलीत सहभाग घेतला. यावेळी भारत माता की जय , वंदे मातरम् अश्या घोषणा देण्यात आल्या. विद्यार्थांनी यावेळी रॅलीत बाबासाहेबांचे योगदान , भारताचे संविधान , नको राजेशाही , नको ठोकशाही संविधानाने दिली मजबूत लोकशाही अशी घोषवाक्य या रॅली द्वारे देण्यात आली. यावेळी २६/११ हल्यातील पोलीस अधिकारी, कुटुंबातील व्यक्तींना भावपूर्ण श्रद्धांजली देखील वाहण्यात आली.