सावर्डे (विश्वनाथ पंडित)- तुरंबव( चिपळूण) गावचे ज्येष्ठ समाजसेवक तुकाराम जीवनराव तथा दादासाहेब पंडित यांचे वयाच्या 92 व्या वर्षी वृद्धापकाळाने दुःखद निधन झाले. त्यांच्या पश्चात पत्नी, पुत्र, नातवंडे असा परिवार आहे. ग्रामविकासाच अखंड ध्यास त्यांनी जीवनाच्या अखेर पर्यंत जोपासला. गावच्या शारदा समाज सेवा मंडळाच्या अध्यक्षपदी कार्यरत असतांना त्यांनी पदापेक्षा कामाला प्रतिष्ठान देऊन भावी पिढीसाठी, शालेय विद्यार्थ्यांसाठी अनेक उपक्रम राबवून यशस्वी केले. अनेक सामाजिक संस्थांशी त्यांचे योगदान होते. लालबाग सारख्या गिरण गावातही त्यांनी आपल्या सामाजिक कार्याचा ठसा उमटवला होता. सामाजिक कार्याचे तगडी इच्छाशक्ती, अपाट उत्साह आणि आरपार प्रमाणिकपणा या व्यक्तिमत्व वैशिष्ट्यामुळे ते सर्वांना आपलेसे वाटत. संघटना कौशल्य, धाडसी निर्णय घेण्याची क्षमता, संयमी नेतृत्वगुण दादासाहेब पंडित यांच्यापाशी होते. त्यांच्या जाण्याने सामाजिक कार्यातील नवोदित कार्यकर्त्यांची, अनेक सामाजिक संस्थांची फार मोठी आणि झालेली आहे. तुरंबव गाव एका आदरणीय, ऋषितुल्य व्यक्तिमत्वाला मुकला आहे. दादासाहेबांना भावपूर्ण श्रद्धांजली.
कोणत्याही टिप्पण्या नाहीत:
टिप्पणी पोस्ट करा