गडब(अवंतिका म्हात्रे) महिला बचत गटांच्या उत्पादनाला आता हक्काची बाजारपेठ मिळणार असून महिला व बालकल्याण विकास विभागाकडून महिला बचत गटांसाठी यशस्विनी ई-कॉमर्स प्लॅटफॉर्म सुरु करण्यात आला आहे. महिला व बालकल्याण मंत्री अदिती तटकरे यांनी या प्लॅटफॉर्मचे आज उद्घाटन केले.
जाहिरातीच्या आभावी अनेकवेळा महिला बचत गटांची उत्पादने विकली जात नाहीत किंवा त्याांना योग्य वाजारभाव मिळत नाही. त्यासाठी महिला व बाल विकास विभागामार्फत यशस्विनी ई कॉमर्स प्लॅटफॉर्म विकसित केला आहे. भारताच्या रिटेल क्षेत्रात ऑनलाईन शॉपिंग महत्वाची भूमिका निभावत आहे. सध्या करोडो रुपयांची देवाण घेवाण ऑनलाईन शॉपिंग प्लटफॉर्मद्वारे केली जात आहे. यामध्ये महिला बचतगटांना हक्काची बाजारपेठ उपलब्ध करून देण्यासाठी हा पथदर्शी उपक्रम सुरू करण्यात आला असल्याची माहिती मंत्री आदिती तटकरे यांनी दिली आहे.
यशस्विनी ई कॉमर्स प्लॅटफॉर्ममुळे राज्यातील ग्रामीण, आदिवासी, शहरी अशा हजारो बचतगटांनी तयार केलेली नाविन्यपूर्ण, दर्जेदार उत्पादने लोकांना सहज उपलब्ध होणार आहेतच परंतु, महिला बचत गटांना आर्थिक उन्नतीचा नवा मार्गदेखील उपलब्ध होणार आहे.
बचत गटांना यासाठी करावी लागणार नोंदणी बचत गटांना खरेदी किंवा विक्री करण्याकरिता सहज आपले नाव नोंदणी करता येणार आहे. तसेच बचत गटांच्या उत्पादनाचे फोटो अपलोड करता येणार आहेत. त्यांच्या किंमतीची व गुणवत्तेची जाहिरात करण्यासाठीसुद्धा याम ध्ये डॅशबोर्ड व्यवस्था करण्यात आली आहे.
वस्तूंची विक्री झाली की खात्यात ऑनलाईन पैसे बचतगटांना उत्पादन पॅकींग, वाहतूक, साठवणूक करणे, योग्य हाताळणी करणे या विषयी माहिती देण्यात आली आहे. महिला बचतगटांनी उत्पादन केलेल्या वस्तूंची विक्री झाल्यानंतर त्यांच्या खात्यात ऑनलाईन रकम जमा होण्याची व्यवस्था करण्यात आली आहे. यशस्वीनी प्लॅटफार्म सर्व जनतेसाठी उपलब्ध असून नागरिकांनी या प्लॅटफॉर्मला अवश्य भेट द्यावी, असे आवाहन महिला व बाल विकास विभागाचे आयुक्त डॉ. प्रशांत नारनवरे यांनी केले आहे.
कोणत्याही टिप्पण्‍या नाहीत:
टिप्पणी पोस्ट करा