मुलुंड मध्ये शिवसेना शाखा उबाठा मार्फत बदलापूरमधील बालिका अत्याचाराच्या निषेधार्थ मोर्चा !!

मुलुंड(सतिश पाटील) बुधवार दिनांक २१ऑगस्ट२०२४ रोजी बदलापूर येथील शाळेतील बालकेवर शाळेतीलच सफाई कर्मचारी नराधम शिंदे याने लैंगिक अत्याचार केल्याच्या निषेधार्थ .श्री. उद्धव बाळा साहेब शिवसेना यांच्या मार्फत शाखा क्रमांक १०४ ते शिवसेना शाखा १०६ असा मोर्चा काढून निषेध नोंदविण्यात आला. हि रॅली मुलुंड पश्चिम एम.जी.रोड ते मुलुंड पूर्व येथे समाप्त झाली.रॅली मध्ये आजीमाजी शिवसैनिक ,पदाधिकारी, महिला ,पुरूष मोठ्या संख्येने उपस्थित होते.या रॅलीचे नेतृत्व सिताराम खांडेकर, दिनेश जाधव, नितीन चवरे,व्यंकटेश अय्यर या पदाधिकाऱ्यांकडून करण्यात आले. यावेळी संतप्त मुलुंडकर ही सहभागी होऊन विकृत कृत्याचा निषेध करण्यासाठी उपस्थित होते.सरकारने अशा मनोवृत्तीच्या आरोपीला लवकरात लवकर योग्य व कठोर अशी शिक्षा फास्ट ट्रॅक वर झाली पाहिजे अशी मागणी या प्रसंगी  केली गेली.