खरोखरच, विद्येचे माहेरघर असलेल्या रत्नागिरी जिल्हा - दापोली तालुक्यातील पालगड हे सुसंस्कृत ग्रामीण भागातील एक खेडे गाव असलेल्या साने गुरुजींच्या पदस्पर्शाने पुनीत झालेल्या जन्मभूमीतच " नव भारत हायस्कूल, मु. पो. जामगे ( ता . दापोली, जि . रत्नागिरी ) " असलेल्या १९८८ च्या बॅचच्या माजी विद्यार्थ्यांच्या सर्वांगीण मनात सुचलेली संकल्पना हि तालुका, जिल्हा नव्हे तर महाराष्ट्रातील प्रत्येक हायस्कूलने एक आदर्श घ्यावा, अशी ही सुसंस्कृत परंपरा असून शालेय उपयोगी वस्तूंचे वाटप कार्यक्रमामुळे सध्या शिक्षण घेत असलेल्या विद्यार्थ्यांच्या चेहऱ्यावरील आनंद पाहून सर्व केळीच्या पानावरील दवबिंदू असलेल्या सर्व माजी विद्यार्थ्यांच्या चेहऱ्यावरील आनंद सुद्धा गगनात मावेनासा झाला, यावेळी सर्व माजी विद्यार्थ्यांच्या तर्फे शाळेला श्री गणपतीचा फोटो फ्रेम देण्यात आले . प्रमुख मान्यवर व माजी विद्यार्थ्यांच्या उपस्थितीत दीपप्रज्वलन केलेली दिपज्योतीची परंपरा अखंड तेजोमय तेवत राहावी, हा संदेश सर्व विद्यार्थ्यांना माजी विद्यार्थ्यांकडून देण्यात आला . संपूर्ण कार्यक्रम भव्य दिव्य प्रमाणात यशस्वी करण्यासाठी सर्व माजी विद्यार्थ्यांनी आर्थिक हातभार लावून सहकार्य केले असून हायस्कूलच्या व्यवस्थापनाने सुद्धा सहकार्य केले, त्यामुळे त्यांचे देखील आभार ! असे म्हणतात की, पिंपळपानाला जाळी पडली, तरी ते पान नष्ट होत नाही, तसेच ह्या कार्यक्रमाचा ऐतिहासिक सुवर्णक्षणाचे पान, साक्षीदार असलेल्या सर्व माजी विद्यार्थ्यांच्या मनातून कधीही नष्ट होणार नाही, सेवेशी ठायी तत्पर , नव भारत हायस्कूल !!
कोणत्याही टिप्पण्‍या नाहीत:
टिप्पणी पोस्ट करा