याप्रसंगी उपस्थितांशी संवाद साधताना संदीप नाईक म्हणाले की, मीरा पाटील ह्या सामाजिक चळवळीतील निष्ठेने काम करणाऱ्या नगरसेविका असून त्यांनी या परिसरात अतिशय चांगल्या पध्दतीने जनतेची, सर्वसामान्यांची कामे केली असुन त्यांच्या माध्यमातून पक्षाला या परिसरात एक चांगल्या अनुभवी नगरसेविका भेटल्या आहेत. त्यांच्यामुळे येथे निश्चित स्वरुपात भाजपची ताकद अधिक वाढेल याचा विश्वास आहे.
रविंद्र इथापे यांनी सांगितले की मीरा पाटील यांनी गेल्या वीस पंचवीस वर्षांत या वाॅर्डमध्ये जनतेची सर्व स्तरावर चांगली सेवा केली असून या वाॅर्डात नमुंमनपाच्या माध्यमातून अनेक विकासकामे त्यांनी पूर्णत्वास नेली आहेत. आमदार गणेश नाईक व जिल्हाध्यक्ष संदीप नाईक यांच्या नेतृत्वाखाली या वाॅर्डात भाजपाचा महापालिकेवर झेंडा फडकल्याशिवाय राहणार नाही असा विश्वास व्यक्त करून त्यांनी सांगितले की, आम्ही सर्व त्यांच्या पाठीमागे ताकदीने उभे राहू.
संपूर्ण कार्यक्रमाचे सूत्रसंचालन मच्छिंद्र माळी यांनी केले. सौ. मीरा पाटील यांनी सर्व मान्यवरांचे आणि उपस्थितांचे आभार मानून सांगितले की, मी भाजप पक्षाचे निष्ठेने काम करीन. आपल्या विश्वासाला कुठेही तडा जाणार नाही याची काळजी घेईल.
कार्यक्रम यशस्वी करण्यासाठी विजय निंबाळकर, दिनेश गवळी, मनसुख सावलिया, रंगनाथ नलावडे, रोहिणी दरेकर, सुलोचना सावलिया, रेणुका सूर्यवंशी आदी कार्यकर्त्यांनी अपूर्व मेहनत घेतली.
कोणत्याही टिप्पण्‍या नाहीत:
टिप्पणी पोस्ट करा