तरुण मित्र मंडळ आणि विनायक सोसायटीची वृद्धांना मदत

मुंबई ( गणेश हिरवे) जोगेश्वरी पूर्व येथील तरुण मित्र मंडळ आणि श्री विनायक को ऑ हौ सोसायटीच्या वतीने नुकतीच विरार पश्चिम येथील न्यू लाईफ ओल्ड एज होम मधील वृद्धाश्रमात जीवनावश्यक वस्तू, नवीन कपडे यांचे वाटप करण्यात आले.यावेळी येथील ज्येष्ठां सोबत गप्पागोष्टी करून त्यांची सुख दुःख जाणून घेण्याचा प्रयत्न, तसेच नाचगाणी करून सर्वांनीच एकमेकांना आनंद देण्याचा प्रयत्न केला.वृध्दाश्रमाचे संचालक राजेश मोरो यांनी सर्व उपस्थितांचे स्वागत करून अश्रमासाठी मिळालेल्या सहकार्याबद्दल तरुण मित्र मंडळ आणि विनायक सोसायटीचे आभार व्यक्त केले व आमच्यासाठी ही मदत खूप मोलाची आहे असे सांगून उपस्थतीतांचे कौतुक करून त्यांना आश्रमाचे वतीने सन्मानपत्र देऊन वेळ मिळेल तसे तुम्ही कधीही या वृध्दसोबत संवाद साधण्यासाठी येऊ शकता असे सांगितले.या चांगल्या कामासाठी जोगेश्वरी येथील सामाजिक कार्यकर्ते गणेश विंचू यांनी पुढाकार घेतला होता व ज्यांनी ज्यांनी यावेळी मदत केली त्यांचे धन्यवाद व्यक्त करण्यात आले.यावेळी हेमंत राऊत, अथर्व नाईक, संकेत नारकर, आदित्य साळुंखे, मेराज अन्सारी आदी कार्यकर्ते वेळात वेळ काढून हजर होते.