दूरदर्शनचे पहिले मराठी वृत्तनिवेदक डॉ.विश्वास मेहेंदळे यांचे दुःखद निधन

मुंबई : ज्येष्ठ माध्यमकर्मी डॉ. विश्वास मेहेंदळे यांचे निधन झाल्याचे दु:खद वृत्त समोर आले आहे. वयाच्या ८४ व्या वर्षी त्यांनी अखेरचा श्वास घेतला. त्यांनी विविध कार्यक्रमांचे सूत्रसंचालन केले होते. डॉ. मेहेंदळे यांची आतापर्यंत एकूण १८ हून अधिक पुस्तके प्रदर्शित झाली असून त्यांच्या जाण्याने हळहळ व्यक्त केली जातेय. डॉ. मेहेंदळे यांच्यावर आज अंत्यसंस्कार केले जाणार असून त्यांचे पार्थिव मुलूंड याठिकाणी अंत्यदर्शनासाठी ठेवण्यात आले आहे. दूरदर्शनचे पहिले मराठी वृत्तनिवेदक म्हणून त्यांनी ओळख मिळवली होती.