करोना बाधितांचा आलेख उतरणीला लागत आहे हे समाधान असतानाच मात्र जगातील काही भागातून बाधितांची संख्या वाढते आहे असे वाचनात आले आणि म्हणूनच संभाव्य इशारा समजून प्रत्येकाने कर्तव्यनिष्ठेने आत्तापासूनच सतर्क राहणे, जागल्याच्या भूमिकेतून, एक योद्धा म्हणून तत्पर असणे अत्यंत महत्वाचे आहे. करोना प्रतिबंधक आयुधांकडे दुर्लक्षही होता कामा नये नव्हे जे जे नियम हवेत ते पाळलेच पाहिजेत असा प्रत्येकाने मनाशी निश्चय करावयास हवा. मला काय त्याचे ही वृत्ती घातक ठरू शकते स्वतःसाठी, कुटुंबासाठी आणि समाजासाठीही तेव्हा सतर्कता हीच सुरक्षितता समजून दिनक्रम व्यतीत केला पाहिजे तेच हितावह ठरेल. केंद्र, राज्य सरकार आपले कामकर्तव्य करीतच राहणार आहेत तरी त्यांना सहकार्य आणि घालून दिलेल्या नियमाची बांधिलकी जपण आपल कर्तव्य ठरतं.
-विश्वनाथ पंडित
चिपळूण
कोणत्याही टिप्पण्या नाहीत:
टिप्पणी पोस्ट करा