अंबरनाथ शिवसेना पक्षातर्फे कोरोना काळामध्ये १० रुपयांमध्ये दिवाळी

अंबरनाथ / अविनाश म्हात्रे :- दि. २७ ऑक्टोबर रोजी अंबरनाथ शिवसेना पक्षातर्फे कोरोना काळामध्ये १० रुपयांमध्ये दिवाळी फराळाचे सामान वाटप करण्याचा उपक्रम पार पाडण्यात आला. या उपक्रमाला नागरिकांनी मोठ्या प्रमाणात प्रतिसाद दिला. या पूर्वी देखील १० रुपयांमध्ये संपूर्ण जेवण, गोर गरीबांमध्ये ओपीडी सोय,अल्पदामध्ये ऍम्ब्युलन्स आणि शववाहिनी अशा सोयीसुविधा पुरविल्या आहेत. कोरोनानंतर नागरिकांनी दिवाळी आनंदामध्ये साजरी करावी या उद्धेशाने हा उपक्रम आयोजित करण्यात आला होता. 

कोरोना नियम शिथिल केल्यानंतर नागरिकांना आनंदाने दिवाळी सण साजरा करण्यात यावा हा मुख्य  उद्देश होता, कोरोनाच्या भयंकर आठवण विसरावी प्रत्येक नागरिकांनी दिवाळी आनंदाने साजरी व्हावी हा हेतू धरून व आपले दैनंदिन दिवस सुरळलीत जावा काही काळासाठी सर्व दुःख विसरून सर्वानी आनंदामध्ये सहभागी व्हावे हाच या उपक्रमामागचा प्रार्थमिक उद्देश आहे. शिवसेना पक्ष नेहमीच आदरणीय बाळासाहेब ठाकरे यांच्या "८०% समाजकारण आणि २०% राजकारण" या तत्वावर कार्यरत आहे. याच पार्श्वभूमीवर आजच्या आयोजित केलेल्या उपक्रमाचा ५००० पेक्षा जास्त नागरिकांनी लाभ घेतला. या उपक्रमामध्ये मी अंबरनाथच्या माजी नागराध्यध्यक्षा सौ. मनीषा अरविंद वाळेकर, माजी नागसेवक श्री. राजेंद्र वाळेकर यांचे विशेष आभार मानतो त्यांच्या उल्लेखनीय सहकार्यासाठी. 

या कार्यक्रमासाठी आपल्या कल्याण जिल्हाप्रमुख मा. श्री. गोपाळ लांडगे साहेब यांनी खास उपस्थिती लावली होती. तसेच उपजिल्हा प्रमुख सौ. अंजली राऊत, माजी नगराध्यक्ष विजय पवार, युवासेना विस्तारक महाराष्ट्र राज्य तथा माजी नगरसेवक ऍड. निखिल वाळेकर,प्रज्ञा बनसोडे, महिला आघाडीच्या मालती पवार आणि त्यांच्या महिला आघाडी सदस्य यांच्या सोबत अंबरनाथचे सर्व शिवसेना पदाधिकारी, नगरसेवक, संघटक, महिला पदाधिकारी, शिवसैनिक आणि स्वप्नील जावीर आणि सर्व युवसैनिक पदाधिकारी आणि युवासैनिक यांनी उपस्थिती लावून अतिशय उत्तम प्रकारे सर्व उपक्रमाची जबाबदारी आणि कामगिरी पार पाडली.