मुलुंड /शेखर भोसले - मोटर सायकल वरून आलेल्या दोघा चोरटयांनी मुलुंड मधील जठा शंकर रोडवर एका २४ वर्षीय युवकाच्या गळ्यातील सोनसाखळी हिसकावून पळ काढला असून मुलुंड पोलिस या चोरटयांचा शोध घेत आहेत.
पोलिस सूत्रांकडून मिळालेल्या माहितीनुसार रविवार दि २३ ऑगस्ट रोजी सकाळी ७ वाजता अक्षय रहाटे हा युवक जटा शंकर रोडवरील फिश वर्ल्ड या दुकानाजवळ उभा असता मोटरसायकल वरून आलेल्या दोघा अज्ञात चोरट्यांनी अक्षयच्या गळ्यातील ८०००० रुपये किमतीची सोनसाखळी हिसकावून पळ काढला. ही घटना घडताच अक्षयने आरडाओरडा केला परंतु दरम्यानच्या काळात चोरटे पसार होण्यास यशस्वी झाले.
अक्षयने ताबडतोब मुलुंड पोलिस स्टेशनला जाऊन तक्रार नोंदवली असता, मुलुंड पोलिसांनी भारतीय दंड विधान ३९२ आणि ३४ कलमाअंतर्गत गुन्हा दाखल केला आहे. ज्या ठिकाणी ही घटना घडली आहे तेथील सीसीटीव्हीच्या आधारे आरोपींचा शोध घेण्याचे काम मुलुंड पोलिसांनी चालू केले असून सोनसाखळी चोरटयांना पकडण्यासाठी वेगाने तपासाची चक्रे फिरत आहेत.
मुलुंडमध्ये सोनसाखळी चोरीच्या घटना वाढू लागल्या असल्याने मुलुंड पोलिसांनी नाकाबंदी करून
सोनसाखळी चोरट्यांवर नजर ठेवायला सुरुवात केली आहे. नाकाबंदीच्या ठिकाणी दुचाकी आणि चारचाकी वाहनांची अधिक कडक तपासणी करण्यात सुरुवात केली आहे.
सोनसाखळी चोरट्यांवर नजर ठेवायला सुरुवात केली आहे. नाकाबंदीच्या ठिकाणी दुचाकी आणि चारचाकी वाहनांची अधिक कडक तपासणी करण्यात सुरुवात केली आहे.
कोणत्याही टिप्पण्या नाहीत:
टिप्पणी पोस्ट करा