यामध्ये दिग्दर्शक म्हणून सुनील कदम सरांचा वाटाही तितकाच महत्त्वाचा ठरला आहे. कदम सरांचे दिग्दर्शनकौशल्य वाखानण्याजोगं आहे. दुःखातूनही सुख शोधणाऱ्या या गरीब दांपत्याचे एक एक सीन लाजबाब. दोघांच्या लग्नानंतरचा रोमँटिक सीन तर अफलातून बसवलाय. त्यामुळे कदम सरांचंही विशेष अभिनंदन. वृंदा मॅडम आणि दत्ताभाऊ अहिरे यांनी बॅक स्टेज (रंगमंच व्यवस्था) उत्तमरीत्या सांभाळलीय. आणि या संपूर्ण टीमला प्रोत्साहित करणारे, रिअल्सलला स्वतः जातीने उपस्थित राहून टीमला पाठिंबा देणारे नेरुळ जेष्ठ नागरिक सार्वजनिक ग्रंथालयाचे अध्यक्ष प्रभाकर गुमास्ते हेही कौतुकास पात्र ठरले.
या स्पर्धेत एकूण १३ एकांकिका सादर झाल्या. स्पर्धेतल्या एकूण ५० ते ५५ कलाकारांमधून जी सहा उत्कृष्ट अभिनयाची पारितोषिके दिली त्यामध्ये दोन अभिनयाची बक्षीसं आपल्या नाटकाला आहेत. तरीही अंतिम फेरी करिता आपल्या एकांकिकेची निवड झाली नाही, याचंच आश्चर्य वाटतंय. खरं तर संहितेला योग्य न्याय देण्याची जबाबदारी परीक्षकांची असते. कारण स्पर्धेची नाटकं होतात ती परीक्षकांसाठीच होतात, असं म्हणतात. तरीही त्यामध्ये उन्नीस-बीस केलं जातं, याची प्रचिती मात्र काल आम्हाला आली. असं आपलं मत राधा ना बावरली या टीमचं विशेष कौतुक, अभिनंदन करताना आनंदयात्रीचे शशिकांत गोरड यांनी व्यक्त केले.
कोणत्याही टिप्पण्या नाहीत:
टिप्पणी पोस्ट करा