ज्येष्ठ नागरिकांचा दीपोत्सव संपन्न

मुंबई (पूनम पाटगावे) ज्येष्ठ नागरिक प्रतिष्ठान जोगेश्वरी पूर्व यांच्या वतीने नुकतेच अस्मिता शाळेजवळ वीर सावरकर मैदाना शेजारी दीपोत्सव २०२४ चे मोठ्या उत्साहात आयोजन करण्यात आले होते.यावेळी प्रमुख पाहुणे म्हणून सामाजिक कार्यकर्ते गणेश हिरवे उपस्थित होते.एका चांगल्या उद्देशाने ज्येष्ठ नागरिक मोठ्या प्रमाणावर एकत्र आल्याचे पाहून त्यांनी सर्वांचे अभिनंदन केले आणि ज्येष्ठांचे कायमच तरुणांना मार्गदर्शन होत असते असे सांगून ज्येष्ठांच्या काही अडचणी असतील तर त्या प्रतिष्ठान च्या माध्यमातून सोडविण्यात जातील असे सांगितले.

     

यावेळी नवरात्री उत्सव २०२४ मधील ज्येष्ठ महिला पुरुषांचा ज्यांनी चांगले गरबा नृत्य केले सर्वांना सालम जीम (अस्मिता विद्यालय) जोगेश्वरी यांचे तर्फे बक्षीस सन्मानचिन्ह देऊन गौरव करण्यात आला.कार्यक्रम यशस्वी करण्यासाठी सूर्यकांत सालम, भाई कदम, आबा गाडे, हरिभाऊ कुवळेकर, प्रकाश सावंत, श्याम टेमकर, शशिकांत देसाई आदी मान्यवरांनी खूप मेहनत घेतली.कार्यक्रमाचे सूत्रसंचालन झा सरांनी केले.