ठाणे जिल्ह्यातील आगरी समाजातील बहुआयामी व्यक्तिमत्त्व असलेले नवनाथ एकनाथ ठाकुर हे कवी, लेखक, निवेदक तसेच अभ्यासु व्यक्तिमत्त्व म्हणून त्यांची पंचक्रोषित ओळख आहे. त्यांनी आत्तापर्यंत २००० हून अधिक कविता, २०० हून अधिक चारोळ्या, प्रवासवर्णने, गावांतील ऐतिहासिक वर्णन, लग्न कार्यातील विकृत हळदी-समारंभ यांवर लघू लेखांतून शाब्दिक प्रहारही केलेला आहे. त्यांचे लेखन हे समाज प्रबोधन म्हणून सर्वश्रुत आहे. नवनाथ ठाकुर हे स्वाध्याय परिवाराशी जोडलेले आहेत. नूसते जोडलेले नसून ते एक चांगले कृतीशील आहेत. परिणामी संस्कृती व धर्म यांच्याशी ते एकनिष्ठ असलेले दिसून येतात. लेखन व वक्तृत्व हे स्वाध्याय कार्यामुळेच शक्य झालेले आहे.हे नवनाथ ठाकुर यांचे ठाम मत आहे. नवनाथ ठाकुर यांनी विविध धार्मिक ग्रंथांचा सखोल अभ्यासही केला आहे. गीता, रामायण, उपनिषदे तसेच विविध महान चरित्रांचाही अभ्यास केला आहे. त्यांचा अध्यात्मिक प्रवास यशस्वीपणे सुरू आहे. जीवनाकडे विधायक दृष्टिकोन ठेवून बघणे. हा त्यांचा पायंंडा आहे. २०१९ मध्ये नवनाथ ठाकुर यांना भयंकर अर्धांगवायूचा झटका आला होता. अशा भयंकर आजारावर मात करून त्यांनी त्यांचे लेखन चालू ठेवले. नवनाथ एकनाथ ठाकुर हे 'अनुकंपा 'आधारावर वडिलांच्या जागी जानेवारी २००१ पासून मध्यरेल्वे माटुंगा वर्कशाॕपमध्ये कार्यरत आहेत. नवनाथ ठाकुर हे कुटुंब, नोकरी, स्वाध्याय सांभाळून उर्वरीत वेळेत लेखन करत असतात. अभंग आणि अष्टाक्षरी लेखन यावर त्यांची विशेष पकड.
'नांगर खांद्यावं घेऊनशी मी चाललो शेतावं.....'हे आगरी शेतकरी गीत व 'दिंडी चालली दिंडी चालली' हे गीत रेकाॕर्डिंग. 'कधि संपून जाईल?' कोरोना काळातील एका गीतामध्ये सह परिवार कलाकार म्हणून सहभाग.
धवलारीन....एक आगरी पुरोहित! ह्या पुस्तिकेचे लेखक नवनाथ एकनाथ ठाकुर यांनी सदर पुस्तिकेचे लिखाण करून ,आगरी, कोळी समाजातून, लग्नसमारंभातून नामशेष होण्याच्या मार्गावर असलेल्या धवलगीतांचे जतन आणि संवर्धन करण्यासाठी कृतीने प्रयत्न केले आहेत.
नवनाथ एकनाथ ठाकुर लिखित 'धवलारिन....एक आगरी पुरोहित!' या पुस्तकाचे प्रकाशन झाले आहे. सदर पुस्तकाच्या काही प्रति ह्या दोन काॕलेज [म्हात्रे कॉलेज-बदलापूर व सर्वोदय कॉलेज-निळजे (डोंबिवली)] व दोन खाजगी ग्रंथालय [ठाणे ग्रंथालय व महानगरपालिका आॕफिस कल्याण] मध्ये ठेवण्यात आल्या आहेत. त्यांच्या साहित्याची विविध वर्तमान पत्रकांनीही नोंद घेतली. तसेच त्यांचा 'काव्य इंद्रधनु' नावाचा प्रातिनिधीक काव्यसंग्रह प्रकाशीत झालेला आहे. ज्यांत महाराष्ट्रातील सुप्रसिद्ध १० कवी-कवयित्रीच्या निवडक कविता प्रकाशीत केलेल्या आहेत.
साहित्यिक प्रवासासोबत ते 'सामाजिक बांधिलकी' या नात्याने समाज ऋणातून मुक्त होण्यासाठी विविध सामाजिक, शैक्षणिक, आध्यात्मिक उपक्रम राबवत असतात. या उपक्रमात मित्रपरिवार, ग्रामस्थ, सगे-संबंधी यांचे मोलाचे सहकार्य व सहभाग असतो. केवल उपदेश नाही,तर कृतीने परिवर्तन अपेक्षित.! हे नवनाथ ठाकुर यांचे तत्त्व आहे. इतकं सारं करूनही ते म्हणतात कि, आपण फक्त निमित्त असतो.
'धन्याचा तो माल,मी त्याचा हमाल'.
अशा विविध लेखन शैलींचा विचार करून 'तितिक्षा आंतरराष्ट्रीय,पुणे' या संस्थेने बहुआयामी व्यक्तिमत्त्व असलेले साहित्यिक नवनाथ ठाकुर यांना या वर्षीचा साहित्य व कला क्षेत्रातील मानाचा समजला जाणारा 'तितिक्षा आंतरराष्ट्रीय शब्दकलारत्न पुरस्कार-२०२४' देऊन सन्मानित करण्यात आले. नवनाथ ठाकुर यांना या अगोदर विविध राज्यस्तरीय व राष्ट्रीय पुरस्कारांनी सन्मानित करण्यात आले आहे. हा त्यांना मिळालेला १९ वा पुरस्कार आहे.विविध ठिकाणी त्यांचे सन्मानही झालेले आहेत. पंचक्रोषित नवनाथ ठाकुर यांच्यावर शुभेच्छांचा वर्षाव होत आहे.
लेखक-नवनाथ ठाकुर यांना मिळालेले विविध पुरस्कार
1) राष्ट्रीय कलम गौरव सन्मान-२०२० (राजस्थान),
2) लोकप्रिय कवी सन्मान-२०२०,
3) VOICE OF HEART' हा BEST WRITER AWARD-2020- जयपूर,
4) श्री गणेश रत्न पुरस्कार-२०२१(पूणे),
5) अष्टविनायक पुरस्कार-२०२१,
6) VOICE OF HEART-2021- (राजस्थान),
7) दिवाळी काव्यरंग षटकारवीर-२०२१ (रत्नागिरी),
8) साहित्य गौरव पुरस्कार-२०२१-पुणे,
9) शब्द श्री साहित्य सन्मान-२०२२-जयपूर (राजस्थान),
10) साहित्य श्री पुरस्कार-२०२२-पुणे,
11) विशेष सन्मान सोहळा-२०२२-पुणे,
12) प्रोत्साहन पुरस्कार-सरस्वती मंदिर पडलेगांव माजी शिक्षकवृंदांकडून'
13) शब्द रत्न पुरस्कार'-जुळे,'
14) पी.सावळाराम राज्यस्तरीय समाजरत्न पुरस्कार' .,
15) 'एफ के न्युज' हिन्दी चॕनेलवर तीन वेळा मुलाखत.
16) आगरी साहित्य शिरोमणी पुरस्कार-२०२३ (अलिबाग)
17) साहित्यरत्न पुरस्कार-२०२३ (कल्याण)
18) अखिल भारतीय मराठी साहित्य परिषद कल्याण-डोंबिवली महानगर -अध्यक्ष म्हणून कार्यरत.
19) गणेश वत्सल पुरस्कार -काव्य निनाद साहित्य मंच-पुणे -२०२३
20) साहित्य भूषण पुरस्कार-२०२४-नवी मुंबई
21) 'लक्ष' Youtube channel ने मुलाखत घेतली.
22) राज्यस्तरीय साहित्य दर्पण पुरस्कार-कल्याण.
23) तितिक्षा आंतरराष्ट्रीय शब्दकलारत्न पुरस्कार-२०२४ जाहिर.
'सामाजिक बांधिलकी' या नात्याने विविध सामाजिक, शैक्षणिक, धार्मिक उपक्रमः
१) गणेश प्रिय बौद्धिक स्तुत्य उपक्रम- गणेश जयंतीनिमित्त हार-फुले,मिठाई व्यतिरिक्त शाळेय वस्तू जमा करून गरजू विद्यार्थ्यांना वाटप केले जाते.-(३ वर्ष)
२) ईको-फ्रेंडली होळी- (एक हात मदतीचा..) होळी उत्सवात पुरण पोळ्या,करंज्या,पापड्या जमा करून आदीवाशी व आश्रमातील गरजूंना वाटप केले जाते.-(८ वर्ष)
३) संस्कारित बाल-मेनू गरबा- शारदिय नवरात्रीमध्ये कुटुंबात २०-२५ बालकांमध्ये नवरात्री विविध खेळ,स्पर्धा घेऊन संस्कारासोबत विविध मेनूंचा आस्वाद घेऊन बालकांवर धार्मिक उत्सवांचे संस्कार केले जातात.(८ वर्ष)
४) 'दिवाळी नविन नात्यांसोबत....' भूमिपुत्र प्रतिष्ठान -माटुँगा वर्कशॉप आयोजित उपक्रमात होतकरू व गरजू विद्यार्थ्यांना शैक्षणिक साहित्याचे वाटप व वाड्यांमध्ये घराघरात साड्या,दिवाळी फराळ व उटणे यांचे वाटप.
कोणत्याही टिप्पण्‍या नाहीत:
टिप्पणी पोस्ट करा