हिंदु मुस्लिम जाती भेद न करता धार्मिक सलोखा ! मानव धर्म शाबूत आहे याचे ज्वलंत उदाहरण !!

मुंबई (सतीश पाटील)-श्री जरीमारी आई एकविरा मित्र मंडळ आयोजित पालखी सोहळ्याच्या निमित्ताने या वर्षीचा प्रथम दिवसाची गोरेगाव क्रिकेट मैदान येथे राहण्याची तसेच संध्याकाळी नाष्ट्याची आणि इतर सुविधांची सर्व व्यवस्था गोरेगाव येथील स्थानिक मुस्लिम बांधवांनी गोरेगाव मस्जिद आणि मुस्लिम कमिटी यांच्या मार्फत करण्यात आली आहे. यावेळी कोणत्याही प्रकारचे गैरवर्तन मस्जिद समोर करू नये अशी नम्र विनंती  पायी चालत येणाऱ्या सर्व पदयात्री ( वारकरी) आणि सेवेकरी, भाविक भक्तांना करण्यात आली आहे.तसेच आई एकविरा देवीच्या घोषणे शिवाय इतर कोणत्याही प्रकारची घोषणा बाजी करू नये. प्रत्येकाने आपल्या आपल्या प्रमाणे सहकार्य करावे असेही आवाहन मंडळामार्फत करण्यात आले आहे.