आदिवासी बांधवांना नारळ पाणी, ज्यूस, शाम्पू, किड्स, गुलाबपाणीचे वाटप

उरण (विठ्ठल ममताबादे )- केअर ऑफ नेचर सामाजिक संस्था वेश्वि व श्री समर्थ कृपा सखी स्वयं सहाय्य संस्था उरण यांच्या संयुक्त विद्यमाने पनवेल, पेण विभागातील माडभूवन व निफाड वाडी येथे आदिवासी बांधवांना व तेथील चिमुकल्यांना नारळपाणी, ज्यूस, किड्स, शाम्पू, गुलाबपाणीचे वाटप करण्यात आले.ह्या अनोख्या कार्यक्रमात ह्या भेंट वस्तूंची आनंददायी मदत त्या चिमुकल्यांना आणि आदिवासी बांधवांना मिळाल्यावर त्यांच्या चेहऱ्यावरचा आनंद पाहण्याजोगा होता. ह्या आनंददायी कार्यक्रमाचे सूत्रसंचालन  उत्कृष्ट निवेदक सुनिलजी वर्तक (अध्यक्ष - गोवठणे विकास मंच )यांनी तर कार्यक्रमाची प्रस्तावना संदेश घरत( उपाध्यक्ष - केअर ऑफ़ नेचर सा.संस्था) यांनी केली. यावेळी केअर ऑफ नेचर सामाजिक संस्थेचे संस्थापक रायगड भूषण राजू मुंबईकर,जिल्हा परिषद सदस्य ज्ञानेश्वर घरत,श्री समर्थ कृपा सखी स्वयं सहाय्य संस्थेचे अध्यक्ष तथा सामाजिक कार्यकर्त्या संगीता ढेरे,विलासजी ठाकूर (सेक्रेटरी - केअर ऑफ़ नेचरसंस्था ), अनिल घरत ( उरण तालुका सचिव - आगरी,कोळी,कराडी संघर्ष सा.संस्था ), हिराचंद म्हात्रे ( उपाध्यक्ष - गोल्डन ज्युबली मित्र मंडळ सारडे ), गोपाळ म्हात्रे, ( आंतरराष्ट्रीय कराटे कोच ), हेमंत ठाकूर (श्री छत्रपती शिवाजी महाराज सा.संस्था ), क्रांती म्हात्रे (सामाजिक कार्यकर्ते सारडे ), अरविंद पाटील(सामाजिक कार्यकर्ते कासू मोरा कोटा ), समाधान पाटील (सामाजिक कार्यकर्ते पिरकोन ), कु.गुड्डू आणि निफाडवाडीचे माजी सरपंच  मारुती कुऱ्हाडे आदी मान्यवर यावेळी उपस्थित होते. निफाडवाडी आणि माडभुवन आदिवासी वाडीवरील आदिवासी बांधव आणि लहान बाळगोपाळांच्या  उपस्थितीत हा अनोखा कार्यक्रम मोठ्या उत्साहात आणि उत्तम प्रतिसादात संपन्न झाला.