शालार्थ आयडीची सक्ती न करता शिक्षक प्रशिक्षण शुल्क माफ करण्याची खाजगी शिक्षक संघटनेचे शिक्षण मंत्र्यांना साकडे

मुंबई | प्रतिनिधी : राज्य शैक्षणिक संशोधन व प्रशिक्षण परिषदेने पत्र काढून बारा वर्षे झालेल्या शिक्षकांना वरिष्ठ व चोवीस वर्षे झालेल्या शिक्षकांना निवड श्रेणी प्रशिक्षण नोंदणी सुरू करण्याबाबत सूचना केल्या आहेत. वरिष्ठ व निवड श्रेणी प्रशिक्षण याकरिता प्रति प्रशिक्षणार्थी रुपये दोन हजार इतके शुल्क आकारले आहे. आज पर्यंत अशा प्रशिक्षणासाठी शुल्क आकारलेली नव्हती. राज्यातील विनाअनुदानित , अंशतः अनुदानीत , स्वयंअर्थसाय्यित  शाळांतील शिक्षकांना शालार्थ आयडी नसल्याने हे शिक्षक प्रशिक्षणापासून वंचित राहू नये यासाठी शालार्थ आयडीची सक्ती करू नये. राज्यातील सर्व शिक्षकांना नि:शुल्क प्रशिक्षण मिळावे यासाठी महाराष्ट्र राज्य खाजगी शिक्षक संघटनेचे राज्य कार्याध्यक्ष ज्ञानदेव हांडे यांनी राज्याचे शालेय शिक्षण मंत्री प्रा. वर्षा गायकवाड यांना पत्र लिहून मागणी केली आहे.