डॉ.तात्यासाहेब नातू महाविद्यालय मार्गताम्हाने येथे मिशन युवा स्वास्थ्य कोविड-१९ लसीकरण

मार्गताम्हाने : येथील डॉ. तात्यासाहेब नातू कला आणि वरिष्ठ वाणिज्य महाविद्यालयामध्ये दि. २६/१०/२०२१ व २७/१०/२०२१ रोजी “मिशन युवा स्वास्थ्य” या शासनाच्या मोहिमेअंतर्गत १८ वर्षाहून अधिक वयाच्या विद्यार्थी व युवकांसाठी कोविड-१९ लसीकरण शिबिराचे रामपूर प्राथमिक आरोग्य केंद्रामार्फत आयोजन केले गेले.  प्राचार्य डॉ.विजयकुमार आ.खोत यांनी विद्यार्थ्यांना लसीकरण करून घेण्याबाबत मार्गदर्शन केले. ह्या शिबिराच्या उदघाटन प्रसंगी मार्गताम्हाने एज्युकेशन सोसायटीचे सहसचिव श्री. अजित साळवी, रामपूर प्राथमिक आरोग्यकेंद्राच्या वैदयकीय अधिकारी डॉ. निकिता शिर्के, आरोग्यसेविका सौ. रंजना घाटे,वैशाली यादव चौधरी, दीपाली  चव्हाण  आरोग्य सेवक श्री. शंकर घाणेकर,अंबादास शिंदे, श्री. विनायक कारकर,उपक्रम प्रमुख डॉ. सुरेश सुतार, डॉ. एन.बी.डोंगरे, व प्रा.आर.एस. माने, डॉ.आर.पी.कदम उपस्थित होते.कार्यक्रमाचे सूत्रसंचालन डॉ सुरेश सुतार यांनी केले तर प्रा.डॉ. एन.बी. डोंगरे यांनी उपस्थितांचे आभार मानले.