दीप्ती उर्फ प्रेरणा गावकर यांना समाजरत्न पुरस्कार

अंबरनाथ (अविनाश म्हात्रे )- सदैव समाजकार्यात अग्रेसर असणाऱ्या बदलापूर येथील विख्यात समाज सेविका दीप्ती उर्फ प्रेरणा गावकर यांना समाजरत्न पुरस्कार जनजागृती सेवा समितीचा प्रथम वर्धापनदिनानिमीत्त बहाल करण्यात आला आहे, जनजागृती सेवा समितीचा प्रथम वर्धापनदिन व समाजरत्न हा पुरस्कार सोहळा येथील अजय राजा हाॅल येथे उत्साहात संपन्न झाला. याप्रसंगी प्रमुख पाहुणे म्हणून उद्योग श्री ग्रुप संस्था पुणे चे अध्यक्ष डाॅ. ज्ञानेशानंद शास्त्रीजी महाराज,मुंबई महानगरपालिकाच्या पर्यावरण विभागाचे उपायुक्त सुनिल गोडसे,जाणीव वृध्दाश्रम व जाणीव अन्नछत्राचे संस्थापक मनोज पांचाळ,रोटरी क्लब ऑफ डोंबिवली डायमंड,सिनियर सेल्स मॅनेजर स्टार हेल्थ इन्शुरन्सचे राजेश विनायक कदम,कीर्तनकार,प्रवचनकार,आंतरराष्ट्रीय विषयाचे अभ्यासक श्रीराम पुरोहीत हे उपस्थित होते, यांची मार्गदर्शनपर भाषणे झाली.सर्व प्रमुख पाहुण्यांचे कार्यकारिणीतील पदाधिका-यांनी शाल,सन्मानचिन्ह,सन्मानपत्र व पुष्पगुच्छ देऊन स्वागत केले,जनजागृती सेवा समितीचा प्रथम वर्धापनदिना चे आयोजन अध्यक्ष गुरुनाथ तिरपणकर यांनी केले होते.