पाणीबिलात झालेल्या अन्यायकारक वाढीचा रा .जि .प च्या पाणी पुरवठा विभागाच्या पेण येथील कार्यालयासमोर होणार तिव्र निषेध !!
पेण : जिल्हा परिषदेच्या पाणी पुरवठा विभागाकडुन खाजगी नळकनेक्शन धारकांना अन्याय कारक 2200 /- रुपये इतके पाणीपट्टीचे बिल बजावण्यात येत आहे. खारेपाट विभागाला गेली कित्येकवर्ष अशुद्ध व अपुरा पाणीपुरवठा केला जात आहे. असे असतानाही जिल्हापरिषदेने पाणीपट्टीत दुपटीने वाढ करून खारेपाटाच्या जनतेवर खुप मोठा अन्याय केलेला आहे.
जिल्हा परिषद रायगड ने पाणीपट्टीत वाढ केल्याच्या कृतीचा निषेध नोंदवून पाणीबिलाची होळी, रायगड जिल्हा परिषदेच्या पेण येथिल पाणी पुरवठा कार्यालयाच्या समोर बुधवार दि. २७/१०/२०२१ रोजी सका. १०.३० वाजता करण्याचा निर्णय खारेपाट विकास संकल्प संघटने मार्फत घेण्यात आलेला आहे. या कार्यकमा नंतर संघटने मार्फत तसेच विभागांतील ग्रामपंचायती मार्फत पाणी पुरवठा विभागाला निषेधाचे पत्र व निवेदन देण्यात येणार आहे . याची सर्व ग्रामस्थांनी व सहकाऱ्यांनी नोंद घ्यावी.
खारेपाटाला शुध्द व मुबलक पाणी मिळाल्या शिवाय हि पाणीपट्टीत करण्यात आलेली वाढ मान्य नाही यासाठीचे हे आंदोलन आहे. तरी सर्वानी या आंदोलनाची माहिती खारेपाटांतील जास्तीत -जास्त नागरिकांपर्यत पोहचवून मोठ्या नागरीकांनी संखेने या आंदोलनात सहभागी होण्यासाठी खारेपाटांतील प्रत्येक नागरीकाने प्रयत्न करावे अशी विनंती प्रकाश माळी-अध्यक्ष- खारेपाट विकास संकल्प संघटना, सि.आर.म्हात्रे. (सर) सचिव- आणि या संघटनेचे सर्व पदाधीकारी व सर्व सहकारी सभासद यांनी विभागातील नागरिकांना केली आहे
.
कोणत्याही टिप्पण्या नाहीत:
टिप्पणी पोस्ट करा