अलिबाग :- तळा तालुक्यातील प्राथमिक आरोग्य केंद्र, महागाव साठी ग्रामविकास विभागाकडून व आरोग्य विभागाच्या सहकार्यातून मिळालेल्या रुग्णवाहिकेचे काल (दि.30 मे) रोजी पालकमंत्री कु. आदिती तटकरे यांच्या हस्ते सभापती अक्षरा कदम व महिला बालकल्याण सभापती गीता जाधव यांच्या प्रमुख उपस्थितीत लोकार्पण संपन्न झाले.
दुर्गम व डोंगराळ भागातील महागाव विभागातील नागरिकांना रुग्णवाहिकेची गरज होती, यादृष्टीने ही गरज पालकमंत्री आदिती तटकरे यांच्या पुढाकारातून पूर्ण झाली आहे. या रुग्णवाहिकेचा लाभ या भागातील सर्वच नागरिकांना होणार आहे.
यावेळी गटविकास अधिकारी विजय यादव, नायब तहसिलदार निलेश गावणकर, सरपंच सुषमा कजबले, नगरसेवक चंद्रकांत रोडे, ॲड.उत्तम जाधव, सचिन कदम, अनंत खराडे, डॉ. वंदन पाटील, डॉ. स्मिता पाटील, डॉ. अमोल बिरवाडकर, गणेश पवार, आदी मान्यवर उपस्थित होते.
कोणत्याही टिप्पण्‍या नाहीत:
टिप्पणी पोस्ट करा