उरण मध्ये नगरविकास मंत्री एकनाथ शिंदे यांच्या सहकार्याने व माजी आमदार मनोहरशेठ भोईर यांच्या सततच्या प्रयत्नाने तसेच सामाजिक कार्यकर्ते संतोष पवार यांच्या पाठपुराव्यामुळे सिडको च्या माध्यमातून हे हॉस्पिटल उभारले नसते तर आज वाढत्या कोरोना रुग्णांमुळे उरण तालुक्यात बिकट परिस्थिती निर्माण झाली असती.
आपली प्रतिक्रिया देतांना शिवसेना गटनेते गणेश शिंदे म्हणाले की, उरण कोविड सेन्टर मध्ये बऱ्याच आरोग्य विषयक साहित्यांची कमतरता आहे, हे आम्हाला कळल्यावर शिवसेनेच्या माध्यमातून 42 बेड तयार करून आवशक साहित्य मोफत उपलब्ध करून दिले आहेत.
शिवसेना माजी जिल्हाप्रमुख दिनेश पाटील, उपजिल्हाप्रमुख नरेश राहाळकर, तालुका प्रमुख संतोष ठाकूर, शहर संपर्कप्रमुख गणेश म्हात्रे, शहरप्रमुख विनोद म्हात्रे, शहर संघटक भूषण घरत, दिलीप राहाळकर व सर्व आजी माजी प्रमुख पदाधिकारी यांच्या मार्गदर्शनाखाली शिवसेना नगरसेवक अतुल ठाकूर, अक्षय ठाकूर व साजन कांबळी यांनी हे साहीत्य उरण चे तहसीलदार भाऊसाहेब अंधारे, सामाजिक कार्यकर्ते संतोष पवार व राजेंद्र मढवी यांच्याकडे सुपूर्द केले. यावेळी वैद्यकीय अधिकारी, प्यारामेडिकल स्टाफ व आरोग्य कर्मचारी उपस्थित होते.शिवसेनेतर्फे कोरोना काळात विविध प्रकारे सामाजिक कार्य मोठ्या प्रमाणात सुरु असून हॉस्पिटल प्रशासन व उरणच्या जनतेने शिवसेनेच्या सर्व पदाधिकारी-कार्यकर्त्यांचे, शिवसैनिकांच्या या कार्याचे कौतुक करत आभार मानले आहे.
कोणत्याही टिप्पण्या नाहीत:
टिप्पणी पोस्ट करा