।। का ओळख येथे नवी ।।
आम्हांला या मातृभाषेची का ओळख येथे नवी
या माझ्या महाराष्ट्रात शोभते भाषेचीच थोरवी
या मायभूमीत अभिमानाची भाषा मायमराठी उजळे ज्योती
प्रत्येकांच्या मना-मनात रुजून येती मायबोलीची नाती
गावोगावी जन्म घेऊनी बीज अंकुरे ममतेचे मराठी
हेच येती प्रत्येकांच्या बाळाचे बोल बोबडे ओठी
इतिहासाच्या पानावरती शिवबाची तलवार मराठी
साहित्याच्या रणांगणावर एकनाथ तुकाराम ज्ञानेश्वरी ग्रंथ हेच अनेकांचे कोठी
किती अंभग किती पोवाडे भारुड साहित्यिकांच्या उजळती ज्योती
असे अनेक थोर कवी साहित्यिक नामवंत मायमराठीत होती
माय मराठी महाराष्ट्र देशा-देशात मिरवी राजवैभवात
शासकीय कामकाजात मायमराठी हासते सा-यात
चमकती असे मायभूमीचे पुत्र अनेक मराठी भाषेत
हीच मायमराठी आज नांदते घरा-घरात
महान ज्ञानी कुसुमाग्रज यांच्या जन्म दिनाची हीच महती
कांदबरी नाटक ललित निबंध वाड्मयीन साहित्यात
ज्ञानपीठ पद्मभूषण हीच यांची ख्याती
मराठी राजभाषा दिनानिमित्त सर्वांना मनःपूर्वक शुभेच्छा...
या महान पद्मभूषण कुसुमाग्रज
यांच्या प्रतिमेस विनम्र अभिवादन..
-प्रिया मयेकर उल्हासनगर-ठाणे
कोणत्याही टिप्पण्या नाहीत:
टिप्पणी पोस्ट करा