माझी गोड मराठी
कधी पेरूची, कधी आंब्याची फोड वाटते-२
बोलतांना, ऐकतांना माझी मराठी गोड वाटते...
केली भटकंती, हिंदी इंग्रजीची किती जरी-२
घरी परततांना माय मराठीची ओढ वाटते...
बोलतांना, ऐकतांना माझी मराठी गोड वाटते
व्यक्त होण्यासाठी मराठी, नको भाषा परकी-२
नाही माझ्या मराठीस कुणाची तोड वाटते...
बोलतांना, ऐकतांना माझी मराठी गोड वाटते
भाग्य आमुचे संत-शुरांच्या भूमीत जन्मलो हे-२
अशा महाराष्ट्रभूमीची मराठी अजोड वाटते
बोलतांना, ऐकतांना माझी मराठी गोड वाटते
लावावे रोप जिथे तिथे माझिया मराठीचे -२
फुटतील मग मराठीस नवे नवे मोड वाटते...
बोलतांना, ऐकतांना माझी मराठी गोड वाटते...
-प्रकाश पाटील, वसई
कोणत्याही टिप्पण्‍या नाहीत:
टिप्पणी पोस्ट करा