शहापुर(एस.एल.गुडेकर)- २८ डिसेंम्बर हा राष्ट्रीय काँग्रेसचा स्थापना दिवस असून आज शहापुर तालुका काँग्रेस कमिटीच्या जनसंपर्क कार्यालयात पक्षाचा १३६ वा स्थापना दिन कार्यक्रम साजरा करण्यात आला.महात्मा गांधी व पंडित नेहरू यांच्या प्रतिमांचे पूजन करून कार्यक्रमाची सुरुवात करण्यात आली,काँग्रेसचे तालुका अध्यक्ष महेश धानके आपले मनोगत व्यक्त करताना म्हणाले की देश स्वातंत्र्य करण्यासाठी योगदान देणारा आपला पक्ष असून आपण काँग्रेसचे कार्यकर्ते आहोत याचा अभिमान बाळगला पाहिजे,जात धर्म यात वाद निर्माण करून सत्ता मिळवणे हे भाजपचे धोरण असून देशाची एकात्मता व अखंडता कायम राहण्यासाठी प्रसंगी बलिदान ही काँग्रेसची परंपरा आहे,काँग्रेसच्या जेष्ठ नेत्या अपर्णा खाडे,लक्ष्मण घरत,तालुका उपाध्यक्ष जितू विशे,कृष्णा गोडांबे यांनीही काँग्रेस पक्षाचा इतिहास,काँग्रेस व देशासमोरील आव्हाने याबाबत आपले मनोगत व्यक्त केले,
याप्रसंगी गजानन बसवंत,आबा देशमुख,विश्वास गोरे,पद्माकर वरकुटे,देवेन्द्र भेरे,संतोष साळवे,माया मगर,अबुल शेख,अबु ताम्हणकर,युवराज जगताप, राजू साबळे,राहुल देसले,रामचंद्र जोशी आदी मान्यवर उपस्थित होते,कार्यक्रमाचे आभार प्रदर्शन जिल्हा उपाध्यक्ष लक्ष्मण घरत यांनी केले
कोणत्याही टिप्पण्‍या नाहीत:
टिप्पणी पोस्ट करा