विरंगुळा केंद्रात कोजागिरी पौर्णिमा साजरी

भाईंदर (पूर्व) येथील मिरा-भाईंदर महापालिका संचालित ' ज्येष्ठ नागरिक विरंगुळा केंद्रात ' कोजागिरी पौर्णिमेनिमित्त ज्येष्ठ नागरिकांच्या अंगभूत कलागुणांना वाव देण्यासाठी वेशभूषा, एकपात्री अभिनय , कविता वाचन , पुजेचे तबक सजविणे अशा स्पर्धा आयोजित करण्यात आल्या होत्या . विजेत्या स्पर्धकांना पारितोषिके देऊन गौरविण्यात आले. संकल्पना केंद्राचे अध्यक्ष शंकर जंगम आणि उपाध्यक्ष ‌ सदाशिव चव्हाण यांची होती. सूत्रसंचालन सरचिटणीस गंगाराम पवार आणि भूपाल चव्हाण यांनी केले. राष्ट्रगीताने कार्यक्रमाची सांगता झाली.कार्यक्रमानंतर उपस्थित सर्व सभासदांना मसाला ‌ दूध देण्यात आले.