बदलापूर(गुरुनाथ तिरपणकर)-शहरातील सर्वागींण विकास व्हावा यासाठी कार्यतप्तर असणारी बदलापूर येथील सिटीझन्स वेल्फेअर असोसिएशन ही संस्था कार्यरत आहे. सामाजिक बांधिलकी म्हणून सिटीझन्स वेल्फेअर असोसिएशन यांचेमार्फत सलग दुस-या वर्षी दीपावली निमित्त कोंडेश्वर येथील तारपाडी आदिवासी पाड्यावरील सर्व आदिवासी बांधवांसाठी कपडे व मिठाई वाटप २६नोव्हेंबर रोजी करण्यात आले. सिटीझन्सचे उपक्रमाचे हे द्वितीय वर्ष आहे.यावर्षीचा हा स्तुत्य उपक्रम सिटीझन्स वेल्फेअर असोसिएशनच्या सर्व सदस्यांच्या उपस्थितीत आणि सहकार्याने पार पडला. यावेळी आबालवृद्ध नागरिकांच्या चेह-यावर आनंद फुलला होता.यावेळी असोसिएशनचे जेष्ठ सल्लागार श्री.दिलिप नारकर,सदस्य श्री.दिलीप शिरसाट,श्री.चंद्रकांत चिले,सौ.सुवर्णा इस्वलकर,श्री.गुरुनाथ तिरपणकर,श्री.सुदर्शन सावंत,डाॅ.अमितकुमार गोविलकर हे उपस्थित होते.तसेच या उपक्रमासाठी श्री.महेश सावंत,श्री.सुहास सावंत,श्री.विलास साळगावकर,सचिव श्री.राजेंद्र नरसाळे,अध्यक्ष श्री.सुनिल दळवी आणि अनेक दानशूर मान्यवरांचा सहभाग लाभला.
कोणत्याही टिप्पण्‍या नाहीत:
टिप्पणी पोस्ट करा